Yevropa Ittifoqi 2025-yil mart oyida Rossiyadan quvur orqali keladigan gaz xaridini rekord darajada qisqartirdi. Yevrostat ma’lumotlariga ko‘ra, yetkazib berish hajmi atigi 339,8 million yevroni tashkil etdi. Bu 1999-yildan buyon eng past ko‘rsatkichdir, deya xabar bermoqda RIA Novosti.
Yevropa Ittifoqi bahor boshida Rossiyadan 339,8 million yevrolik quvur gazini sotib olgan, bu bir oy avvalgi darajadan 42 foiz kamdir.
Shu bilan birga, mart oyida suyultirilgan tabiiy gaz yetkazib berish 830 million yevro darajasida qoldi. Shu sababli Rossiyadan Yevropaga umumiy gaz importi 1,17 milliard yevroni tashkil etdi — bu bir oy avvalgi darajadan 17 foiz kamdir.
Xaridlar bo‘yicha yetakchilar Vengriya (248 mln yevro) va Gretsiya (67 mln yevro) bo‘ldi. Italiya esa 2008 yildan beri birinchi marta Rossiya quvur gazini to‘g‘ridan-to‘g‘ri sotib olmagan.
Natijada Rossiyaning Yevropadagi umumiy gaz xaridlaridagi ulushi bir oy avvalgi 18,4 foizdan 13,1 foizga tushgan. Umuman olganda, Yevropa Ittifoqi mart oyida Rossiyadan 1,17 milliard yevrolik gaz sotib olgan.
YI 2027-yilgacha Rossiya tabiiy gazini sotib olishni to‘xtatishni o‘z oldiga maqsad qilib qo‘ygan. Ko‘plab mamlakatlar bu yo‘ldan bormoqda: 2023-yilda Yevropa Ittifoqiga import qilingan quvur gazining atigi 8 foizi Rossiyadan kelgan.
Yil boshida Kiyev muddati tugagan tranzit kelishuvini yangilashdan bosh tortgani sababli Ukraina orqali bir nechta Yevropa davlatlariga Rossiya tabiiy gazining eksporti to‘xtatildi.
Natijada Yevropadagi savdolarda gaz narxi 2-yanvar kuni megavatt/soat uchun 50,3 yevrogacha (taxminan 1 ming kub metr uchun 526 yevro) ko‘tarildi.
Yanvar oyida Yevropa ittifoqining (YI) o‘nta mamlakati Rossiya gazini import qilishni butunlay taqiqlashga chaqirdi. Tashabbusni o‘z ichiga olgan hujjatni Litva, Latviya, Estoniya, Daniya, Chexiya, Polsha, Ruminiya, Shvetsiya, Irlandiya va Finlyandiya imzoladi.
May oyi boshida Rossiya va AQSH Rossiya gazini Yevropaga yetkazib berishni qayta tiklash yo‘llarini maxfiy ravishda muhokama qilayotgani ma`lum qilindi.
Izoh (0)