Amerikaning Xitoyga neft eksporti 2024-yilda deyarli yarmiga qisqardi, deb yozadi Bloomberg Kpler maʼlumotlariga tayanib.
AQSH joriy yilda Xitoyga 81,1 million barrel neft eksport qildi, bu o‘tgan yilga nisbatan 46 foizga kam. Buning ortidan Xitoy Amerika neftining eng yirik xaridorlari orasida ikkinchi o‘rindan oltinchi o‘ringa tushib ketdi.
Xitoyning neftga bo‘lgan talabi mamlakatda iqtisodiy o‘sishning sekinlashishi, elektr transport vositalarining ko‘payishi va siqilgan tabiiy gaz iste’molining o‘sishi fonida pasayib bormoqda. Bu yil Xitoyga neft importining umumiy hajmi 7,2 foizga kamaydi. Shu bilan birga, Rossiya, Eron va Venesuelaning dengiz orqali neft yetkazish bo‘yicha ulushi o‘tgan yilgi 24 foizdan 26 foizgacha oshdi, Yaqin Sharq esa taxminan 60 foizni tashkil etadi.
Yevropa uch yildan beri mintaqaviy darajada Amerika neftining asosiy xaridori bo‘lib qolmoqda.
2024-yilda AQSHdan 194,4 million barrel neft import qilgan Niderlandiya davlatlar orasida yetakchi bo‘lib turibdi. Ikkinchi o‘rinni Janubiy Koreya (165,5 million barrel) egallab turibdi.
Bu yil uchinchi o‘rinda Buyuk Britaniya (11,8 million barrel), to‘rtinchi o‘rinda Kanada (102,3 million barrel), beshinchi o‘rinda esa Ispaniya (87,3 million barrel) joylashgan.
Fransiya yettinchi o‘rin (81,3 million barrel), Tayvan esa sakkizinchi o‘rinni egalladi (80,4 million barrel) .
Izoh (0)