Gollivud yulduzi Uill Smit san’atkorlik faoliyatiga qaytmoqda. Aktyor yozda Buyuk Britaniyada ilk katta musiqiy gastrol safarini boshlaydi. Bu haqda Daily Mail xabar berdi.
Gastrol doirasida Smit bir nechta shaharlarda chiqish qilishi rejalashtirilgan. Konsertlardan biri Londonning janubiy tumanida joylashgan Brikstonda bo‘lib o‘tadi. Tadbir chiptalari $80 dan boshlanadi.
Eng qimmat to‘plam — Ultimate Will Smith VIP Experience $1 740 turadi. Unga sahna bo‘ylab ekskursiya, shaxsiy suratga tushish, ovoz sozlash mashg‘uloti (sound check), avtograf, hamda kolleksion posteri bor ramka kiradi.
Muxlislar uchun yana bir variant — $550 turadigan guruh bilan suratga tushish imkoniyatini beruvchi xizmat ham mavjud.
Uill Smitning musiqiy safari 24-avgust kuni Skaarboro shahar teatridagi chiqish bilan boshlanadi.
Shuningdek, 28-mart kuni aktyor so‘nggi 20 yil ichidagi ilk albomi — Based on a True Story’ni taqdim etdi. Gastrol davomida u ushbu yangi albomdan qo‘shiqlar ijro etadi hamda muxlislariga Lost and Found albomidagi mashhur kompozitsiyalarni qayta kuylaydi.
Izoh (0)