Жағдаги ҳуснбузарлардан қандай қутулиш мумкин? 9 та оддий қоида 

Агар даҳан қисмида доимий равишда оғриқли, катта ва қаттиқ ҳуснбузарлар пайдо бўлса, бу акнеларнинг чиқишига кўпинча гормонал ўзгаришлар сабаб бўлади. Тўғри парвариш қилишни билиш вазиятни сезиларли даражада яхшилаши мумкин.

Жағдаги акне ҳақида

Жағ ёғ безлари кўп жойлашган ҳудуддир. Бу ерда тери тешиклари тўлиб қолиш ва яллиғланиш юзага келиш эҳтимоли юқори. Фолликулаларда терининг ўлик ҳужайралари ва ёғ тўпланиб қолганда, мувозанат бузилади ва оқибатда ҳуснбузар пайдо бўлади.

Акненинг бир неча тури бор.

• Замбуруғли — фолликулаларда хамиртурушсимон замбуруғ миқдорининг ортиши сабабли юзага келадиган қичишувчи ва яллиғланган тошмалар.
• Кистоз акне — чуқур жойлашган, оғриқли тугунлар бўлиб, улар чуқур чандиқ қолдириши мумкин.
• Гормонал — стресс, ҳайз цикли ёки айрим дорилар таъсирида тери ёғи миқдорининг ортиши туфайли пайдо бўладиган оддий оқ ҳуснбузарлар.
• Шарсимон — устки юзадаги ҳуснбузар ва чуқур тугунларнинг уйғунлашуви бўлиб, бундай ҳолатда шифокор кўриги зарур бўлади. 

Жағ соҳасида ҳуснбузарларнинг пайдо бўлиш сабаблари

Бундай тошмалар пайдо бўлишига асосий сабаб гормонлар ҳисобланади. Аёллар кўпинча бу муаммога ҳайз цикли даврида дуч келади: гормонлар тери ёғи (себум) ишлаб чиқарилишини кучайтиради, бу эса бактериялар кўпайиши ва тешикчалар (поралар) йиғилиб қолиши учун идеал муҳит яратади.

Аммо ташқи омиллар ҳам мавжуд:

• жағни тез-тез ушлаш,
• қўлга суянган ҳолда ўтириш,
• ниқоб тақиш,
• терига мос келмайдиган ёки аллергия келтириб чиқарадиган косметик воситалардан фойдаланиш.

Даҳан соҳасидаги ҳуснбузарлардан қандай қутулиш мумкин?

1. Салицил кислота ва бензоилпероксид 

Ушбу икки восита ҳуснбузарга қарши энг ишончли воситалардир. Салицил кислота пораларни чуқур тозалайди ва яллиғланишни камайтиради, бензоилпероксид эса акне сабабчиси бўлган бактерияларни йўқ қилади. Аммо дарҳол натижа кутманг, 2–4 ҳафта вақт ўтгач самарасини кўрасиз.