E’tirof etilgan iste’dodi, filmlardagi qoyilmaqom ijrosi bilan muxlislar qalbidan joy olgan quyidagi aktyorlar shuhrat cho‘qqisida bo‘lishiga qaramay, turli sabablarga ko‘ra kino sanoatini tark etgan.
Jek Nikolson
Jek Nikolson Gollivud afsonasi sifatida tan olingan, uch karra “Oskar”, yetti marta Oltin globus mukofotlariga sazovor bo‘lgan, “To hayot ekanmiz”, “Porlash” va “Ketganlar” kabi filmlarda mashhur rollarni ijro etgan ega. Biroq 2010-yilda “Qanday anglash mumkin...” romantik komediyasi chiqqandan so‘ng, Nikolson to‘satdan ekranlardan g‘oyib bo‘ldi. Avvaliga aktyor xotira bilan bog‘liq muammolar tufayli o‘z replikalarini yodda qoldira olmagani uchun kinoni tark etgani haqida mish-mishlar tarqaldi. Nikolsonning shaxsan o‘zi bu taxminlarni rad etib, u shunchaki munosib filmlarga taklif kelmaganini aytdi.
2017-yilda uning do‘sti Piter Fonda aktyor haqiqatan ham nafaqaga chiqqanini tasdiqladi. Jek Nikolson o‘z davrida barcha aktyorlar orzu qiladigan narsalarga erishgach, shou-biznesdan yiroqda, tinch va totuv hayot kechirishga qaror qildi.
Nikolsonning kinoni tark etishi hanuz sirligicha qolmoqda. Ehtimol, bu shunchaki uning Yoshi bilan bog‘liq. Aktyor 2025-yilning bahorida 88 yoshni qarshi oladi.
Maykl Jey Foks
Maykl Jey Foksning “Kelajakka qaytib” trilogiyasidagi Marti Makflay obrazi uni unga katta mashhurlik keltirdi. Biroq 1991-yilda 30 yoshida unga Parkinson kasalligi tashxisi qo‘yildi.
Maykl unga parkinson kasalligi tashxisi qo‘yilishidan oldin ham taniqli edi. Ushbu kasallik tufayli ertami-kechmi aktyorlik faoliyatini tark etishi kerakligini angladi. Ko‘pchilik muxlislarning fikricha, agar Maykl “Kelajakka qaytib 2” filmini suratga olish chog‘ida muvaffaqiyatsiz tryuk sabab hushini yo‘qotmaganida, ehtimol bu kasallikka chalinmagan bo‘lardi.
Ahvoli yomonlashganiga qaramay, Foks filmlarga va televizorda epizodik rollarda chiqishda davom etdi, shuningdek, Parkinson kasalligini davolashni qo‘llab-quvvatlash maqsadida xayriya tashkilotini ham tuzdi. Faqatgina 2020-yilga kelib, faoliyatini yakunladi. So‘nggi vaqtda aktyor o‘z nutqini nazorat qilishni yo‘qotgan va xotirasi ham susaygani haqida ma’lum qilingan.
Yeva Mendes
“Forsaj 2”, “Xitch usuli” kabi filmlar qahramoni, amerikalik aktrisa Yeva Mendesning ishtirokidagi so‘nggi loyiha — 2014-yilda chiqqan “Qanday qilib maxluqni tutish mumkin” nomli fantastik detektiv bo‘ldi. Shundan beri aktrisa ekranlarda ko‘rinmayapti — bu qarorini oilasiga bag‘ishlanishni xohlagani bilan izohlagan edi.
Yeva Rayan Gosling bilan turmush qurgan va ular birga Esmeralda va Amada ismli ikki qizni tarbiyalashmoqda. Bunday mashhur va muvaffaqiyatli turmush o‘rtog‘idan o‘zib ketish qiyin, shuning uchun Mendes karyerasini davom ettirish imkonini Goslingga taqdim etgan ko‘rinadi. Aytishicha, u allaqachon o‘zining karyera cho‘qqisiga erishganini his qilgan. So‘nggi ma’lumotlarga ko‘ra, Yeva hozircha aktrisalik faoliyatiga qaytishni rejalashtirmayapti. U bolalarini tarbiyalash va uy-ro‘zg‘or ishlari bilan shug‘ullanishni afzal ko‘rmoqda.
Bryus Uillis
Foto: Instagram
Aktyor “O‘tda yonmas” filmidagi Jon Makkleyn rolidan keyin shuhrat qozondi va uning muvaffaqiyati “Beshinchi element” va “Armageddon” kabi loyihalar tufayli mustahkamlandi. Bryus Uillisning xarizmasi va ajoyib obrazlari uni Amerikaning taniqli yulduzlaridan biriga aylantirdi.
Gollivudning eng ko‘p maosh oluvchi aktyorlaridan biri bo‘lgan Bryus Uillis 2022-yilning yilning bahorida nafaqaga chiqdi: shifokorlar unga afaziya (miya shikastlanishidan keyin paydo bo‘lishi mumkin bo‘lgan nutq buzilishi) tashxisini qo‘yishdi. Bunday alomatlar bilan suratga tushishning iloji yo‘q edi. Kasallik sabab Bryus ravon gapira olmay, ssenariy so‘zlarini eslolmaydi. Shundan keyin Bryus Uillisning oilasi uni aktyorlikdan ketishini e’lon qildi.
2023-yilga kelib Bryusning demensiya tashxisi yanada avj oldi. Bunday qayg‘uli xabar ijtimoiy tarmoqda ko‘plab munozaralarga sabab bo‘ldi.
Deniel Dey Lyuis
“Eng yaxshi erkak roli” uchun uch karra “Oskar” ga munosib ko‘rilgan yagona aktyor Deniel Dey Lyuis 40 yillik karyerasi davomida atigi 21 ta filmda suratga tushgan. Aktyor har bir loyigani o‘ta sinchkovlik bilan tanlashi va saralab olishi bilan ham tanilgan. U “Mening chap oyog‘im”, “Shafqatsiz sinov”, “Neft” va “Linkoln” kabi filmlarda ishtirok etgan.
Bir vaqtlar Deniel etikdo‘zlik hunarini chuqur o‘rganish maqsadida kinoni vaqtincha tark etgan va hatto Italiyaga ko‘chib ketgan edi. Ammo rejissyor Martin Skorsezening “Nyu-York bandalari” filmi ssenariysi uning fikri o‘zgarishga sabab bo‘lgan. 2017-yilda Dey Luis yana bir bor karyerasini tugatishi haqida e’lon qildi. Uning ishtirokidagi so‘nggi film Pol Tomas Andersonning “Ko‘rinmas ip” nomli tarixiy dramada modelyer rolini o‘ynagan.
2024-yil oktyabr oyida esa aktyor yetti yillik tanaffusdan so‘ng yana kinoga qaytishni rejalashtirayotgani ma’lum bo‘ldi. Bu safar bu uning o‘g‘li Ronanning rejissyorlik debyuti bo‘lib, ota-o‘g‘il birgalikda “Anemona” filmi ssenariysini ustida ish olib bormoqda.
Izoh (0)