Ўзбекистонлик талабалар бир вақтда 2 000 та роботни йиғиб, Гиннеснинг рекордлар китобига кирмоқчи. Бу ҳақда Президент администрацияси раҳбарининг таълимни ислоҳ қилиш бўйича ўринбосари Ҳилола Умарова маълум қилди.
Маълум бўлишича, жорий йилнинг 18 август куни “Янги Ўзбекистон” боғида 2 000 нафар ёш муҳандис бир вақтда 2 000 та роботни йиғиб, ишга тушириш орқали Гиннеснинг рекордлар китобига кирмоқчи.

Тадбирда пойтахтдаги ва республиканинг турли ҳудудлардан келган минглаб ёшлар, жумладан, имконияти чекланган ёш муҳандислар ҳам иштирок этади.
Бундан аввалги рекорд 2023 йилнинг 23 январида Ҳиндистонда ўрнатилган бўлиб, унда 1 459 нафар 6-синфдан 10-синфгача бўлган ўқувчи бир вақтда мини‑роботларни ясаган.
Изоҳ (0)