Усмонлилар империясининг олтин даври ҳақида ҳикоя қиладиган “Муҳташам юз йил” сериалида саройдаги ҳаёт, валиаҳдлар ва ҳукмронлик учун бўлган курашлар, шунингдек, севги ва хиёнат мотивлари ўз аксини топган. Бироқ ҳатто энг пухта ишлаб чиқилган лойиҳаларда ҳам бир нечта хатоликлар учраб туради. Минглаб саҳналар орасида XVI асрда ҳали ихтиро қилинмаган буюмлар ҳам кадрларга тушиб қолган. Бу хатоликлар сериал ҳақидаги умумий таассуротини бузмайди, аммо томошабинлар орасида турли мунозараларга сабаб бўлади.
Кадрга тушиб қолган трактор
Сериалда ҳарбий юришлар тасвирланган саҳналар жуда ишонарли кўринади: қадимий чодирлар, отлар, ҳарбий ускуналарнинг бари Усмонлилар даври шукуҳига мос. Аммо кутилмаганда орқа фонда трактор пайдо бўлади. Бали Бей (Бурак Ўзчивит) ортида камерага тушиб қолган трактор сериалнинг тарихий муҳитига мос келмайди, чунки воқеалар XVI асрда, яъни қишлоқ хўжалиги техникалари ихтиро қилинмаган даврда содир бўлади.
Сарой боғидаги нарвон
Боғдаги саҳналардан бирида, кутилмаганда кадрда нарвон кўринади. Аввалига гўзал сарой манзаралари фонида у қадар кўзга ташланмайди, аммо бу ҳам тарихий жиҳатдан жиддий хатолик ҳисобланади.
Шамдон ёнидаги чироқ тугмаси
Хадича султон образи тасвирланган саҳналардан бирида орқа фонда электр чироқ тугмаси кўриниб қолади. Албатта, кўпчилик томошабинлар сериал воқеаларига берилиб, тугмачани пайқамаслиги мумкин, лекин зийрак мухлисларнинг кўзи ҳеч нарсани ўтказиб юбормайди.
Бундан ташқари, томошабинлар яна бир хатони аниқлашган: Хадича султон билан боғлиқ саҳналарда фойдаланилган матолар ранглари ўша даврга, айниқса мусулмонлар маданиятига мос эмаслигини айтишган:
“Хадичанинг янги туғилган болалари мовий ва пушти адёллар билан ўралган бўлади, аммо ўша даврда бу ранглар мусулмонлар томонидан қўлланилмаган” дейишади томошабинлар.
Изоҳ (0)