“Муҳташам юз йил” сериали 139 қисмдан иборат, ҳар бир эпизод камида 90 дақиқа давом этади. Шунинг учун Султон Сулаймон ҳақидаги тарихий ҳикоядан тўлиқ баҳраманд бўлиш учун томошабинлар узоқ сабр қилишлари керак бўлади.
Турк сериалларининг ўзига хос хусусиятларидан бири — дизи хронометражининг узун эканлигида. Сўнгги йилларда режиссёрлар томонидан таклиф этилаётган мини сериаллар дизи олами учун янгилик ҳисобланади. Бундан аввал муаллифлар фақатгина давомийлиги узоқ бўлган сериалларни суратга олишни афзал кўрган. Улар орасида рекордчилар ҳам бор.
Турк киносидаги энг узун сериал
“Элиф” сериали (2014–2019) турк сериаллари орасида эпизодлар сони бўйича рекордчи ҳисобланади. У ҳар бири 60 дақиқа давом этадиган 650 та эпизодни ўз ичига олади. Яъни, мазкур сериални узлуксиз равишда томоша қилиш учун 27 кун сарф этилади.
“Элиф” сериали 6 ёшли қизчанинг ҳаёти ҳақида ҳикоя қилади, унинг тақдири атрофдаги кўплаб катталарнинг қарорига боғлиқ бўлади. Сюжетга кўра, Элифнинг ўгай отаси қимор ўйинларидан қарзини тўлаш учун ёш қизни сотишни режалаштиради. Элифнинг онаси эса унинг талабларини бажаришни истамайди, шунинг учун у қизини дугонасига топшириб, уйдан қочиб кетади. Сўнг она бадавлат хонадонда хизматкор бўлиб ишлайди ва қизи мазкур уйда доимий унинг назорати остида бўлиш учун хонадон эгалари билан келишади. Аслида, бу оиланинг тўнғич фарзанди Элифнинг биологик отаси бўлади.
“Исмини сен қўй” (“Адини сен кой”) номли сериал ҳам “Элиф” каби эпизодлари кўплиги билан ажралиб туради. Сериалда шахсий мақсадлар учун сохта никоҳ қурган эр-хотиннинг бир-бирини чиндан яхши кўриб қолиши тасвирланади. Сериал 397 та қисмдан иборат.
Турк сериаллари ҳити бўлган “Беқарор” лойиҳаси эса экранда уч йил давомида намойиш этилган. Шу вақт ичида сериалнинг 206 та эпизоди чиқди.
Изоҳ (1)
"Kurtlar Vadisi"bir chekkada segaret chekib o'tiribdimi?