Тирик афсоналар: Дунёга машҳур кекса ёшдаги турк актёрлари

Сўнгги йилларда туркиялик ёш ва интилувчан актёрлар ўз ижроси ва харизмаси билан томошабинларнинг меҳрини қозониб келмоқда. Аммо уларга йўл очиб берганларни ҳам унутмаслик керак. Бугун маҳорати, истеъдоди, тажрибаси ва серқирралиги билан дунёдаги миллионлаб томошабинлар қалбини забт этган турк сериалларининг фахрий актёрларини ёдга оламиз.

Небаҳат Чеҳре

80 ёшни қаршилаган турк актрисаси 1960 йилда “Туркия гўзали” унвонига сазовор бўлади ва айнан шу ғалаба унга кино оламига кириб келади. Небаҳат 19 ёшида дебют қилган. Унинг фильмографияси бугунги кунда 100 га яқин фильмларни ўз ичига олади.

Турк актрисаси иштирокидаги энг машҳур асарлари – “Тақиқланган севги”, “Муҳташам юз йил”, “Июнь кечаси”. Актриса охирги марта 2020 йилда экранларда кўриниш берган. Туркияда Небаҳат Чеҳрени нафақат кинематография, балки услуб тимсоли деб билишади. 80 ёшли юлдузнинг ташқи кўринишига ҳавас қилиш мумкин.

Четин Текиндор

79 ёшли Четин Текиндор нафақат театр ва кино актёри, балки дубляж устаси ва тажрибали ўқитувчи ҳам. Ҳамкасблари ҳар доим у ҳақда ўз ишининг ҳақиқий устаси сифатида фикр билдиришади. У ҳар сафар ўз қаҳрамонининг ҳаётини яшайди. Четин ҳеч қачон журналистларга интервью бермайди ва шахсий ҳаётини имкон қадар яширади.

Кўплаб томошабинлар унинг ижодини “Ичкарида”, “Қора амаки,” “Аси”, “Айла: Уруш қизи”, “Истилочи”, “Бобомнинг халқи” каби фильм ва сериаллар орқали билишади. Сўнгги йилларда Четин Текиндорнинг соғлиғи ёмонлаша бошлади, бироқ у профессионал ижроси билан томошабинларни хурсанд қилишда давом этмоқда.

Мажит Сонкан

72 ёшли турк актёри кинода ишлашдан олдин узоқ йиллар давомида театрда рол ўйнаган. “Беқарор” сериалидаги Насух роли унга бутун дунё бўйлаб машҳурлик келтирди. Бундан ташқари, у “Нафасимни ютиб”, “Телба юрак”, “Мен қуёшни кўрдим”, “Дилбарнинг саккиз куни”, “Келин” каби фильмларда ҳам суратга тушган.

Томошабинлар Мажит Сонканни охирги марта 2021 йилда “Чуқур” сериалида кўришган. Турк актёри янги роллар кетидан қувмайди. У севимли театрида фаол иштирок этиб, бўш вақтини оиласи даврасида ўтказишга ҳаракат қилади.

Эржан Кесал

65 ёшли актёр биринчи марта 2002 йилда дебют қилган. Айнан ўшанда у “Бегоналашув” фильмида рол ўйнаган. Ватанида биринчи эътирофни унга Мухтор ролини ўйнаган “Бир пайтлар Анатолияда” (2011) картинаси олиб келди. 2016 йилда эса Эржан бутун дунёга машҳур бўлиб уйғонди. У машҳур “Чуқур” сериалида бош роллардан бирини ижро этган. Кесал экранларда Идрис Кўчавали образини гавдалантирди.

Турк актёрининг фильмографиясида 40 дан ортиқ лойиҳа мавжуд бўлиб, уларнинг аксарияти тўлиқ метражли фильмлардир. Қизиғи шундаки, актёр 1982 йилда Эгей университетининг тиббиёт факультетини тамомлаган ва кўп йиллар давомида Кескин ва Бале клиникаларида ишлаган. Бахтли тасодиф туфайли Эржан фаолиятини тубдан ўзгартиришга қарор қилди, ва бунинг уддасидан чиқади.

Айда Аксел

62 ёшли актриса “Беқарор” сериали орқали танилган. Унда у Азизе Асланбей – салобатли ва мураккаб тақдирли аёл ролини ўйнайди. Айда кинодаги дебютини 1994 йилда қилган. У фақат 2010 йилга келибгина машҳур бўлди. Ўшанда Аксел “Юрак” сериалида Несрин ролини ўйнаган. Актрисага 2018 йилда экранларга чиққан “Тугун” сериали оламшумул машҳурлик олиб келди.

Унинг фильмографияси 30 га яқин лойиҳани ўз ичига олади. Томошабинлар уни “Гулжамол”, “Ота”, “Оила”, “Бойчечаклар” каби сериалларда ҳам кўришган.
Айда Аксел Жан-Клод Ван Дамм билан бирга ишлашга муваффақ бўлган кам сонли турк юлдузлари қаторига кирганини кўпчилик билмайди. 2006 йилда улар Туркиянинг “Имтиҳон” фильмида бирга рол ўйнашган.

Айдан Шенер

Ушбу рўйхатда “Чолиқуши” сериалининг бош қаҳрамонини эсламаслик хато бўлади. Актриса 1983 йилда “Кичкина бошлиқ” сериалида дебют қилган ва уч йилдан сўнг машҳур мелодрамада Фериде ролини ўйнаган. Айдан ҳозир ҳам кинода суратга тушишда давом этмоқда. Унинг ҳисобида турли хил фильмларда 30 га яқин рол бор. Томошабинлар уни “Сандиқ ҳиди”, “Уч опа-сингил”, “Юрак оғриғи”, “Менежеримга қўнғироқ қилинг”, “Дениз менинг қалбимда” ва бошқа кўплаб лойиҳаларда кўришлари мумкин.

Кенг фильмографияга қарамай, Шенер ролларининг аксарияти иккинчи даражали. Айнан шунинг учун у кўплаб томошабинлар учун “Чолиқуши”даги Фериде бўлиб қолди.