Таниқли турк актёрларининг фильмографиясида кўплаб ёрқин ва такрорланмас роллари мавжуд. Шунга қарамай, дизи юлдузларининг бошқалардан ажралиб турадиган ва томошабинлар хотирасида абадий қолган образлари борлигини рад этиб бўлмайди.
1. Султон Сулаймон
“Муҳташам юз йил” сериали энг машҳур турк лойиҳаларидан биридир. Султон Сулаймон ҳақида гап кетганда томошабинлар дарҳол Ҳалит Эргенчни эслашади. Айнан у Усмонлилар империясининг энг буюк ҳукмдорларидан бири образини экранларда акс эттириш шарафига муяссар бўлган. Эътиборлиси, мазкур ролга Ҳалит ҳеч қандай танловларсиз қабул қилинган. Актёр узоқ вақт давомида тарихий манбаларни ўрганиб чиққан ва фильмни суратга олишга тайёргарлик учун кўп вақт сарфлаган. Натижа эса узоқ куттирмаган: султон Сулаймон томошабинларга жуда манзур бўлди. Унинг чуқур ва ҳиссий жиҳатдан бой ижроси туфайли нафақат Туркияда, балки хорижда ҳам томошабинлар Усмонли империяси тарихига қизиқиш билдира бошлади.
2. Ямач Ковочали
Турк сериаллари орасида яна бир машҳур лойиҳа — “Чуқур” нафақат эркаклар, балки аёллар томонидан ҳам эътирофга сазовор бўлган. Арас Булут Ийнемли ҳақида гап кетганда, дарҳол Ямач Кочовали ёдга тушади. Унинг қаҳрамони кўплаб қийинчиликларни бошидан кечирган ва Арас ўз ролини қойилмақом ижро этган.
3. Ферҳат
42 ёшли актёр Иброҳим Челиккол кўплаб муваффақиятли ва унутилмас роллари билан танилган, бироқ мухлислар уни “Оқ-қора севги” фильмидаги Ферҳат образи орқали таниди. Унинг Бирче Акалай билан тандеми энг эсда қоларли образ сифатида тан олинади. Сериал аллақачон якунига етганига қарамай, ашаддий томошабинлар эртами-кечми, лойиҳанинг давоми суратга олинишига ишонади.
4. Беҳлул
Актёр Киванч Татлитуғ “Тақиқланган севги” сериалида Беҳлул Ҳазнедар исмли қаҳрамон — Биҳтернинг севгилиси ва Аднаннинг жиянини ижро этган. Унинг образини барча учун намуна деб аташ қийин бўлса-да, Беҳлул қаҳрамони Татлитуғ фильмографиясида энг муҳим ва унутилмас роллардан бирига айланди.
5. Мурат
Бурак Дениз “Марашлик” ва “Маликам, энди қара” сериалидаги роллари туфайли томошабинлар эътиборини қозонди. Унинг Мурат образи каби мураккаб ва кўп ўлчовли персонажларни ўйнаш қобилияти актёрга шуҳрат ва танқидчиларнинг эътирофини олиб келди. Унинг табиийлиги ва ҳис-туйғуларини етказиш қобилияти актёрни турк сериаллари оламида муҳим шахсга айлантирди.
6. Омер
Бариш Ардуч мухлисларни роллар сони билан эмас, балки лойиҳалари сифати билан хурсанд қилишни афзал кўрган турк актёрларидан биридир. Бугунги кунда актёр 15 дан ортиқ лойиҳаларда суратга тушган, аммо кўпчилик мухлислар учун у абадий “Ижарага олинган севги” даги Омер бўлиб қолади. Актёр сериалда мода бизнесида муваффақиятга эришган ёш ва келишган йигитни ижро этган ва мазкур турк мелодрамаси бутун дунёда энг юқори баҳоланган.
7. Усмон Ғозий
Бурак Ўзчивит “Ҳукмдор Усмон” ва “Севги изтироби” телесериалларидаги роллари туфайли кўплаб томошабинларнинг севимлисидир. Унинг чиройли кўриниши кучли харизма билан биргаликда унутилмас персонажларни яратишга ёрдам берди.
Актёр “Ҳукмдор Усмон” тарихий сериали чиқиши билан турк сериалларининг жаҳон бозоридаги мавқейини мустаҳкамлаб, миллионлаб мухлисларнинг кумирига айланди. Драма шу қадар муваффақиятли бўлдики, суратга олиш ишлари 2019 йилдан бери тўхтамади. Ҳозирда Ўзчивит энг кўп муҳокама қилинадиган ва катта гонорар оладиган юлдузлардан биридир. Унинг “Ҳукмдор Усмон”даги Эртуғрулнинг ўғли образини бу лойиҳани ҳеч қачон кўрмаган турк томошабини ҳам танийди. Шунингдек, Бурак “Севги изтироби” даги Камол роли билан ҳам мухлисларнинг ёдида қолган.
8. Эмир Козжуўглу
Каан Урганжиўғлу “Севги изтироби” телесериалидаги роли туфайли машҳурликка эришди. Унинг ёвуз қаҳрамони нафақат сериални янада динамик қилди, балки томошабинларни ушлаб турувчи керакли миқдордаги драмани қўшди. Каан ўз феъл-атворининг барча мураккаблиги ва номувофиқлигини кўрсатишга муваффақ бўлди, бу эса унга танқидий эътироф ва жамоатчилик муҳаббатини олиб келди.
Шунингдек, актёр “Адолат” фильмидаги прокурор Илгаз Кая образини ҳам қойилмақом ижро этди. Ажойиб кўриниши ва мураккаб ҳиссий саҳналарни ўйнаш қобилияти уни турк телевидениесининг ҳақиқий тимсолига айлантирди. Бу эса унинг истеъдоди кучлилигини яна бир бор тасдиқлайди.
9. Ферит Корхан
Актёр аввалроқ “Муҳташам юз йил: Кўсем империяси”да эпизодик рол ҳамда “Фазилат хоним ва қизлари” телесериалида кичик рол ўйнаган. Сўнг 2022 йилда “Қўрғон сирлари” сериали намойиши бошланади. Дастлабки эпизодларданоқ у етакчи лойиҳага айланди, ундаги актёрлар ҳам жаҳон миқёсида шуҳрат қозонди. Сериалда Мерт Рамазон Туркиядаги машҳур заргарнинг дангаса, қайсар ва худбин набираси Ферит Корхан образини гавдалантирди. Айнан шу сериал турк актёрига ўз маҳоратининг кўп қирралилигини намойиш этишга имкон берди. У ўз феъл-атворига шу қадар яхши кўникиб қолганки, кўплаб саҳна ортидаги видеоларда айнан ким — Мерт ёки Ферит турганини тушуниш қийин бўлган.
10. Серкан Болат
Керем Бурсин ҳар қандай жанрда истеъдодли эканини бир неча бор исботлаган юлдузлардан. У “Қалбим эшигини қоқ” сериалида Серкан Болат роли орқали барчага таниш. Бундан ташқари, мазкур ролидан аввал актёрнинг турли мамлакатлардан мухлислари бўлган. “Қуёшни кутиб” сериали намойиш этилгандан сўнг Керем Бурсин бошқа режиссёрлар эътиборига тушган ва унинг карьераси юксала бошлаган.
Изоҳ (0)