Актриса Марям Узерли “Муҳташам юз йил” сериалидаги рақибларининг фитналарига қарши туриб, турк султони Сулаймоннинг қалбини забт эта олган Хуррам роли орқали танилди. Унинг экрандаги харизмаси ва ўзига бўлган юксак ишончига қарамай, актриса суратга олиш пайтида ҳамкасблари олдида бир неча бор хижолатли вазиятларга тушиб қолган.
Хуррамнинг либоси билан боғлиқ воқеа
Марям Узерли уялиб қолган шунда эпизодлардан бири Хуррамнинг ҳашаматли яшил либосда султон олдига ташриф буюриши керак бўлган саҳна эди. Аммо режиссёрлар талабига кўра тана вазнини оширишга ҳаракат қилаётган Марям аввалдан тикиб, тайёрлаб қўйилган қимматбаҳо либосга сиғмай қолади. Костюм дизайнерлари эса янги кийим тайёрлашга улгурмагани боис суратга олиш пайтида кўйлакнинг чоклари ажралиб, том маънода йиртилиб кетади.
“Ўша пайтда мен жуда уялган эдим, аммо бу воқеани ҳозир эсласам, юзимга табассум югуради”, дейди Узерли.
Шу сабабли суратга олиш ишлари вақтинчалик тўхтатилади ва Хуррам султонга янги — сариқ рангли бежирим либос тикилади.
Ҳалит Эргенч билан эпизод: Султон Сулаймон ишончини оқлай олмасликдан қўрқув
Марям Узерлини узоқ вақт хижолат тортишига сабаб бўлган яна бир воқеа актёр Ҳалит Эргенч билан боғлиқ. Эпизодлардан бирида ўрмонда Хуррамга ҳужум қилишади, сўнг рафиқасини излаб топган султон Сулаймон уни қўлига олиб, саройга олиб боради.
Оғир кийимлар, аксессуарлар ҳамда Марямнинг ортиқча вазни туфайли актриса Ҳалитга оғирлик қилишидан жуда хавотир олади. У ҳатто кўтариш саҳнаси учун алоҳида дублёрни ёллашни таклиф қилади, бироқ Эргенчнинг ўзи ушбу саҳнани ижро этишини айтади.
“Мен Ҳалитнинг олдида жуда уялар эдим. У мени қўлига олганида оғирлигимдан ерга ташлаб юборишидан эмас, балки унга зарар етказишдан қўрқар эдим. Аммо Ҳалит бунинг уддасидан чиқди!”, деди Узерли.
2011-2014 йиллар оралиғида эфирга узатилган “Муҳташам юз йил” тарихий сериали Усмонли империяси султони Сулаймон (1520-1566) давридаги воқеаларни ҳикоя қилади. Асосий эътибор султоннинг саройдаги ҳаёти, сиёсий интригалар ва Хуррам Султон билан бўлган муносабатларига қаратилган.
Изоҳ (0)