Европа Иттифоқи 2025 йил март ойида Россиядан қувур орқали келадиган газ харидини рекорд даражада қисқартирди. Евростат маълумотларига кўра, етказиб бериш ҳажми атиги 339,8 миллион еврони ташкил этди. Бу 1999 йилдан буён энг паст кўрсаткичдир, дея хабар бермоқда РИА Новости.
Европа Иттифоқи баҳор бошида Россиядан 339,8 миллион евролик қувур газини сотиб олган, бу бир ой аввалги даражадан 42 фоиз камдир.
Шу билан бирга, март ойида суюлтирилган табиий газ етказиб бериш 830 миллион евро даражасида қолди. Шу сабабли Россиядан Европага умумий газ импорти 1,17 миллиард еврони ташкил этди — бу бир ой аввалги даражадан 17 фоиз камдир.
Харидлар бўйича етакчилар Венгрия (248 млн евро) ва Греция (67 млн евро) бўлди. Италия эса 2008 йилдан бери биринчи марта Россия қувур газини тўғридан-тўғри сотиб олмаган.
Натижада Россиянинг Европадаги умумий газ харидларидаги улуши бир ой аввалги 18,4 фоиздан 13,1 фоизга тушган. Умуман олганда, Европа Иттифоқи март ойида Россиядан 1,17 миллиард евролик газ сотиб олган.
ЕИ 2027 йилгача Россия табиий газини сотиб олишни тўхтатишни ўз олдига мақсад қилиб қўйган. Кўплаб мамлакатлар бу йўлдан бормоқда: 2023 йилда Европа Иттифоқига импорт қилинган қувур газининг атиги 8 фоизи Россиядан келган.
Йил бошида Киев муддати тугаган транзит келишувини янгилашдан бош тортгани сабабли Украина орқали бир нечта Европа давлатларига Россия табиий газининг экспорти тўхтатилди.
Натижада Европадаги савдоларда газ нархи 2 январь куни мегаватт/соат учун 50,3 еврогача (тахминан 1 минг куб метр учун 526 евро) кўтарилди.
Январь ойида Европа иттифоқининг (ЕИ) ўнта мамлакати Россия газини импорт қилишни бутунлай тақиқлашга чақирди. Ташаббусни ўз ичига олган ҳужжатни Литва, Латвия, Эстония, Дания, Чехия, Польша, Руминия, Швеция, Ирландия ва Финляндия имзолади.
Май ойи бошида Россия ва АҚШ Россия газини Европага етказиб беришни қайта тиклаш йўлларини махфий равишда муҳокама қилаётгани ма`лум қилинди.
Изоҳ (0)