Baʼzi mashhurlar “Suratga olish mumkin emas!” tamoyiliga amal qilib yashaydi va hatto sevimli yulduzlari bilan uzoq kutilgan uchrashuvni kameralarga muhrlash orzusidagi muxlislari uchun ham istisno qilmaydi. Buning sababi faqatgina yulduzlik kasalligi yoki injiqlik emas. Ba’zida rad etishlar ortida jiddiy sabablar yashiringan bo‘ladi: fobiya, stress, tanqid yoki odamovilik.
Kianu Rivz: fojiali voqeadan so‘ng jamoatchilik e’tiboridan chetlashishi
Gollivudning eng kamtarin aktyorlaridan biri Kianu Rivz karyerasi boshidanoq omma e’tiboridan qochib keladi. “Matritsa” yulduzini faqat yangi filmi premyerasidagi qizil gilamda uchratish mumkin. Aktyor bir necha bor o‘z shaxsi atrofidagi haddan tashqari e’tibor va doimiy shov-shuvdan bezovta bo‘lishini tan olgan.
Kianu Rivz 2001-yildagi fojiali voqeadan so‘ng ongli ravishda jamoat hayotidan voz kechgan — o‘shanda uning sevgilisi Jennifer Saym avtohalokatda halok bo‘lgan. Bu hodisadan keyin tez mashhurlikka erishayotgan aktyor chuqur tushkunlikka tushib qoladi. U ataylab jamiyatdan uzoqlashadi: faqat zarur hollarda ko‘chaga chiqadi, dam olishga bormaydi. Bu unga og‘ir yo‘qotish haqida tinimsiz eslatib turadigan surbat jurnalistlardan yashirinishning yagona yo‘li edi.
Biroq Rivz o‘z kasbini chin dildan sevadi. Ruhiy qiyinchiliklarga qaramay, u kinoda suratga tushishni davom ettiradi, lekin ziyofatlarga borishdan bosh tortadi va tadbirlarda ishtirokini kamaytiradi. Aktyor qayg‘u bilan kadr ortida kurashdi: Kianu Rivz xayriya ishlari bilan faol shug‘ullana boshladi va hatto singlisini yo‘qotishiga sabab bo‘lgan leykemiyaga qarshi kurashish uchun o‘z jamg‘armasini tashkil etdi.
Enn Heteuey: nafrat va ta’qib tufayli yashirincha hayot kechirmoqda
Internet zo‘ravonligi shafqatsiz hodisa bo‘lib, undan hatto eng nufuzli shaxslar ham himoyalanmagan. 2013-yilda aktrisa Enn Heteuey nafrat to‘lqiniga duchor bo‘ldi. Uning faoliyatidagi bu dahshatli davr hatto “Xataxeyt” nomini oldi. “Xo‘rlanganlar” filmida “Eng yaxshi ikkinchi plandagi ayol roli” uchun “Oskar” mukofotini qo‘lga kiritganidan so‘ng, odamlar Ennni ko‘zbo‘yamachilikda, sun’iy xatti-harakatlarda va soxta “malika” obrazini yaratishda ayblashadi.
Ommaviy ta’qib tufayli aktrisa deyarli ishsiz qoldi: prodyuserlar salbiy munosabat paydo bo‘lishidan cho‘chib, u bilan hamkorlik qilishdan bosh tortishdi. Enn Heteueyning o‘zi jamoatchilik e’tiboridan chetda qolishga va odamlar orasiga chiqmaslikka majbur bo‘ldi. U ilgari xursandchilik bilan qabul qilgan yuqori e’tibor endi stressning asosiy manbasiga aylandi. Uzoq vaqt davomida Heteuey ziyofatlar va ommaviy tadbirlarga bormaslikka harakat qildi, xuddi shu sababga ko‘ra muxlislari bilan suratga tushishni rad etdi.
Aynan o‘sha paytda u hech kimga o‘zini sindirishga yo‘l qo‘ymasligini tushundi. Muhokamalar va salbiy fikrlar uning kasbining ajralmas qismi ekanligini angladi. Biroq hozirga qadar doimo yosh ko‘rinadigan aktrisa barcha e’tibor va kamera obyektivlari unga qaratilganida noqulaylik his qiladi.
Jeyms Hetfild: suratlar o‘rniga jonli muloqot
Afsonaviy Metallica guruhining xonandasi va asoschisi Jeyms Hetfildning fotosessiyalari sanoqli. Mashhur roker ko‘proq sahnada jonli kuylab, omma bilan birgalikda mashhur qo‘shiqlarni ijro etishni ma’qul ko‘radi.
Uning falsafasi muxlislar bilan birgalikdagi suratlarga ham taalluqli: Hetfild bir lahzalik suratlar o‘rniga qisqa, yuzma-yuz suhbatni afzal biladi. U muxlislar bilan suratga tushmasligini va imzo bermasligini ochiq tan oladi. Buning o‘rniga, u ular bilan besh daqiqa suhbatlashib, samimiy qo‘l siqishga tayyor. Uning fikricha, telefon ekrani orqali hatto bir soniyalik shaxsiy vaqtini yo‘qotish na unga, na muxlisga foyda keltiradi. Jeyms sahnada ham, shaxsiy uchrashuvda ham muxlislar bilan chuqurroq va mazmunli muloqot qilishni aqlli tanlov deb biladi, biroq uning bu nuqtayi nazarini hamma ham qo‘llab-quvvatlamaydi.
Florens Uelch: kamera oldidagi xavotir va qo‘rquv
Florence and the Machine rok guruhining solisti tug‘ma uyatchanlik va tortinchoqlikdan butun umri davomida aziyat chekadi. Bunga ishonish qiyin, chunki sahnada Florens Uelch butun stadionlarni junbishga keltiradi. Ammo aslida vaziyat boshqacha.
Faoliyatining boshidan boshlab Uelch muxlislarini yangi suratlar bilan kamdan-kam xursand qilgan, jamoatchilikka ehtiyotkorlik bilan yondashgan, shuningdek, ijtimoiy tarmoqlarga ishonchsizlik bilan qaragan. U notanish odamlar bilan muloqotda o‘zini juda noqulay his qiladi va kamera obyektivlari oldida dovdirab qoladi. Fotosuratlar esa Florens Uelchda haqiqiy xavotir uyg‘otadi: u doimo o‘zini boshqalar bilan taqqoslaydi, tashqi ko‘rinishiga tanqidiy yondashadi va agar gap kundalik media makonida bo‘lish haqida ketsa, vahimaga tushadi.
Xonanda butun quvvati va mehrini musiqa va jonli ijro orqali muxlislariga yetkazadi.
Izoh (0)