Витаминлар фойдали, аммо уларни меъёридан оширмаслик керак. Биологик қўшимчаларни назоратисиз қабул қилиш организмга жиддий зарар етказиши мумкин. Айниқса B гуруҳи витаминларини шифокор тавсиясисиз дори сифатида қабул қилиш жуда хавфли. Оху.Аз сайтининг хабар беришича, бу ҳақда эндокринолог Лариса Бавикина сўзлаб берган.
“Бундай витаминлар танамиздаги ҳужайраларнинг бўлиниши билан боғлиқ жараёнларда иштирок этади. Бу эса назоратисиз қабул қилинганида онкологик касалликлар хавфини оширад,”, деб таъкидлади шифокор.
Бундан ташқари, мутахассислар Д витамини ҳам ортиқча истеъмол қилинганда хавфли бўлиши мумкинлигини таъкидлашмоқда. Унинг миқдори меъёридан ошса, организмда кальций алмашинуви бузилади. Бу эса қон томирларида чўкмалар ҳосил бўлишига ва натижада юрак хуружи ёки инсультга олиб келиши мумкин. Турли тадқиқотларга кўра, А витаминини қабул қилган чекувчиларда ўпка саратони кўпроқ ривожланган.
Шифокорлар ўз-ўзини даволаш билан шуғулланмасликни маслаҳат беради. Ҳатто витаминларни ҳам мутахассис тайинлаши лозим. Қабул қилишни бошлашдан олдин таҳлил топшириш ва организмда ҳақиқатан ҳам маълум моддалар етишмаслигига ишонч ҳосил қилиш муҳим.
Изоҳ (0)