Vyetnamlik sayohatchi bloger Hoa Pag Tokiodagi mashhur restoran haqida videosharh yozdi.
20 daqiqadan ko‘proq vaqt davomida erkak taomlar buyurtma qildi va tatib ko‘rdi, yonida o‘tirgan Natali Portmanni esa eʼtiborsiz qoldirdi. Pag uning yonida kim o‘tirganini bilmaganini, shuning uchun Portmanga eʼtibor bermaganini aytdi. Uni restoranning boshqa mijozlari doimo yonida o‘tirgan ayolga yaqinlashib, u bilan suratga tushishni so‘rashi hayratga soldi. “Men juda g‘azablandim. Bu yerda birinchi raqamli vyetnamlik yutuber o‘tiribdi, ular esa yonimdagi ayol bilan suratga tushishyapti, deb o‘yladim. Kim o‘ylabdi deysiz”, deya o‘z munosabatini izohladi Pag.
Bloger Natali Portman bilan birga ovqatlanganini video e’lon qilinganidan keyin bilib oldi: obunachilari izohlarda bu haqda aytib berishdi. Pag boshqa foydalanuvchilar bilan birga bu vaziyatga kuldi: “Torning rafiqasi bilan yonma-yon o‘tirish va hatto salomlashmaslik, aqlbovar qilmaydi”, dedi u.
Izoh (0)