Бармоқлардаги эгрилик туғма ёки ёш ўтиб бориши билан юзага келиши мумкин. Ушбу ҳолат доим ҳам даволашни талаб этмайди. Қачонки, оғриқ пайдо бўлиб, эгрилик кучайса шифокор кўрсатмасига кўра даволаш ишлари олиб борилади.
Оёқ бармоқларидаги эгрилик турлари
Чақалоқларда эгри бармоқлар
Ота-оналар буни дастлаб сезмаслиги мумкин, сабаби бармоқлар бир-бирининг остига ўралганга ўхшайди. Кўпинча бу иккала оёқда ҳам кузатилади. Одатда уч ёки тўртинчи бармоқларда бўлади ва бу туғма ҳолат ҳиосбланади. Баъзида уларни тузатиш талаб этилади, баъзида эса табиий равишда тўғирланади.
Болғача шаклдаги эгрилик
Ушбу деформация ўрта бармоқ бўғимидаги ғайритабиий эгрилик билан тавсифланади. Бунга оёқ бармоқларини тўғри ушлаб туриш учун биргаликда ишлайдиган мушак ва пайлар ўртасидаги мувозанат сабаб бўлади. Эгрилик одатда бир ёки иккала оёқнинг иккинчи ёки учинчи бармоқларига таъсир қилади. Ушбу турдаги эгрилик аёлларда эркакларникига қараганда тез-тез учрайди ва ёшга қараб ортиб боради. Баъзи ҳолларда эса бармоқнинг юқори бўғимида, тирноқ яқинида эгрилик пайдо бўлади.
Тирноқ эгрилиги
Номидан маълумки, бу турдаги деформацияда бармоқлар оёқ остига эгилиб, ҳатто оёқни яра қилиши ҳам мумкин. Натижада оғриқ, тирноқ атрофида шиш, яллиғланишлар юзага келади.
Кесишган эгрилик
Ушбу деформацияда бир бармоқ иккинчиси билан кесишган ҳолатда бўлади. Бу ҳолат болалар ва катталар, аёл-у эркакда бирдек намоён бўлади.
Нима учун оёқ бармоқларида эгрилик юз беради?
Бунинг бир нечта сабаблари бўлиши мумкин. Масалан, касалликнинг айрим турлари ота-онадан фарзандга ўтади. Шунингдек, нотўғри пойабзал кийиш ҳам бармоқларнинг қийшайиб қолишига олиб келади. Жуда тор ва кичик оёқ кийимлар мушакларни таранглаштиради ва оёқ бармоқларини қисилишига олиб келади. Натижада бармоқ деформацияси билимсиз тарзда юзага келади. Бундан ташқари, баланд пошнали туфлилар ҳам сабаблардан яна бири ҳисобланади. Узоқ вақт тана вазнининг нотўғри тақсимланиши натижасида бармоқларга нисбатан босим кучаяди ва уларнинг эгилиши кузатилади.
Айниқса, баланд пошналар бармоқларгагина эмас, тиззаларда ҳам остеоартрозни келтириб чиқаради. Баланд пошнада югуриш эса хавфни янада оширади, пошнанинг жуда баланд бўлиши ҳам касаллик ривожини орттириши мумкин.
Тўғри даволанмаган синган оёқ бармоғи ҳам эгриликка олиб келади. Шунингдек, қаттиқ шикастланиш ҳам бармоқлар деформациясининг сабабчиси саналади. Бундан ташқари вазн ортиши оқибатида бармоқларда ўзгаришлар содир бўлади. Сабаби оддий, ортиқча килограммлар оёққа кучли босим юклайди ва бармоқ суякларини қийшайтириб юборади.
Агар оёқ бармоқлари деформацияси қаровсиз қолдирилса, қуйидаги асоратлар пайдо бўлиши мумкин:
- пойабзал кийилганда оғриқ ва тирналиш;
- яллиғланиш;
- бармоқларнинг қисқариши;
- доимий эгилиш;
- бармоқларни ҳаракатга келмаслиги.
Бу ҳар кимнинг бармоқ эгрилиги ва қаттиқлигига боғлиқ. Агар бармоқлар эгилувчан бўлса ва осонгина ўз ҳолига қайтса, бунинг учун турмуш тарзини ўзгартириш кифоя. Бордию бунинг акси бўлса, у ҳолда оғир усуллар талаб қилинади.
Бунинг учун қулай ва мос пойабзал кийишни бошлаш керак. Баланд пошналарни паст ёки текислари билан алмаштириш зарур. Оёқ кийимда ҳар бир бармоқ учун етарли жой борлигига ишонч ҳосил қилиш керак. Шунингдек, ортопедик пойабзаллардан фойдаланиш оёқнинг физиологик ҳолатини сақлашга ёрдам беради.
Оёқ бармоқлари ёрдамида машқ қилиш ҳам фойдали бўлиб, мускуллар чўзилиши ва яна жойига қайтишига ёрдам беради. Бармоқлар билан ердаги кичкина буюмларни олишга ҳаракат қилиш керак. Бу ҳам оёқда қон айланишини яхшилайди ва бармоқлар ҳаракатини осонлаштиради. Эгри бармоқлар қаттиқлашиб, оғриқлар пайдо бўлганида жарроҳга мурожаат қилиш зарур. Сабаби оғриқлар аста-секин юришни ҳам қийинлаштириши мумкин.
Изоҳ (0)