Оёқларни чалкаштириб ўтиришни ёқтирасизми? Жавобингиз “ҳа” бўлса, эҳтиёт бўлишни тавсия қиламиз. Бундай ўтириш соғлиққа нечоғли зарар эканидан тўлиқ хабар топгач, стул ёки диванда ўтириш учун янги позицияни танлашни хоҳлаб қолишингиз эҳтимолда ҳоли эмас, деб ёзмоқда Marie Claire нашри.
Гап шундаки, оёқларини устма-уст қилиб ўтириш саломатлик билан боғлиқ жиддий муаммоларга олиб келиши ва тананинг кўп қисмларига таъсир қилиши мумкин. Тадқиқотларга кўра, оёқ юқори қисмининг тузилиши ўзгаришидан ташқари оёқни чалкаштириб ўтириш қон қуйқалари (тромблар) хавфини оширади. Чунки бундай ҳолатда оёқдаги қон оқими ҳаракатини бошқа томонга буришга тўғри келади. Бежиз оёқларни чалкаштириб ўтириш қон томирларининг шикастланиши билан боғлиқлиги ажабланарли ҳол эмас.
Эътибор беринг, бир оёқни иккинчи тизза устидан оширган ҳолда ўтириш тўпиқ қисмларни устма-уст қилиб ўтиришдан кўра зиёндир. Бундай позиция қон босимини оширади, сабаби қон маълум жойларда тўплана бошлайди.
Аммо бу одат умуртқа поғонасига ниҳоятда сезиларли таъсир кўрсатади. Вақт ўтиши билан сколиоз хавфи ортади, шунингдек, соннинг юқори ташқи юзаси билан боғлиқ бўлган оғриқ кучаяди. Бошнинг ҳолати тос суяги устидаги оғирлик марказининг силжиши туфайли ҳам ўзгариши мумкин. Ҳам умуртқа поғонаси, ҳам елкалар нотўғри ҳолатга ўтади ва аста-секинлик билан тос мушакларининг узунлиги ўзгаради.
Муаммолар шу билан тугамайди. Оёқни чалиштириб ўтириш одати нервларнинг шикастланишига олиб келади, айниқса, оёқда жойлашган перонеал асаб сиқилганда бу яққол намоён бўлади.
Аммо айрим ҳолларда, оёқларни чалиштириб ўтириш бир нечта афзалликларни беради. 2016 йилда Миллий тиббиёт кутубхонаси томонидан ўтказилган тадқиқот шуни кўрсатдики, бир оёғи иккинчисидан узунроқ бўлганлар оёқларини чалкаштириб ўтиришлари мумкин.
Нима бўлганда ҳам озгина ноқулайлик пайдо бўлиши билан, бу одатдан воз кечган афзалдир. Юзага келган нотўғри ҳолатни бартараф этиш учун шифокор билан маслаҳатлашгач, махсус жисмоний машқлар талаб этилиши мумкин.
Мавзуга доир:
Изоҳ (0)