Shou-biznes vakillarining hayoti, qiziqishlari va afzalliklari bizda ularning ijodlaridan kam bo‘lmagan qiziqish uyg‘otadi. Muxlislarga hattoki ularning qanday avtomobilni afzal ko‘rishi ham qiziq, axir avtomobil nafaqat transport vositasi, balki uning egasi shaxsiyatining aksidir.
Ayrim sanʼat vakillari o‘zlarining maqomini taʼkidlaydigan hashamatli va qimmatbaho avtomobillarni afzal ko‘rishadi. Ushbu avtoulovlar ko‘pincha muxlislar orasida havas va muhokama mavzusiga aylanadi. Baʼzi sanʼatkorlar uchun esa avtomobilning lakonik dizayni va yuqori narxi emas, balki uning qulayligi va xavfsizligi muhimroqdir.
Munisa Rizayevaning garajida bir nechta qimmatbaho avtomobillar mavjud:
- Mercedes-Benz G-sinfi (G-Wagen) 420 ming dollar
- Mersedes S-Class w223 130 ming dollar
- LiXiang L9 75 ming dollar
“Ko‘zlarim yana”, “Aha-oho”, “Gollivud”, “Sekin-asta” va “Ey samo” kabi qo‘shiqlari ortidan shuhrat qozongan xonanda Munisa Rizayevaning hozirda 3 ta mashinasi bo‘lib, yaqinda ulardan eng qimmatini o‘z singlisi Karima Rizayevaga sovg‘a qildi. O‘zi esa farzandli bo‘lganidan so‘ng qulaylikni tanlab L9 da, o‘g‘li va uning enagasi bilan birga yurmoqda. Bundan tashqari, yaqin kunlarda, O‘zbekistonda bir dona bo‘ladigan, boshqacha rangdagi Lamborghini Urus avtomobili ham uning garajidan o‘rin egallaydi.
Mercedes-Benz G-sinfi, baʼzan G-Wagen deb ataladi, — Avstriyada Magna Steyr tomonidan ishlab chiqarilgan va Mercedes-Benz savdo belgisi ostida sotiladigan to‘liq o‘lchamli hashamatli yo‘ltanlamaslar seriyasidan bo‘lib, 1978-yildan hozirgi kungacha ishlab chiqarilmoqda.
Malik: Tesla Cybertruck — 200 ming dollar
O‘zbekiston xalq artisti Yulduz Usmonova bilan bir nechta duet kuylab, muxlislar nazariga tushgan xonanda Malik 200 ming dollarlik Tesla Cybertruck avtomobilini sotib olganini o‘z ijtimoiy tarmoqlari orqali maʼlum qilgan edi.
Tesla Cybertruck — Tesla tomonidan ishlab chiqarilgan kiberpank uslubidagi elektr pikap avtomobili bo‘lib, maʼlum qilingan yuk ko‘tarish qobiliyati 1,6 tonna atrofida. Avtomobil modeliga qarab, bitta zaryadda 500 milgacha ya’ni taxminan 804 kilometr yuradi.
Asal Shodiyeva: Porsche Macan — 60 ming dollar
“Janob hech kim” filmining yulduzi aktrisa Asal Shodiyeva bahor kelishi munosabati bilan muxlislarini katta yangilik bilan xursand qilgan edi. U o‘z Instagram sahifasi orqali Porsche Macan avtomobilini xarid qilganini bildirgan.
Porsche Macan — Audi Q5 asosida yaratilgan Germaniyaning Porsche avtomobilsozlik kompaniyasining ixcham krossoveri bo‘lib, ilk marta 2013-yilda Los Anjelesdagi avtosalonda taqdim etilgan.
Bobur Mansurov: Toyota Land Cruiser — 120 ming dollar
Aktyor, rejissyor va vayner Bobur Mansurov 2024-yilning dekabr oyida yangi avtomobil olganini ijtimoiy tarmoqlar orqali maʼlum qilgan edi.
Toyota Land Cruiser Yaponiyaning Toyota mashinasozlik kompaniyasining flagman modeli bo‘lib, uning birinchi avlodi Toyota Bj nomi bilan 1951-yilda dunyo yuzini ko‘rgan. O‘shandan beri bu model ishonchlilik, chidamlilik va eng qiyin yo‘l sharoitlarida ajoyib boshqaruvchanlik ramziga aylandi va butun dunyo bo‘ylab avtomobil ishlab chiqaruvchilari uchun namuna bo‘lib xizmat qilmoqda.
Nigora Karimboyeva: Zeekr X — 35 ming dollar
Aktrisa va teleboshlovchi Nigora Karimboyeva 2024-yilning yoz oyida yangi avtomobil xaridi haqidagi xabar ijtimoiy tarmoqlarda tarqaldi.
Zeekr X 2023-yildan beri Xitoyning Zhejiang Geely Holding Group kompaniyasi tomonidan ishlab chiqarilayotgan ixcham elektromobil-krossover. 100 km/soat tezlikka erishish avtomobil komplektatsiyasiga qarab 3,7 dan 5,8 soniyagacha vaqt oladi. Avtomobil sig‘imi 4-5 o‘ringa mo‘ljallangan.
Jahongir Otajonov: Hongqi E-HS9 75 ming dollar
Muhokamalar markazida bo‘ladigan xonanda Jahongir Otajonov ham yaqinda avtomobilini yangiladi.
E-HS9 — Hongqi brendining flagmani bo‘lib u 7 kishiga mo‘ljallangan. Batareya quvvati soatiga 120 kilovatt, yurish masofasi esa 660 kilometrdan 690 kilometrgacha, bu nafaqat ishga borish va qaytish uchun, balki bir quvvatlanish bilan uzoq muddatli shahar tashqarisidagi sayohatlar uchun ham yetarli.
Shahzoda Muhammedova: LiXiang L9 75 ming dollar
Aktrisa, boshlovchi va mahoratli dizayner Shahzoda Muhammedovaning aytishicha, Li9 uning hayotidagi eng yaxshi avtomobil ekan.
LiXiang L9 — Xitoyning hashamatli krossoveri bo‘lib, u gibrid va zamonaviy avtomobilsozlikning afzalliklarini o‘zida mujassam etgan. Lixiang L9 — sozlamalari avtomatik ravishda yangilanadigan noyob mashina bo‘lib, u dunyodagi eng qulay va xavfsiz krossoverlardan biridir.
Ulug‘bek Qodirov: Kia Sorento 55 ming dollar
Taniqli aktyor Ulug‘bek Qodirov oq rangli Kia Sorento haydaydi.
Kia Sorento — Koreyaning Kia Motors kompaniyasining o‘rta o‘lchamli krossoveri bo‘lib, 2002-yil Chikagodagi avtomobil ko‘rgazmasida namoyish etilgan. Sorento nomi Italiyaning Sorrento kurort shahridan olingan.
Jahongir Poziljonov: Mersedes-Benz GLS AMG 63— 175 ming dollar
O‘zbek xonandasi, aktyori va rejissyori “Bojalar” guruhining solisti Jahongir Poziljonov 2024-yilda, Mersedes-Benz GLS AMG 63 avtomobilini xarid qilgan.
Mersedes-Benz GLS AMG 63 — Germaniya Mercedes-Benz kompaniyasining to‘liq o‘lchamli “lyuks” sinfidagi krossoverlar seriyasi bo‘lib, sinflar iyerarxiyasida kompaniya M/GLE sinfidan yuqori turadi va brend krossoverlari qatorida flagman hisoblanadi. U uch avlod avtomobillarini o‘z ichiga oladi: 2006-yildan 2012-yilgacha ishlab chiqarilgan X164, 2012-yilda sotuvga chiqarilgan X166 va 2020-yildan beri ishlab chiqarilgan X167.
Sevinch Ismoilova: BMW X7 125 ming dollar
“Qashqadaryo”, “Qoraqalpog‘im” hamda Hamdam Sobirov bilan kuylagan “Kara go‘zim” taronalari bilan mashhurlikka erishgan xonanda Sevinch Ismoilova 2024-yilda, qora rangli BMW X7 avtomobilini xarid qilgan.
BMW x7 — Germaniya BMW kompaniyasining to‘liq o‘lchamli hashamatli krossoveri bo‘lib, 2019-yildan boshlab ishlab chiqariladi. Avtomobil Mercedes-Benz GLS-klass, Lexus LX va Range Rover kabi modellarga raqobatchi hisoblanadi.
Shahlo Zoirova: Kia K9 85 ming dollar
Komik aktrisa va xonanda sifatida tanilgan Shahlo Zoirova aprel oyida yangi avtomobil xarid qildi hamda quvonchini muxlislari bilan bo‘lishdi.
Kia K9 — 249 ot kuchi dvigateli, avtomat uzatmalar qutisi va to‘liq privod bilan jihozlangan bo‘lib, 18 dyuymli g‘ildirak K9 modelining profiliga premium-xarakteri baxsh etadi.
Ozoda Nursaidova: BMW i7 99 ming dollar
O‘zbekistonda xizmat ko‘rsatgan artist Ozoda Nursaidovaga singlisi konsert oldidan qimmatbaho avtomobil —BMW sovg‘a qildi.
BMW i7— birinchi to‘liq elektr dinamikasi va turli xil axborot-ko‘ngilochar imkoniyatlarni o‘zida mujassam etgan bo‘lib, sayohatdan unutilmas taassurotlar olish imkonini beradi.
Hamdam Sobirov: Cadillac LYRIQ 66 ming dollar
Har bir qo‘shig‘i YouTube tarmog‘ida eng ko‘p ko‘rilgani bilan ajralib turadigan xonanda Hamdam Sobirov Cadillac avtomobilini xarid qildi. Ilhom Farmonov birinchilardan bo‘lib ushbu avtomobilga o‘tirib, Hamdamni duo qildi.
Cadillac LYRIQ — 2022-yil may oyidan beri Cadillac tomonidan ishlab chiqarilgan o‘rta o‘lchamli elektr krossover avtomobili. Bu Cadillac kompaniyasining birinchi elektromobili va General Motors’ning BEV3 platformasidagi birinchi seriyali avtomobili bo‘lib, GM Super Cruise yarim avtonom boshqaruv tizimiga ega.
Izoh (0)