80-90-yillarning ekshn filmlarida Chak Norris, Jan-Klod Van Damm kabi ko‘plab aktyorlar ekranlarda o‘ktam jangchi sifatida namoyon bo‘lgan. Ammo ular hayotda qizlari uchun mehribon va g‘amxo‘r ota bo‘lib qoladi.
1. Jeki Chan
Jeki Chan — jang san’ati ustasi, aktyor va rejissyor sifatida dunyoga mashhur. U 1954-yilda Gonkongda tug‘ilgan. Chan o‘zining filmlaridagi xavfli tryuklarni kaskadyorsiz bajargani bilan ajralib turgan. Dastlab u vatani Xitoyda shuhrat qozondi, keyin uning dong‘i butun dunyoga tarqaldi.
Uning ikki farzandi bor: o‘g‘li Jeysi va uning nikohdan tashqari tug‘ilgan qizi Etta Ing 1999-yilda tavallud topgan, uning onasi Elayn Ing Gonkongda taniqli aktrisa va go‘zallik tanlovining g‘olibi bo‘lgan. Jeki Chan va Elayn Ing o‘rtasidagi munosabatlar qisqa muddatli bo‘lgan va ko‘p o‘tmay Etta dunyoga kelgan. Chan bu munosabatni xato deb atagan bo‘lsa-da, qizining borligini tan olgan.
Etta bolaligidan ommaviy axborot vositalari e’tiborida bo‘lgan. Biroq Jeki Chan uning tarbiyasida ishtirok etmagan va moddiy jihatdan ham qiziga yordam bermagan. DNK testidan keyin ham Chan uni tan olmagan va o‘z tarjimai holida qizi haqida gapirmagan.
2. Chak Norris
Mashhur jang san’ati ustasi Chak Norris yetti nafar farzandni tarbiyalagan, hozirda aktyorning 13 nafar nabirasi bor. Birinchi nikohda Norris ikki o‘g‘il ko‘rdi. Ikkinchi nikohda esa bir qiz va egizak o‘g‘illi bo‘ldi. Aktyorning nikohsiz tug‘ilgan qizi ham bor. U ikkinchi xotinining ikki nafar farzandini o‘z qaramog‘iga olgan.
Dina 1963-yilda tug‘ilgan, ammo Norris u haqida faqat 1991-yilda, qizi otasiga xat yozganida bilgan. Aktyorning so‘zlariga ko‘ra, ular ilk bor ko‘rishganda otaga DNK testi ham kerak bo‘lmagan. O‘sha kuni u ulg‘aygan qizini bag‘riga bosib, uni butun umri davomida tanigandek his qilgan.
Egizak bolalar — Denili Kelli va uning akasi Chak Norris sistemasida mashq qilgach, qora kamarga ega bo‘lishgan.
3. Jan-Klod Van Damm
Aktyorning uch farzandi bor: birinchi turmushida bir o‘g‘il va bir qiz, ikkinchi turmushida esa yana bir o‘g‘il dunyoga kelgan. Byanka Bridjit Van Damm — otasining faxri. U 1990-yil 17-oktyabrda tug‘ilgan. Byanka bolaligida figurali uchish sporti bilan shug‘ullangan va professional sportchi bo‘lishni maqsad qilgan. Biroq jarohatlar tufayli bu faoliyatini davom ettira olmagan. U otasi singari jang san’atlariga qiziqish bildirishi haqida ko‘p yoziladi, lekin u jangovar rollarga emas, ko‘proq kino sanoatida aktrisa va prodyuser sifatida faoliyat yuritishni afzal ko‘radi. U intervyularda jangovar janrdan ko‘ra dramatik va ssenariy asosida chuqur ishlangan rollarga qiziqishini ta’kidlagan. Shuningdek, u sog‘lom turmush tarzi va fitnes bilan shug‘ullanishga katta e’tibor beradi.
4. Arnold Shvarsenegger
“Temir Arni” ning besh nafar farzandi, shu jumladan ikkita qizi bor: Ketrin va Kristina sobiq rafiqasi Mariya Shrayverdan dunyoga kelgan. Ketrin Shvarsenegger 1989-yilda tug‘ilgan. U yozuvchi va jamoat arbobi. Ketrin aktyor Kris Prett bilan turmush qurgan va kino sanoatida ham faoldir. Kristina Shvarsenegger esa 1991-yilda tug‘ilgan. U prodyuser va media sohasida ishlaydi. Shuningdek, ruhiy salomatlik va giyohvandlik muammolari bo‘yicha hujjatli filmlar ham suratga olgan.
Ota-onalari ajrashganiga qaramay, ikkala qiz ham otalari, ham onasi, ham akalari bilan iliq munosabatlarni saqlab qolgan. Shvarseneggerning farzandlaridan biri nikohdan tashqarida uy bekasi Patrisiya Bayenadan tug‘ilgan Jozefdir. Aynan shu sababli aktyor ayoli bilan ajrashgan edi. Jozef fitnes va bodibilding sohasida ishlaydi. U ijtimoiy tarmoqlarda mashhur bo‘lib, otasiga o‘xshashligi bilan ko‘p e’tiborni tortadi.
5. Silvestr Stallone
Stallonening besh farzandi bor: ikki o‘g‘il va uch qiz. Birinchi nikohda o‘g‘illar, uchinchi nikohda qizlar tug‘ilgan. Qizlar aktyorni qattiqqo‘l ota sifatida ta‘riflaydilar: Stallone qizlarining erkinligini cheklagan, ularga qat’iy kundalik tartib o‘rnatgan, o‘g‘il bolalar bilan do‘stlashishni taqiqlagan va faqat 18 yoshdan keyingina mashina haydashga ijozat bergan.
Endilikda qizlar ota-onalarining uyida yashamaydi, ammo otalarining ta’siri ostidan ham chiqmaydi: Silvestr farzandlarini boshqarishda to‘xtamagan. Uning fikricha, hozirgi yigitlarning aksariyati aktyorning puli tufayli ularga uylanishni istaydi, kuyovlikka boshqa nomzodlar esa bo‘lajak qaynotasining qahridan qo‘rqadi.
6. Bryus Uillis
“O‘tda yonmas” qahramoni besh nafar qizning — Rumer, Skaut, Tallula, Meybel va Evelin ismli qizlarning baxtli otasi. Birinchi uch nadir farzandi aktrisa Demi Mur bilan nikohda tug‘ilgan, kichik qizlari esa aktyorning model Emma Xeming bilan nikohida dunyoga kelgan.
Rumer filmlarda suratga tushadi (hozirda uning filmografiyasida o‘ndan ortiq loyiha bor), Skaut shou-biznesdan yiroqda, Talula esa aktrisalik karyerasidan voz kechib, dizaynerlik sohasiga o‘tgan. Meybel va Evelin esa 12 va 10 yoshda. Ular maktabda tehsil oladi.
Hozirda barcha qizlar otasining salomatligiga qat’iy e’tibor qaratmoqda: 2022-yilning mart oyida aktyor Bryus Uillisning oila aʼzolari uning ijodiy faoliyati yakuniga yetgani, Gollivud yulduzida afaziya — bosh miya qobig‘i shikastlanishi natijasida yuzaga keladigan nutq buzilishi hamda demensiya aniqlanganini maʼlum qilgan edi.
Izoh (0)