Дунё бўйлаб ушбу сериалнинг миллионлаб мухлислари султон Сулаймон ва Хуррамнинг севги ҳикоясини катта иштиёқ билан томоша қилди. “Муҳташам юз йил” кўпчиликда носталгия туйғусини уйғоца-да, тўрт фаслдан иборат сериални қайтадан бошлашга кўпчилик ҳам журъат этмайди.
Туркиядаги энг муваффақиятли сериал ғояси аслида қандай пайдо бўлгани ҳақида ҳикоя қилувчи ва сериални қайтадан томоша қилишга ундовчи ҳужжатли фильм олингани ҳақида эса кўпчилик билмайди. Қуйида 8 та қисмдан иборат “Муҳташам юз йил. Сирли дунё” (“Муҳтеşэм йüзйıл. Гизли дüня”) ҳужжатли фильми ҳақида сўз боради.
Ҳужжатли фильм нима ҳақида?
Ҳужжатли фильмда ҳарбий, жангари саҳналарни суратга олишда дуч келинган қийинчиликлар, мураккаб кастинглар ва кенг кўламли сериал устида ишлашнинг бошқа қийин жараёнлари ҳақида батафсил ҳикоя қилинади. Фильм 16-асрдаги Топкапи қиёфаси қайта тикланган ва 5000 квадрат метр майдонга эга бўлган павильон бўйлаб экскурсиядан иборат. Унда ёзувчи Мерал Окай “Муҳташам юз йил” сюжети нима учун баъзи тарихий ҳақиқатларга зид эканлигини ҳам тушунтириб ўтган:
“Биз сериални 100 фоиз тарихий жанрда суратга олмадик, балки тарих элементлари бўлган романни кўрсатиб беришга ҳаракат қилдик”, дейди у.
Бош қаҳрамонни излаш жараёни
Ҳужжатли фильмда Хуррам ролини ижро этиш учун актрисани излаш жараёни алоҳида ёритилган. Ижодий гуруҳ актрисани бутун Туркия, Россия, Руминия ва бошқа мамлакатлардан ҳам излаган. Аммо натижа бўлмаган. Фильмни суратга олиш ишлари бошланишига бир ҳафтадан ошиқ вақт қолганида, Темур Савжи Германияда улар излаган ижрочи борлигини аниқлаган: қизил соч, гўзал ҳамда славян кўринишга эга. У немис-турк актрисаси Марям Узерли эди. Қисқа муддат ичида Савжи ушбу ролни Узерлидан бошқа ҳеч ким яхши ўйнай олмаслигини англаб етган. Суратга олиш ишлари бошланишига 10 кун қолганида Узерли бош ролга тасдиқланган.
Махсус кийимлар ва ҳашаматли либослар
-F0Q_7qCF.webp)
Саккиз қисмли ҳужжатли фильмнинг алоҳида эпизоди костюмлар ва либослар устида ишлаш мавзусига бағишланган. Нафис нақшлар билан безатилган ва қимматбаҳо тошлар билан тўлдирилган ҳар бир либос тахминан 3500-4000 доллар турган. Мода дизайнерлари ҳар бир марказий қаҳрамон учун 200 га яқин либос яратган, бу эса катта миқдордаги харажатлар ва танқидларга олиб келган.
Муаллифлар сериалнинг муваффақиятли чиқишига ишонмаган
Лойиҳа муаллифлари Мерал Окай ва Тимур Савжи аввалига сериал муваффақият қозонишига ишонмаган, “Муҳташам юз йил” кўплаб мамлакатларда эътироф этилган. Айнан шу сериал туфайли Усмонлилар сулоласи тарихига қизиқиш ортган, шу мавзуга оид китоблар сотуви кўпайган. Актёрлар ўртасидаги муносабатлар ва зиддиятлар ҳануз ижтимоий тармоқларда ҳикоя қилинмоқда. Бу орада Марям Узерли ва Ҳалит Эргенч муносабатлари реал ҳаётга ҳам кўчгани ҳақидаги миш-мишлар ҳам тарқалган. Бундан актёрнинг рафиқаси Бергузар Корел хавотирда бўлган.
Хулоса қилиб айтганда, ҳужжатли фильм “Муҳташам юз йил” яратилиши ҳақида қимматли маълумотларни беради ва актёрлар дуч келган қийинчиликларни очиб беради. Фильм актёрлар ҳақидаги хотираларни янгилайди ҳамда улар турк ва жаҳон телевидениесининг кенг кўламли тарихига қандай кириб қолгани ҳақида ҳикоя қилади.
Изоҳ (0)