Kianu Rivz Gollivuddagi eng mehribon va kamtar aktyor ekanini isbotlovchi holatlar

Kianuning ekrandagi yorqin rollari unga butun umrga yetgulik boylik olib kelgan, lekin pul aktyorning insoniyligiga putur yetkazmagan. Kianu kichik kvartirada yashaydi va yillar davomida bir xil kiyimlarda yurishdan uyalmaydi. Bundan tashqari, aktyor hisobidagi katta miqdordagi pullarni xayriya ishlariga yo‘naltirilishi barchaga ma’lum.

U metroda yurib, odamlarga joy beradi

Katta shaharlarda metro eng qulay transport vositasi bo‘lsa-da, ko‘plab Gollivud yulduzlari shaxsiy haydovchisi bo‘lgan avtomobillardan foydalanadi. Biroq Kianu Rivz boshqacha yo‘l tutadi. U “Konstantin: zulmat hukmdori”, “Tezlik”, “To‘lqinlarni bo‘ysundirib”, “Iblis advokati” va “Matritsa” trilogiyasi kabi filmlari bilan katta shuhrat qozongan bo‘lsa-da, metroda yuradi.

Kianuni yanada mashhur qilgan “Jon Uik” filmining premyerasidan bir necha oy o‘tgach, uni yana metroda ko‘rishdi. O‘z o‘rnida jimgina o‘tirib, eshiklar ochilgandan so‘ng, kimnidir izlayotgandek atrofga qaray boshladi. Rivz katta sumkali ayolni ko‘rishi bilan kamtarlik bilan unga yaqinlashib, unga joy berdi. Kundalik hayotda oddiy insonning jamoat transportida o‘z o‘rindig‘ini boshqaga bo‘shatib berishi odatiy hol bo‘lsa-da, Gollivud yulduzining bunday qilayotganini kamdan-kam uchratish mumkin, shuning uchun muxlislar mashhur aktyorga yana bir bor qoyil qolishdi.

Kianu qizlar bilan suratga tushayotganda masofa saqlaydi

Kianu Rivz uchun mashhur aktyor sifatida fotosessiya hayotning bir qismidir va u tez-tez fotosuratlarini ayol hamkasblari bilan baham ko‘radi. Ammo e’tibor bersangiz, Kianu kamera qarshisida turib, qizlarni quchoqlagandek suratga tushsa ham, qo‘lini ularga tekkizmaydi.

Ba’zilar buni bir vaqtlar o‘zlarini haqoratlangan aktrisalar tomonidan prodyuserlar va aktyorlarga ko‘plab ayblovlar qo‘yilgani bilan bog‘lashadi. Biroq Kianu buni ancha oldin boshlagan. Rivz shunchaki qizlarning shaxsiy hududini qadrlaydi va chegaralardan o‘tishga yo‘l qo‘ymaydi.

Rivz 9 yoshli muxlisini xursand qilgan

Aktyorlar ko‘pincha soatlab dastxat tarqatishga majbur bo‘lishadi. Shu sababli ko‘p aktyorlar muxlislariga imzo qo‘yib, bu ishni tezroq yakunlash uchun o‘zlarini ularni yoqtirmagandek tutishlari ko‘p kuzatiladi. Ammo bu Kianu Rivzga tegishli emas. 2019-yilda u “O‘yinchoqlar tarixi 4” filmida Dyuk Bubumsning kaskadyor o‘yinchog‘iga ovoz bergan va multfilmga bag‘ishlangan dastxat berish sessiyasiga keladi.

Muxlislaridan biri 9 yoshli Noy ismli bola bo‘lib, uning oldiga kelib: “Men sizning ashaddiy muxlisingizman. Siz butun dunyodagi eng sevimli aktyorimsiz. Siz eng zo‘rsiz!”, deydi.  Rivz shunchaki “rahmat” deyish bilan kifoyalanib qolmay, Dyukning ovozida gapirib, Noyni xursand qiladi.

Kianu Rivz bolalar shifoxonalariga bildirmay xayriya qiladi

Aktyorlar orasida xayr-ehson qilish juda keng tarqalgan. Kianu Rivz ham xayriya jamg‘armasi bor, biroq hech kim uni mashhurlik uchun qilyapti deb o‘ylamasligi uchun aktyorning ismi unda ko‘rsatilmagan.

Rivzning o‘zi aytganidek, jamg‘arma 6 yildan beri mavjud va shu vaqt ichida bolalar shifoxonalari va yangi dori-darmonlarni izlayotgan olimlarga bir necha bor yordam bergan.

Rivz ikki kaskadyorni “tirik qoldirgan”

Ma’lumki, Kianu Rivz suratga tushayotgan jangari filmlar kaskadyor va dublyorlariga hurmat bilan munosabatda bo‘ladi, ammo “Jon Uik 3” filmining oxirida ikkita shinobi rolini o‘ynagan Chechep Arif Rahman va Yayan Ruxyanga munosabati yanada o‘ziga xos. Aktyor ular bilan uzoq repetitsiyalar va suratga olish ishlarida birga ishladi. Kianga ular bilan ishlash shunchalik yoqadiki, u ssenariyga ozgina o‘zgartirish kiritib, ularning tirik qolishiga imkon beradi.

Shunday qilib, Chechep Arif Rahman va Yayan Ruxyan Kianu Rivzning Jon Uik bilan to‘qnashuvdan omon qolgan kam sonli “dushmanlari”dan biriga aylanishadi.

Kianu notanish odamni deb 80 kilometr noto‘g‘ri yo‘nalishda yo‘l bosgan

Kianu metroda yurishiga qaramay, bir vaqtlar muxlisalaridan biri haydagan Porsche 911 avtomobilidan foydalanib turadi. Bir kuni Rivz yo‘lda ketayotganida mashinasi buzilgan qizni ko‘rib qoladi. U to‘xtab, evakuator chaqirdi va qizning mashinasini olib ketguncha kutib turadi.

Keyin Kianu qizni o‘zining Porshiga o‘tqazib, uni qarama-qarshi tomonda joylashgan uyiga olib boradi. U 80 kilometr yo‘l yurib, burchini bajarganini his qilib, yanada ko‘proq xayrli ishlar qilish uchun orqaga qaytdi.

Kianu Rivz kaskadyorlarga esdalik sovg‘alar ulashadi

Kianu Rivz o‘zi bilan ishlaydigan kaskadyorlarga katta hurmat bilan munosabatda bo‘ladi va buni amalda ham ko‘rsatadi. “Matritsa” filmi suratga olingandan so‘ng, u kaskadyorlarga 12 ta Harley-Davidson motosikllarini sovg‘a qiladi. Yillar o‘tib esa “Jon Uik 4” kaskadyorlariga to‘rtta Roleks soatini hadya qiladi. Bu soatlarning barchasida “Jon Uik beshligi. Rahmat senga. Kianu. “Jon Uik 4”. 2021” jumlasi o‘yib yozilgandi.