Xitoyning eng boy aktrisalari top-7 taligi: Dilraba Dilmurat esa oxirgi o‘rinda

Avvalgi maqolalarimizda Amerikaning eng boy aktyor va aktrisalari to‘g‘risida, sal oldin esa Xitoyning eng boy aktyorlari haqida ma’lumot bergandik. Quyida Xitoyning eng boy va go‘zal aktrisalari bilan tanishing.

7. Dilraba Dilmurat

“Abadiy sevgi” seriali asli kelib chiqishi uyg‘urlardan bo‘lgan Dilrabani romantik dramalar ramziga aylantirdi.

Hozirda uning boyligi 15 million dollar atrofida.

U L’Oréal, P&G va Mikimoto kabi nufuzli brendlar bilan hamkorlik qiladi. Hatto o‘zining Jaywalk nomli kinostudiyasi ham bor. Aktrisa Xitoy shou-biznesidagi eng hurmatli shaxslardan biri hisoblanadi.

6. Chjao Li In

Aktrisa faoliyatini iste’dodlar tanlovida g‘alaba qozonganidan so‘ng noldan boshlagan bo‘lsa-da, keyinchalik “Shen Li afsonasi”, “Gulning sayohati”, “Chu Siao afsonasi” kabi loyihalarda shuhrat qozondi.

Hozirgi kunda uning hisobida taxminan 20-30 million dollar mavjud. Asosiy daromad manbayi, shubhasiz, seriallardir. Bunga qo‘shimcha ravishda reklama ham — u bilan yirik brendlar hamkorlik qiladi, chunki uning obro‘si va ishonchliligi juda yuqori darajada.

5. Sun Li

Sun Li Xitoy tarixiy seriallarining haqiqiy malikasi hisoblanadi — “Chjen Xuan afsonasi” va “Mi Yuye afsonasi” shular jumlasidan.

Uning boyligi taxminan 30 million dollarni tashkil etadi. Eng sara loyihalarni tanlashni ma’qul ko‘radi, reklama bo‘yicha ham faqat nufuzli brendlar bilan hamkorlik qiladi.

2010-yilda aktyor Den Chao bilan turmush qurgan, hozirda ikki farzandi bor. Ularni “Xitoy shou-biznesining namunali juftligi” deb ham atashadi.

4. Yan Mi

U 4 yoshida kinoga suratga tusha boshlagan, 6 yoshida birinchi mukofotni qo‘lga kiritgan va 2011-yilda “Saroy” teleserialidan keyin shuhrat cho‘qqisiga erishgan.

Aktrisaning boyligi 30-40 million dollarga baholanmoqda. Kinoga tushish, reklama, suhbatlar, jurnal muqovalari — barchasi izchil ravishda davom etmoqda. Ammo eng muhimi, Yan Mi Jaywalk Studio’da hamtasischi. Shuningdek, atirdan tortib smartfonlargacha bo‘lgan barcha narsalarni reklama qiladi, xayriya ishlarida ham faol ishtirok etadi.

3. Fan Binbin

90-yillarning oxirida aktrisa debyutini “Marvarid malikasi” seriali bilan boshlab, “Xitoy malikasi”, “X-odamlar” va yana bir qancha loyihalarda ishtirok etdi.

2018-yilgacha u Gollivud yulduzlari kabi daromad topardi: yiliga 43 million dollar, hashamatli brendlar bilan shartnomalar, shaxsiy studiyasi, biznesi, jurnal muqovalari — barchasi bor edi. U Osiyoning eng yuqori maosh oluvchi aktrisasi hisoblanardi.

So‘ngra soliq mojarosi yuz berdi. Ma’lum bo‘lishicha, uning ikki tomonlama shartnomalari bor ekan va davlat unga 129 million dollarlik jarima belgiladi. Uni shunchaki ommaviy axborot vositalaridan o‘chirib tashlashdi, karyerasini to‘xtatib qo‘yishdi, barcha platformalardan olib tashlashdi — go‘yo u g‘oyib bo‘lgandek.

Biroq Binbin taslim bo‘ladiganlardan emasdi. Asta-sekin xalqaro loyihalar orqali qaytib keldi: “Kod 355”, keyin “Yashil tun” filmida suratga tushdi, Berlin kinofestivalida paydo bo‘ldi. Bundan tashqari, u o‘zining Fan Beauty brendini ishga tushirdi.

Mojarodan oldin uning boyligi 100 million dollarga baholangan edi. Ammo hozirgi holati haqida ma’lumot yo‘q.

2. Chjan Tszi

“Yashiringan yo‘lbars” va “Qahramon” filmlaridan so‘ng aktrisa Gollivudning qizil gilamlariga taklif etila boshlandi, “Geysha xotiralari” esa uni Osiyodan tashqarida Xitoy kinosining timsoli darajasiga ko‘tardi.

Uning boyligi, taxminan 100 million dollar atrofida. Bu mablag‘ xalqaro filmlar, yirik brendlar reklamalari va nufuzli loyihalardan kelib tushadi.

Shu bilan birga, u xayriya ishlari bilan shug‘ullanadi va yirik xalqaro tashabbuslarda faol ishtirok etadi.

1. Chjao Vey

90-yillarning oxirida “Marvarid malikasi” dramasidagi roli bilan mamlakatni larzaga keltirdi — shundan beri u “xalqning sevimli aktrisasi” maqomida. Keyinchalik “Mulan”, “Qizil qoya jangi” kabi filmlarda suratga tushdi, 2013-yilda esa o‘zi “Yoshlar” filmini suratga oldi va mukofotlarga sazovor bo‘ldi. Chjao Vey aktyorlik, rejissyorlik va rahbarlik qilishni mohirona uddalaydi.

Uning boyligi taxminan 1 milliard dollarga yetadi. Buning barchasi Alibaba Pictures’ga qilgan investitsiyalari tufayli. Bundan tashqari, u brendlarni boshqargan, kompaniyalar va banklar aksiyalariga egalik qilgan. Hatto Fransiyada shaxsiy sharob ishlab chiqarish korxonasi ham bo‘lgan.

Ammo hozir u ommaviy axborot vositalaridan g‘oyib bo‘ldi, platformalardan o‘chirildi, filmlari olib tashlandi. Rasmiy sabablar aytilmagan, ammo Xitoyda bunday voqealar bejiz yuz bermaydi. Siyosiy mojaro haqida mish-mishlar tarqalgan, aniq ma’lumotlar berilmagan.