АҚШ президенти Дональд Трампнинг тариф сиёсати япон автосаноатига оғир зарба бермоқда, деб хабар берди “АвтоВзгляд” портали. Toyota, Mazda ва Honda каби энг йирик автомобиль ишлаб чиқарувчи компаниялар рекорд даражадаги зарар қайд этмоқда, бу эса Токиони муросага боришга мажбур қилмоқда.
Nikkei Аsiа маълумотларига кўра, Toyota компаниясининг 2025 йил апрель–июль ойларидаги соф фойдаси 36,9 % га қисқарган. Компания йиллик прогнозини қайта кўриб чиқиб, кутилаётган зарарини етти баробар оширди ва кўрсаткич 44,2 % га етди. Худди шундай муаммолар бошқа япон ишлаб чиқарувчиларида ҳам кузатилмоқда: Mazda 2025 йил иккинчи чорагини 313 миллион доллар зарар билан, Honda эса 201 миллион доллар зарар билан ёпган.
Натижада Япония ҳукумати бош вазир Шигеру Исиба раҳбарлигида АҚШ саноатига мисли кўрилмаган 550 миллиард долларлик маблағ ажратишга рози бўлди. Бунга жавобан Трамп япон автомобилларига қўйилган тарифларни 15 % гача камайтирди. Бироқ мутахассислар бу қарор сезиларли фойда келтиришига шубҳа қилмоқда.
Мутахассислар қайд этишича, юзага келган вазият Хитой автомобиль ишлаб чиқарувчилари учун янги имкониятлар очмоқда. Улар жаҳон бозоридаги улушини фаол оширмоқда.
Изоҳ (0)