“Муҳташам юз йил” сериали бежизга энг машҳур лойиҳалардан бирига айланмади, чунки унинг кўлами ҳайратланарли. Барча саҳналар майда-чуйда деталларгача ўйланган. Сериалда драматик эпизодлар керагидан ортиқ, шунинг учун қалблари жумбушга келтирувчи ва оғриқли саҳналарни ажратиб олиш осон иш эмас.
Иброҳим пошо ва Хадича султон ўғлининг вафоти
Хадича султон ҳар доим эрига меросхўр ҳадя қилишни орзу қилади ва бу амалга ошгач, эр-хотин фарзандни тақдирнинг марҳамати сифатида қабул қилишади. Султоннинг синглиси ҳар доим ўғлининг ёнида бўлиб, уни бало-қазолардан асрайди, аммо бахтга қарши, унинг ўлимига ўзи сабабчи бўлади.
Режиссёр ва сценарий муаллифи юракларни ларзага солиш учун бор маҳоратларини ишга солган. Эпизодда Хадича султоннинг чақалоқ Меҳмедни эмизиб, алла айтиб ўтирганини кўрамиз, онанинг ўғли билан биргалигини кўриб, кўнгилда алланечук ҳислар уйғонади ва у чарчаб ухлаб қолади...
Уйғонганида эса боласининг ўлганини кўради — у эҳтиётсизлик қилиб, боланининг кислород йўлни тўсиб қўйган. Онанинг умидсиз фарёди одамнинг вужудини ларзага солади, актриса Селма Эргечнинг маҳорати нақадар кучлилигини яна бир карра очиб беради.
2. Шаҳзода Мустафонинг қатл этилиши
Бу саҳна шунчалик драматик бўлганки, ҳатто бутун суратга олиш гуруҳи йиғлаган. Ҳа, ҳатто лойиҳа асосчиси Тимур Савжи ҳам кўз ёшларини тия олмайди. Эпизодни бир неча марта суратга олишга тўғри келади, чунки уни ижро этиш жуда қийин эди.
Шаҳзода Мустафо отасининг буйруғи билан жаллодлар қўлида ҳалок бўлади. Султон Сулаймон ҳокимият учун ўз фарзандини қурбон қилади ва Мустафо бўғиб ўлдирилгандан сўнг, ўғлининг мурдасини бағрига босиб, аллалайди.
3. Кичкина Жаҳонгир операцияси
Деярли барча юракни эзувчи саҳналар айнан болаларга тегишли, чунки уларнинг изтиробларини кўриш, айниқса оғир. Мустафонинг ўлими ҳақидаги хабардан сўнг ақлдан озган Жаҳонгирнинг ўлими даҳшатли бўлса-да, бола ҳали гўдаклигида ўтказишга қарор қилинган операцияни кўриш ундан ҳам даҳшатлироқ ва оғирроқ эди.
Афсуски, Жаҳонгирнинг соғлиғида муаммолар бор эди: даҳшатли оғриқлар уни ухлашга қўймасди, букриси ҳам катталашиб борарди.
Шу сабабли шифокорлар Хуррам қарши чиққан, аммо Султон Сулаймон рози бўлган операцияни талаб қилишади. Ўша пайтда ҳукмдор боланинг қанчалик азоб чекишини ҳатто тасаввур ҳам қилолмасди, чунки нуқсонни тузатиш учун болани турли томонларга тортқилашарди. Унинг фарёди шу қадар кучли эдики, Сулаймон чидаб туролмай, ўғли Мустафонинг рўпарасида ҳушидан кетиб йиқилади.
4. Иброҳим пошонинг қатл этилиши
Иброҳим пошо қандай қаҳрамон бўлишидан қатъи назар, томошабинлар уни илиқлик билан қаршилашди. Вазирининг такаббурлигидан чарчаган ҳукмдор уни қатл қилишга буйруқ беради. Эркакнинг ипак арқон билан бўғиб ўлдирилиши саҳнасини кўриш қийин, бу кўп жиҳатдан қаҳрамоннинг ўлаётган ҳайқириқлари туфайли.
Иброҳим пошшонинг жонсиз танаси солинган тобутни шундоқ ҳам сўнгги кучини йиғиб турган Хадича султон саройига жўнатишади. Эрининг ўлими унинг учун оғриқли зарба бўлади ва Селма Эргеч маҳорат билан ўйнаган айрилиқ саҳнасини кўз ёшисиз томоша қилишнинг иложи йўқ.
5. Балибейнинг қатлга юборилиш саҳнаси
Вақтни чўзиш ва вазиятни кескинлаштиришда туркларга тенг келадигани йўқ, шунинг учун томошабинлар нафасларини ичларига ютиб, Балибейнинг тақдири қил устида турганини томоша қилишди.
Бунинг сабаби қаҳрамоннинг шаҳзода Мустафога ёққан қизга нисбатан тақиқланган муҳаббати эди. Бундан хабардор Хуррам бу қулай имкониятдан ўз манфаати йўлида фойдаланади, чунки рақибаси ўғлининг Ойбиге билан бўлиши мумкин бўлган никоҳи отасининг вафотидан сўнг унинг тахтга йўлланмаси бўларди. Сўнгги лаҳзада шаҳзода доимо унга содиқ бўлган ва елкасини тутишга тайёр турган жангчини афв этиб, қатл ҳукмини бекор қилишга қарор қилади.
6. Боязиднинг фарзандлари билан вафоти
Ҳокимият учун курашнинг нақадар шафқатсизлигини яна бир бор исботловчи оғир саҳна. Шаҳзода Салим нафақат шаҳзода Боязид тимсолида, балки унинг ўғиллари тимсолида ҳам рақибидан қутулишга ёрдам берадиган қарор қабул қилади. Боязид ва унинг тўрт ўғли тиз чўкиб, ўз қисматини кутаётган лаҳза юракни эзади.
7. Хуррам султон ўлими
Сериалда ҳар доим ўзини идеал тутган ва виждонан иш тутган қаҳрамонлар йўқ. Аммо режиссёр ва сценарий муаллифлари Султон Сулаймоннинг севган аёли билан видолашув саҳнасини, эркакнинг тушкунлиги ва унинг ўлимидан сўнг том маънода қотиб қолган дунёни қанчалик уйғун ва тўғри кўрсатиб беролганлари таҳсинга сазовор.
Изоҳ (0)