Aktyorlar, xonandalar, blogerlar va boshqa mashhurlar elektrlashgan hayot tarzini tanlamoqda. Ular oddiy mashinalar o‘rniga elektromobillarga o‘tmoqda. Ushbu jamlanmada Gollivud yulduzlaridan tortib Britaniya qirollik oilasi a’zolarigacha bo‘lgan taniqli insonlar bor. Ular o‘z obro‘sidan foydalanib, elektromobillarning foydali tomonlarini boshqalarga ham targ‘ib qilmoqda. Mashhurlar elektromobillarni zamonaviy texnologiyalari, foydalanishga qulayligi va tabiatga foydali ekani uchun yoqtirib qolishgan.
Kichik Robert Dauni — Audi e-tron
Kichik Robert Dauni Temir odam kostyumini Audi e-Tron ko‘rinishidagi elegant va ekologik toza g‘ildiraklar to‘plamiga almashtirdi. Temir odam ekranda dunyoni qutqarayotgan paytida, Kichik Dauni o‘zining elektr aravasida Gollivud bo‘ylab sayr qilib, bir vaqtning o‘zida qanday qilib zamonaviy va ekologik toza bo‘lish mumkinligini namoyish etadi.
Mate Rimats — Rimak Nevera
Rimak Automobili asoschisi va bosh direktori hamda yaqinda Bugatti bosh direktori etib tayinlangan Mate Rimats avtomobillarni yaxshi tushunishi tabiiy hol va u o‘z kompaniyasining flagman elektromobili Rimak Neveraʼni haydashi juda o‘rinli. Ushbu elektr giperkarining asosiy xususiyati uning 1914 ot kuchiga ega to‘rt motorli qurilmasida bo‘lib, u 2,4 soniyada 100 km/soatgacha tezlashadi. Avtomobilning maksimal tezligi esa 412 km/soatni tashkil qiladi. Xorvatiyalik innovator yuqori unumdorlikka ega elektr superkarlar bozorida yetakchilik qilmoqda.
Jeyms Mey — Toyota Mirai
Avtojurnalist, “The Grand Tour” boshlovchisi Jeyms Mey avtomobillarni yaxshi biladi, o‘z faoliyati davomida yuzlab avtomobillarni sinovdan o‘tkazdi hamda shaxsiy transport vositalaridan biri sifatida u vodorod dvigatelli Toyota Miraiʼni tanladi. Ammo Mey o‘z avtoparkini elektron avtomobil bilan birinchi marta to‘ldirayotgani yo‘q. Uning puxta o‘ylangan va ancha rang-barang to‘plamiga BMW i3 va Tesla Model S ham kiradi.
Ed Shiran — Volkswagen ID.Buzz
Britaniyalik musiqachi, son-sanoqsiz hit-paradlar yetakchisi o‘zi uchun klassik Volkswagen mikroavtobusining zamonaviy variantini tanladi. ID.Buzz nafaqat retro ko‘rinishi bilan jozibador, balki kuchli elektr qurilmasiga ega va nostalgiyani ilg‘or texnologiyalar bilan uyg‘unlashtirishni qadrlaydigan musiqachi uchun juda mos keladi. VW furgoni har doim pop-madaniyat timsoli bo‘lib kelgan.
Mett Deymon — Karma Revero
“Oskar”ni qo‘lga kiritgan aktyorning Karma Revero avtomobili ekrandagi obrazlari kabi zamonaviy va nafis. O‘zining kamtarinligi bilan tanilgan aktyor yaqinda qayta tiklangan Fisker kompaniyasining oddiy avtomobilini tanladi. Chiroyli to‘rt eshikli EV elektr motor va kichik benzinli dvigatelni birlashtirgan bo‘lib, u batareyani zaryadlash uchun generator sifatida ishlaydi.
Shahzoda Garri — Audi e-tron
Sasseks gersogi, uzoq vaqtdan beri ekologik toza hayot tarafdori va atrof-muhitning faol himoyachisi sifatida Audi e-tron 55 ni tanladi. Audi e-tron 55 flagman elektromobili 95 kV/soat sig‘imli akkumulyator bilan jihozlangan bo‘lib, bir zaryadda 362 km masofani bosib o‘tishga qodir. Avtomobil o‘z sinfidagi eng yaxshi avtomobil texnologiyalaridan biri hisoblanib, u hatto qirollik oilasi aʼzolarini tashish uchun ham mos keladi.
Kemeron Dias — Tesla Model S
Amerikalik aktrisa — ekologik toza avtomobillar tendensiyasiga qo‘shilgan ko‘plab mashhurlardan biri. Tesla Model S nafaqat elegant va zamonaviy ko‘rinishga ega, balki atrof-muhitga ham g‘amxo‘rlik qiladi va ilg‘or texnologiyalar bilan jihozlangan. Bir zaryadda 647 km gacha masofani bosib o‘tish imkoniyati bilan Model S tez-tez zaryadlash uchun to‘xtashga hojat qoldirmay, uzoq safarlar uchun ideal avtomobil hisoblanadi. Model S 17 dyuymli sensorli ekran, Wi-Fi ulanish imkoniyati va ilg‘or ovoz tizimlariga ega ajoyib avtomobil ko‘ngilochar tizimi bilan ajralib turadi. Kameron Dias, Leonardo Di Kaprio va Uill Smit o‘zlarining avtomobillari sifatida Tesla Model Sʼni tanlagani ajablanarli emas.
Izoh (0)