Деярли барча юлдузлар пластик жарроҳлик амалиётидан ўтади, боиси ташқи кўриниш улар учун муҳим аҳамиятга эга. Тўғри, аксариятлари бу ишга ҳаддан ташқари берилиб кетиб, турли операциялар уларга ножўя таъсир кўрсатади. Қуйида уларнинг айримлари билан танишамиз.
Марям Узерли
Баъзилар Марям Узерлининг ташқи кўриниши ажойиб деб ўйлашади. Бироқ “Муҳташам юз йил” сериали пайтида юлдузни севиб қолган мухлислар бошқача фикрда. Тарихий сериал суратга олиниш чоғида актриса табиий гўзаллиги билан ҳаммани мафтун этганди. Аммо кутилмаганда сериални тарк этганидан сўнг сочларини сариққа бўяб, кескин озиб кетди ва юз тузилишини бутунлай ўзгартириб юборган пластик жарроҳлик амалиётини ўтказди.
Коррексия қилинган ёноқ суяги табиийроқ кўринаётган бўлса-да, лабларининг шакли умуман ўхшамаган. Натижада ёқимли кўриниш анча дағаллашиб, аввалги гўзалликдан асар ҳам қолмаган.
Ҳанде Эрчел
Ҳанде Эрчелнинг ташқи қиёфасидаги ўзгаришлар актрисанинг мухлислари ва танқидчилари орасида доимий муҳокама мавзуси бўлиб келмоқда. Карьераси бошланганида у бошқача кўринишга эга эди, бироқ бунинг сабаби унинг вазни ҳам бўлиши мумкин эди.
Ҳозирда актриса жуда озиб кетган, лекин пластик жарроҳларнинг баъзи хизматларидан ҳам фойдаланган, гарчи ўзи бунинг аксини таъкидласа ҳам. Танқидчиларнинг фикрига кўра, ёноқ шаклининг ўзгариши, “мушук кўзлар”, катталашган лаблар ва ҳатто кўкрак пластик операцияси тобора сезиларли бўлиб ва бу актриса асл гўзаллигини бутунлай йўқотишига олиб келди.
Дилан Чечек Дениз
“Чуқур” сериали юлдузи Дилан Чичек Дениз нафақат мухлислари, балки профессионал жарроҳлар фикрича ҳам муваффақиятсиз пластик жарроҳлик қурбонига айланган. 2023 йилда унинг ташқи кўриниши барча томошабинлар томонидан муҳокама қилинган ва бунга сабаб ёноқдаги муваффақиятсиз операция бўлган, бу эса қизнинг кўз шаклини жиддий ўзгартирган. Шу туфайли унинг бутун ташқи кўриниши қўполроқ кўрина бошлади. Гарчи Дилан операцияни астойдил рад этса-да, ҳозир актриса аввалгидан яхшироқ ҳолатда, афтидан, у тажрибалироқ мутахассисни топган.
Эбру Шаҳин
Эбру Шаҳин жуда табиий кўринади, лекин актрисанинг “Беқарор” фильмидаги карьерасини бошиданоқ кузатган мухлислар учун эмас. Бурни ва юзининг ўзгариши Эбру образига ўзгаришлар киритди. Юз чизиқлари ўткирлашиб, лаблари дўмбоқлашди, натижада юлдузга алоҳида жозиба бахш этувчи думалоқ ёноқлар йўқолди.
Мине Тугай
Мине Тугай “Қўрғон сирлари” сериалида иштирок этганидан кейин ижтимоий тармоқларда кўплаб муҳокамаларга сабаб бўлди. Гап шундаки, экранда актриса деярли таниб бўлмас қиёфада кўриниш берди. Албатта, ҳамма шу заҳоти пластик жарроҳлик муолажалари ҳақида ёзишни бошлади. Лекин юлдуз ҳам жим турмади ва соғлиғида муаммолар борлигини айтди. Бу ҳақиқатми ёки йўқми, билиш қийин, лекин унинг кўзлари шакли аниқ ўзгарган, шунинг учун Мине юзини ўзгартирган бўлиши мумкин. Ва бу унинг қиёфасига унчалик “мос келмаган”.
Робия Сойтурк
“Мени тингла” сериали юлдузи ҳам ўзида пластик жарроҳлик амалиётини ўтказган, гарчи ҳалигача ташқи кўринишида ҳеч қандай пластик амалиётлар йўқлигини айтса-да. Бироқ ҳозир Робиянинг бурни бошқача, ёноқ суяклари ўткирлашгани, лаблари шишгани бунга яққол далил. Бундан ташқари, баъзилар актриса блефаропластика ҳам қилдирган деб гумон қилади. Натижада Робия Сойтурк тирик одамга эмас, кўпроқ қўғирчоққа ўхшаб қолган.
Изоҳ (0)