Anjelina Jolining muxlislari Kann kinofestivali gilamida sodir bo‘lgan voqeani ko‘rib, xavotirlana boshladi. Ularning fikricha, Joli tan soqchisi tufayli o‘zini noqulay va asabiy his qilmoqda.
49 yoshli Gollivud aktrisasi Pedro Paskal, Emma Stoun, Hoakin Feniks va Ostin Batler bosh rollarda suratga tushgan “Eddington” filmi premyerasida ishtirok etdi. Festival tadbirlari davomida ko‘pchilik aktrisaning shaxsiy tansoqchisidan yiroqroq bo‘lishga urinayotganini payqadi, deb yozadi Daily Mail.
Muxlislar bu taxminlarini isbotlash maqsadida kichik videorolik ham tayyorlab, uni ijtimoiy tarmoqlarga joylashtirishdi. Unda quyidagicha izohlar qoldirilgan:
— “Unga o‘z xavfsizlik xizmati xodimidan xavfsizlik kerak”;
— “Joli bu kishini yoqtirmasligi aniq”;
— “Anjelina o‘zini noqulay his qilayotgani ekrandan sezilmoqda”;
— “Buni ko‘rib asabim buzildi. Bilaman, bu xavfsizlik xodimining vazifasi, lekin iltimos, unga nafas olishga qo‘yib beringlar!”.
Gollivud yulduzi Anjelina Joli 78-sonli Kann kinofestivaliga 14 yillik tanaffusdan so‘ng qaytdi. U kinofestivalda so‘nggi bor 2011-yilda qatnashgan edi. Unda aktrisa Bred Pittnning “Hayot daraxti” nomli filmi premyerasini qo‘llab-quvvatlagan.
2025-yilgi festival doirasida Joliga yosh va iqtidorli aktyorlar uchun beriladigan maxsus Trophée Chopard mukofotini topshirish sharafi nasib etdi. Bu yilgi g‘oliblar fransuz aktrisasi Mari Kolombi va irland-britaniyalik aktyor Finn Bennett bo‘ldi.
Izoh (0)