Yaqinlarga quloq tutish muhim, ayniqsa, hayotni o‘zgartiradigan rollar haqida gap ketganda. Mazkur Gollivud yulduzlari qarindoshlarining fikriga quloq solishdi va bundan afsuslanishmadi.
Kris Evans
Hozir Kapitan Amerika rolida boshqa birovni tasavvur qilish qiyin. Ammo Kris Evans bu qahramonni o‘ynamasligi ham mumkin edi. Aktyor mashhur bo‘lishni xohlamagan va shu sababli Marvel filmlarida suratga tushishdan voz kechgan.
O‘g‘lim menga qo‘ng‘iroq qilib, maslahat so‘radi. Men unga: “Umr bo‘yi aktyor bo‘lishni xohlaysanmi? Agar bu rolni qabul qilsang, hamma narsa o‘z yo‘liga tushadi. Uy-joy uchun pul to‘g‘risida boshqa tashvishlanmaysan. Sen shunchaki qaror qabul qilishing kerak. Agar rozilik bersang, hayoting yaxshilanadi”, dedim, degan edi onasi Liza.
Shundan keyingina Kris bu rolga rozi bo‘lgan.
Tom Kruz
Agar uning singlisi Kess bo‘lmaganida, aktyor “Yomg‘ir odami” filmida rol o‘ynamasligi mumkin edi. Gap shundaki, Kess mashhur akasi bilan tushlik qilayotgan restoranda Dastin Hoffmanni ko‘rib qolgan. U Tomni ancha vaqt qistagan va aktyor nihoyat hamkasbi bilan salomlashishga rozi bo‘lgan.
Men: “Kechirasiz, janob Hoffman, uzr...” dedim. U esa: “Kruz!” deb javob berdi, deydi Tom.
Natijada Dastin Hoffman aktyor va singlisini o‘z filmining premyerasiga taklif qiladi. Keyin esa sahna ortida Tomga rol taklif etadi. Bir yil o‘tgach, ssenariy aktyorning qo‘liga tegadi.
Skarlett Yoxansson
Skarlett Yoxanssonning qizi Rouz 10 yoshda. Tabiiyki, u multfilmlarni ko‘rishni yaxshi ko‘radi. Biroq qizcha animatsion loyihalar ustida ishlaydigan mashhur odamlar nima ish qilishini uzoq vaqt tushunolmaydi. Onasi bu borada unga yordam berishga qaror qiladi.
Esimda, qizim men Eshga ovoz bergan “Kuyla” multfilmini ko‘rdi. Men unga bularning barchasi qanday sodir bo‘lishini, qahramonlar qanday jonlantirilishini uzoq tushuntirishimga to‘g‘ri keldi. Keyin, ehtimol, u jarayonni ichkaridan ko‘rishni xohlar, deb o‘yladim, deya hikoya qiladi Skarlett.
Shunday qilib, Yoxansson “Transformerlar: ibtido” multfilmidagi Elita-1 ga ham ovoz beradi.
Rayan Reynolds
“Pokemon: detektiv Pikachu” filmining asl versiyasida aynan Rayan Reynolds pokemonga ovoz bergan. Aktyor bu filmda qatnashishga rozi bo‘ladi, chunki odatda yosh reytingi tufayli o‘zi ishtirok etgan filmlarni bolalariga ko‘rsata olmaydi. Bu safar esa ular bilan to‘g‘ridan to‘g‘ri ekran orqali salomlashish imkoniyati paydo bo‘ladi.
“Farzandlarimga yoqadigan filmda rol o‘ynaganimdan xursandman. 18+ chegarasi bo‘lmagan kartinalarda kamdan kam suratga tushaman. Bu men uchun juda muhim”, deydi u.
Izoh (0)