Султон Сулаймоннинг онаси Волида султон Усмонлилар империяси тарихидаги энг кўзга кўринган аёллардан бири бўлган. Аммо унинг образи “Муҳташам юз йил” сериалида тарихий жиҳатдан умуман тасдиқланмаган сохта драмаларга бой қилиб тасвирланган.
Машҳур тарихий сериал сюжетига кўра, Волиданинг вафотига фитналар ва Хуррам султоннинг Хадича билан боғлиқ сирни очиш ҳақидаги таҳдиди туфайли юзага келган руҳий зарба сабаб бўлган. Бироқ тарихий қўлёзмаларга кўра, қайнона ва келин ўртасидаги муносабатлар ҳурмат ва иззатга тўла эди. Буни ўша даврдан сақланиб қолган хатлар ва йилномалар тасдиқлайди.
Ойша Ҳавса саройдаги барқарор тинчлик учун ўғлининг рафиқаси билан яхши муносабат қуриш муҳимлигини тушунган ва Хуррам султон билан зиддиятга бормаган.
Волида султоннинг ўлимига ҳам саройдаги кескин вазиятлар сабаб бўлмаган. У 1533 йилда, тахминан 55-56 ёшида вафот этди, бу 16-аср учун ўртача умр кўриш йили ҳисобланган. “Муҳташам юз йил” да Волида султон Иброҳим пошонинг хиёнати ҳақида билиб қолгани, шундан сўнг юрак хуружидан вафот этгани ҳақидаги эпизод тарихга зид.
Режиссёрлар шу тариқа сериал сюжети қизиқарли ва драмага бой бўлиши мақсад қилган, аммо бу воқеалар тарихий ҳақиқатдан йироқдир. Дарҳақиқат, Волида султон ҳаётининг сўнгги йилларини тинч ва фаровон оила аъзолари даврасида ўтказган.
Волида султонни саҳна ортидаги воқеалар қурбони сифатида кўрсатиш орқали сериал ижодкорлари ундаги драмани янада кучайтирди ва томошабинлар учун Ойша Ҳавса образи нотўғри талқинда намоён бўлди. Сулаймон султоннинг онаси саройдаги муаммолар қурбони эмас, балки доно Волида Султон сифатида тарихда қолган. Мазкур ҳикоя биргина сериал катта бир давр ҳақидаги тасаввурни бутунлай ўзгартириб юбориши ҳақида сабоқ бўлади.
Изоҳ (0)