Ҳар биримизнинг ҳаётимизда оқ ва қора кунлар бўлгани каби турк юлдузлари ҳам карьерасида кичик муваффақиятсизликларга учраб туради. Дунёда йигирмадан ортиқ тилларга таржима қилинган сериалларда иштирок этган актёрлар оддий ва ҳатто ёмон рейтингга эга лойиҳаларда ҳам ишлаган.
Бугун бирор ишда хатога йўл қўйган бўлсангиз ҳам таслим бўлмаслик ва ўз устингизда ишлашдан тўхтамасликка мотивация берадиган турк юлдузларининг энг муваффақиятсиз лойиҳаларини тўплашга қарор қилдик.
Керем Бурсин — “Жонсизлар”
Вампирлар ҳақидаги сериалда бош қаҳрамонни гавдалантирган “Жонсизлар” сериали юқори рейтинг эгаллаши кутилган эди, аммо турк томошабинлари ноодатий сценарий ва продюсерларнинг ўзгача талқиндаги сериалини муносиб баҳоламади. Натижада лойиҳа халқаро бозорга ҳам чиқа олмади. Шундан кейин бутун дунёда “Сумерки” фильми машҳурликка эришди. “Жонсизлар” сериалида Керем Бурсин машҳур актриса Элчин Сангу билан суратга тушган.
Ҳанде Эрчел — “Қора марварид”
“Қора марварид” ҳақида камдан кам одам эшитган бўлса керак. Сериал Ҳанде карьерасидаги энг ёмон лойиҳа ҳисобланади. Танқидчиларнинг сўзларига кўра, актрисанинг сериалдаги роли ишончсиз чиққан. Унда классик севги ҳикояси ҳақида сўз боради: учинчи шахс аралашуви сабабли икки ёш бирга бўла олмайди.
Балки сериал муваффақиятсизлигининг сабаби ўша вақтда деярли ўхшаш сюжетли сериал — “Севги изтироби” берилгани учундир? Сабабини англаш учун вақт ажратиб, “Қора марварид” сериалини кўриб чиқиш мумкин.
Бурак Ўзчивит — “Севги сенга ўхшайди”
Ҳозирда рафиқаси бўлган Фаҳрие Эвжен билан суратга тушган мазкур сериал Бурак Ўзчивит учун омадисиз бўлган. Актёрга ҳатто “Муҳташам юз йил” сериалидаги Балибей образидан кейинги машҳурлик ҳам ёрдам бера олмаган. Сериал муваффақиятсизлигига пухта ўйланмаган сценарий, кўплаб саҳналардаги қўпол хатоликлар ва режиссёр иши сабаб бўлди. “Севги сенга ўхшайди” сериалида аслида келишган Ўзчивит қиёфаси ҳам хунук қилиб кўрсатилган.
Ҳалит Эргенч — “Бобил”
Мазкур лойиҳада “Муҳташам юз йил” сериали қаҳрамонларидан Халит Эргенчдан ташқари Нур Феттаҳўғлу (Моҳидаврон) ҳам рол ижро этди, шу сабабли ушбу сериал энг яхши рейтингда бўлишига умид боғланганди. Лекин лойиҳа “ўртача” бўлишга муваффақ бўлди. Дастлабки эпизодлар томошабинларда катта қизиқиш уйғотди, лекин вақт ўтиб ижодкорлар лойиҳани тугатишга мажбур бўлди.
Мерьем Узерли — “Асал уяси”
Режиссёр Эйлем Кафтан томонидан суратга олинган мазкур сериал 2019 йилда Netflix томонидан тақдим этилди. Драмада собиқ Хуррам образи билан танилган Мерьем Узерли қаҳрамонининг асл мақсади нима эканлигини ҳамма ҳам тушуна олмади.
Сюжетга кўра, шаҳарлик қиз оғир касал онасини боқиш учун Туркия шимоли-шарқидаги она шаҳрига қайтади. Ўлимидан олдин қаҳрамон онасининг севимли ари уяларига ғамхўрлик қилишини қизидан сўрайди. Асаларилардан қўрққан қиз онасининг сўнгги истакларини бажаришда турли қийинчиликларга дуч келади.
Шукрю Озйилдиз — “Қиш қуёши”
“Қиш қуёши” лойиҳасининг сюжети худди Болливуд киноларидек бўлиб чиқди. Унда икки ака-ука Эфе ва Метенинг тақдири ҳақида ҳикоя қилинади. Улар барча инсонлар орзу қиладиган нарсаларга эга. Бир куни уларнинг ота-онаси номаълум шахслар томонидан ўлдириб кетилади, Эфе эса қотилликнинг гувоҳи бўлади. Психологик травма олган қаҳрамони қочиб кетади ва 20 йилдан сўнг болалик хотираларини унутади. Сценарий ва воқеалар ривожи шунчалик чалкашки, томошабин маданий ҳордиқ чиқариш ўрнига тушунарсиз сценарийдан чарчаб қолади.
Изоҳ (0)