Rossiya G‘arb davlatlarining tayyor emasligidan foydalanib, ularga harbiy hujum uyushtirish uchun 4-5 yil kutmasligi mumkin. Bu haqda Berlinda bo‘lib o‘tgan konferensiyada Xristian-demokratik ittifoqidan Bundestag deputati Norbert Rettgen ma’lum qildi.
Rettgenning fikricha, Moskva yangi hujumni tezroq amalga oshirishi mumkin, ehtimol, ikki-uch yil ichida. Rossiya prezidenti Yevropa davlatlari o‘z harbiy maqsadlariga erisha olmaganidan, AQSHda esa Donald Tramp hokimiyat tepasida ekanidan foydalanishi sabab qilib ko‘rsatildi:
Biz vaqtning kuchli bosimi ostidamiz va mudofaa qobiliyatimizni zudlik bilan yaxshilashimiz kerak. Chunki vaziyat rasmiy bayonotlarda aytilganidan ko‘ra tezroq yomonlashishi va xavfliroq tus olishi mumkin, dedi Rettgen.
Siyosatchi NATOning Yevropa davlatlari mudofaa qobiliyatini kuchaytirishni tezlashtirishi kerakligini aytdi. Chunki Rossiya hujumni hozirgi rasmiy bayonotlarda aytilganidan oldinroq amalga oshishi mumkin.
Rossiyaning boshqa davlatlarga ehtimoliy hujumi: mavzuga oid yangiliklar
NATO doiralaridagi manbalarga ko‘ra, Rossiya Finlyandiya va NATOning sharqiy qanotidagi boshqa davlatlarga hujum qilish rejasini ishlab chiqqan. Gap Rossiya armiyasining bir nechta bo‘linmalarining bir vaqtning o‘zida hujumi haqida ketmoqda. Unga o‘n minglab askar jalb qilinishi ehtimoli borligi aytilgan.
Financial Times nashriga ko‘ra, Rossiya Yaponiya va Janubiy Koreya bilan ehtimoliy urush uchun nishonlarning batafsil ro‘yxatini tuzgan. Ro‘yxatga 160 ta harbiy va fuqarolik infratuzilmasi obyektlari — atom elektr stansiyalari, ko‘priklar, zavodlar va qo‘mondonlik punktlari kiritilgan. 2008–2014-yillardagi maxfiy hujjatlar X-101 raketalari bilan zarbalar berishni va Yaponiya hamda Janubiy Koreyaning havo mudofaasini tekshirishni tasvirlaydi.
Yevropa diplomatiyasi rahbari Kaya Kallas Rossiya 2028-yildayoq Yevropa ittifoqiga hujum qilishi mumkinligini aytib, Yevropani mudofaa xarajatlarini oshirishga chaqirgan. NATO bilan urush 4-6 yildan keyin bo‘lishi mumkinligi ta’kidlangan.
Buyuk Britaniya Rossiya hujumiga tayyorgarlik ko‘rishni boshladi. Londonda 2005-yildan beri ilk bor favqulodda holatdagi harakatlar rejasi qayta ko‘rib chiqilmoqda. U yadroviy hujumga reaksiya va bunkerlardan foydalanish tartibini o‘z ichiga oladi.
Izoh (0)