Қизиқарли ва тарихий воқеаларга бой сюжети билан бутун дунёга танилган “Муҳташам юз йил” сериали 155 та қисмдан иборат. Сериал муваффақиятли бўлишига қарамай, ҳамма ҳам уни кўришга узоқ вақт ажрата олмайди.
Агар сиз ҳали ҳам Сулаймон ва унинг канизаклари ҳақидаги ҳикояни томоша қилишни тугатмаган бўлсангиз, қуйида қисқа, аммо қизиқарли турк сериалларини тавсия қиламиз.
“Ҳар ердасиз” (2019)
Жанр: романтик комедия
Қисмлар сони: 23
Ролларда: Фуркан Андич, Айбуке Пусат, Аслихан Малбора
Сюжет: Гўзал Селин ва муваффақиятли карьера қурган Демир қонуний равишда бир уйни харид қилган бўлиб чиқади. Бунга икки кекса опа-сингиллар сабабчи бўлади. Улар умумий мулки бўлган уйини бир-бирига билдирмай, икки харидорга сотиб юборади. Уларни судга бермаслиги учун икки ёшни бирлаштиришга ҳаракат қилади.
“Ёнарқўнғиз” (2017)
Жанр: мелодрама, комедия
Қисмлар сони: 17
Ролларда: Сечкин Оздемир, Нилай Дениз, Седа Гювен
Сюжет: Фильмда Бариш исмли муваффақиятли ва севгига унчалик қизиқмайдиган ажримлар бўйича адвокат билан қувноқ Асли исмли қизнинг танишуви ҳикоя қилинади. Асли оиласига ёрдам бериш учун такси ҳайдовчиси бўлиб ишлашга мажбур. Аммо улар учрашгандан кейин иккаласининг ҳам ҳаёти ўзгаради.
“Шунчаки табассум қилинг” (2018)
Жанр: романтик драма
Қисмлар сони: 24
Ролларда: Асли Бекирўғлу, Помир Пекин, Йилмаз Кунт
Сюжет: Фильм айрилиқ азобини тўй кунининг ўзида бошидан ўтказган Ёсамин ва ўз ҳис-туйғуларини тартибга солишга уринаётган Сарп ҳақида. Аввалига у бир қизни севиб қолади, лекин тез орада унинг ҳақиқий ҳис-туйғулари бошқа қиз билан боғлиқ эканини тушунади. Бу ерда севги ва дўстлик ришталари ўзаро чамбарчас боғланиб, хилма-хил туйғуларнинг мураккаб нақшини яратади.
Қулупнай ҳиди (2015)
Жанр: романтик комедия
Қисмлар сони: 23
Ролларда: Демет Оздемир, Юсуф Чим, Экин Мерт Даймаз
Сюжет: Мазкур фильмда Демет Ўздемир рассом бўлишни орзу қилган қандолатчи Асли ролини ўйнайди. Қизнинг бутун орзулари чаппасига кетаётган бир пайтда тақдир уни бадавлат Бурак билан тасодифан тўқнаштиради. Аслининг ишдан ҳайдалишида эса унинг айби бор. Шундай қилиб, кулгили воқеалар ёшларни янада яқинлаштира бошлайди.
“Курт Сейит ва Александра” (2014)
Жанр: тарихий драма
Қисмлар сони: 21
Ролларда: Киванч Татлитуг, Фараҳ Зейнеп Абдулла, Элчин Сангу
Сюжет: Тасвирга олиш ишлари нафақат Туркияда, балки Россияда ҳам бўлиб ўтган таниқли тарихий лойиҳада тақиқланган севги мавзуси яна сюжет марказида бўлади. “Курт Сейит ва Александра” — таниқли турк ёзувчиси Нермин Безменнинг “Курт Сейит ва Шура” романи асосида ишланган бўлиб, сериал ХХ аср бошларида содир бўлган реал воқеаларга асосланган. Унда бош қаҳрамонлар Россия империясининг қулаши ҳамда Октябрь инқилобидан омон қолишади. Фожиалар, кўплаб йўқотишлар, шафқатсиз умидсизликларга тўла тарихий воқеалар билан бирга чор армиясининг собиқ офицери лейтенант Курт Сейит ва аристократлар оиласидан бўлган ўн олти ёшли Шура ўртасидаги севги ҳақида ҳам ҳикоя қилинади.
Изоҳ (0)