Қон босимининг 140/90 мм симоб устунидан юқори кўтарилиши қон босимининг классик кўтарилиши ҳисобланади. Бироқ, шуни унутмаслик керакки, қон босимининг кўтарилиши 130/80 мм симоб устунига тенг ёки ундан юқори бўлган одамлар ҳам кам эмас.
Юқори қон босимининг энг кўринмас аломатлари қуйидагилар бўлиши мумкин:
- Оёқ-қўлларнинг шишиши (кўпинча эрталаб);
- Кўз остидаги қора доиралар;
- Чарчоқ, руҳий тушкунлик;
- Терлашнинг кучайиши;
- Қулоқларда кучли шовқин, оғирлик ҳисси.
Қон босимини қандай қилиб тўғри ўлчаш кераклигини эслатиб ўтамиз:
Инсон хотиржам ҳолатда бўлиши, ўзини қулай ҳис қилиши керак, шунда натижаларни имкон қадар аниқ олиш мумкин. Агар сиз қон босимингизнинг кўтарилмаганлигига ишонч ҳосил қилиш учун ўлчаётган бўлсангиз, яъни қон босими билан боғлиқ ҳеч қандай шикоят ёки касаллик бўлмаса, унда қон босими вақти-вақти билан бир хил қўлда ўлчанади.
Ўлчовлар частотаси хавф гуруҳига боғлиқ, шунинг учун шифокор билан маслаҳатлашиш яхшироқ. Агар одам дори-дармон қабул қилса, унда кунига икки марта бир хил қўлда қон босимини ўлчаш тавсия этилади.
Қайси қўлда қон босимини ўлчаш яхшироқ?
Аввалига тажриба ўтказинг: 2 дақиқа оралиғида ҳар икки қўлда ҳам қон босимини ўлчанг. Натижаларга қаранг. Кейинчалик юқори кўрсаткичлари бўлган қўлда қон босимини ўлчанг.
Агар катта фарқни сезсангиз (диастолик босимда 5 мм ва ундан кўп; систол босимда 10 мм ва ундан кўп), унда таҳлиллар топшириб, сизда атеросклероз бор-йўқлигини текширтирганингиз маъқул.
Изоҳ (0)