Турк актёр ва актрисалари шахсий ҳаётида рўй бераётган янгиликлар ва ҳозирда юлдузлар нималар билан банд экани ҳақида маълумотларни эътиборингизга ҳавола қиламиз.
“Олис шаҳар” сериали таркибига актрисалардан Гул Чакир ва Нурсел Кўсе қўшилди
“Олис шаҳар” сериалининг машҳурлиги тобора ўсишда давом этмоқда ва шу сабабли актёрлар таркиби ҳам кенгаймоқда. Инсайдерлар маълумотларига кўра, яқин кунларда лойиҳада иккита мафтункор актриса пайдо бўлади. Жиҳаннинг илк муҳаббати Мерем ролини актриса Гул Чакир ижро этади.
Нурсел Кўсе эса сериалда Алянинг онаси образини гавдалантиради. Кўплаб турк лойиҳаларини томоша қилган дизи мухлислари Нурселга одатда салбий роллар берилишини пайқаган бўлса керак.
Фарук Сабанжи ва Эсра Билгич ўз ота-оналарини таништирди
Ҳанде Эрчел ва Ҳакан Сабанжи тўйлари ҳақидаги саволларга жавоб беришдан қочаётган бир пайтда, Фарук Сабанжи ва латофатли актриса Эсра Билгичнинг ишқий муносабатлари ривожланишда давом этмоқда. Бу ҳафта турк матбуоти уларнинг ота-оналари бир-бири билан танишгани ҳақида хабар берди. Мухлислар тез орада жуфтликнинг тўйи бўлиб ўтишига ишонч билдирмоқда.
Ҳанде Эрчел Ҳакан Сабанжи билан кечикаётган тўйи ҳақидаги саволларга жавоб берди
Туркиялик журналистлар Париж мода ҳафталигидан қайтаётган актрисани аэропортда кутиб олишди ва Эрчелга кўплаб саволлар беришди. Улардан энг қизиқарлиси, албатта, Ҳанденинг Ҳакан билан тўйи қачонлиги ҳақида эди. Актриса журналистларнинг унинг шахсий ҳаётига аралашишини ёқтирмади ва қуйидагича жавоб берди:
Бу менинг шахсий ҳаётим. Ростини айтсам, бу мавзуда гаплашишни умуман истамайман, деди у.
“Қора юрак” сериали иккинчи мавсумга узайтирилиши мумкин
Бош роллардан бирида Ҳафсанур Санжактутан иштирок этган сериал 26 қисмдан сўнг ёпилишига тўғри келди, чунки унинг рейтинги тушиб кетаётган эди. Аммо сўнгги ойларда томошабинларнинг унга қизиқиши яна оша бошлади. Ҳозирда мазкур лойиҳанинг биринчи фасли тўлиқ 35 қисмдан иборат бўлиши ва агар унинг рейтинги ўсишда давом этса, сериал 2025 йилнинг кузида экранларга қайтиши эҳтимоли борлиги айтилмоқда.
“Қизил хона” сериали юлдузи Мерич Арал фарзанд кутмоқда
“Қизил хона”, “Раҳмат, кейингиси” каби лойиҳалардаги роллари билан танилган Мерич Арал турмуш ўртоғи Серкан Кескин иккиси фарзанд кутаётганини тасдиқлади. Уларнинг тўйи 2024 йилнинг сентябрь ойида бўлиб ўтган эди, актрисанинг маълум қилишича, улар тез орада ўғил фарзандли бўлади.
“Муҳташам юз йил” сериали юлдузи Ҳалит Эргенч қамоқ жазосига ҳукм қилиниши мумкин
12 йил аввал бўлиб ўтган мамлакат тўнтарилишига ёрдам берганликда ва ҳукуматга қарши намойишларда қатнашганликда айбланган Айше Барим иши бўйича Ҳалит Эргенч ёлғон кўрсатма берганликда айбланмоқда. Тез кунларда якуний суд иши бўлиб ўтади.
Мерт Рамазон Демир “Қўрғон сирлари” финалидан сўнг ҳарбий хизматга кетади
Айни пайтда “Қўрғон сирлари” сериалининг сўнгги қисмларида суратга тушаётган актёр Мерт Рамазон Демир ҳарбий хизматга кетиш тараддудида эканлиги ҳақида маълумотлар тасдиқланди. Турк матбуоти маълумотларига кўра, Мерт Рамазон Демирнинг айнан қаерда хизмат қилиши ҳам маълум. Бирсен Алтунташнинг айтишича, актёр апрель ойининг биринчи ҳафтасида Искендерундаги ҳарбий қисмга боради. У ерда Мерт бир ойлик ҳарбий хизматни ўтайди.
“Қўрғон сирлари”нинг финали қисми 2025 йил 4 апрелга кўчирилиши мумкин
Gazete журналининг хабар беришича, лойиҳа яна бир ҳафтага узайтирилиши мумкин, кейин эса якуний эпизод 2025 йил 4 апрелда эфирга узатилади ва сериал 101-қисмда тугайди. Ҳозирча бу ҳақда ОGM жамоаси расмий баёнот бермаган.
Мурат Йилдирим хорижий ҳамкасбларига миннатдорлик билдирди
2025 йил бошида эронлик кинорежиссёр ва туркиялик режиссёр бошчилигидаги янги фильмда Мурат Йилдирим ҳамда франциялик актриса Ева Грин суратга тушди. Психологик триллер продюсери Мартин Скорсезе бўлиб, Мурат Йилдирим ажойиб жамоа билан ишлаганидан мамнун экани ҳақида ўзининг Instagram саҳифасида хабар қолдирди
Сиз билан учрашиш ва ишлаш жуда ёқимли бўлди. Камера мени суратга олаётган пайтда қандай диққат билан қараганингизни ҳеч қачон унутмайман. Келажакда энг шарафли мукофотларнинг барчасини олишингизни чин дилдан тилайман, Ева Грин!
Жаноб Баҳман, сиз эса менга нималарга қодир эканлигимни эслатиб қўйдингиз. Сизнинг теран фикрлашингиз менга улкан илҳом берди ва сиздан жуда кўп нарсаларни ўргандим. Мазкур лойиҳа ажойиб фильм бўлишига шубҳам йўқ, дея сўзларини якунлади Йилдирим.
Изоҳ (0)