“Muhtasham yuz yil” tarixiy seriali keng auditoriyani turk kinolari dunyosi bilan tanishtirdi. Aynan shu serialdan boshlab sharq go‘zal ayollari va barno yigitlariga qiziqish bir necha barobar oshdi. Turk seriali yulduzlari ko‘plab muxlislarga ega bo‘lishdi, ularning har birining ijodini chuqur o‘rganishdi. Bosh rollardan tortib filmda o‘zining debyut bir daqiqalik epizodini o‘ynaganlar ham tomoshabinlar e’tiborida bo‘ldi.
- “Taqiqlangan muhabbat” (2008)
11 yil oldin Adan xotinini yo‘qotib, og‘ir qayg‘uga botgan edi. Shundan beri u o‘z farzandlari — qizi Nihal va o‘g‘li Bulent, jiyani Behlul va enaga ayol bilan birga yopiq hayot kechirardi. Beva erkakning bir maromdagi hayoti yosh, go‘zal Bihter bilan tanishganda tubdan o‘zgaradi. Nihoyat u yuragini yana ochishga tayyor bo‘lgan qizni topdi. Ammo bu go‘zal qizning Istanbuldagi qasrga kelishi unda yashovchi har bir insonning hayotini o‘zgartiradi.
“Muhtasham yuz yil”dan aktyorlar: Nebahat Chehre, Nur Fettahog‘lu, Tolga O‘zturk.
- “Gunesh qizlari” (2015)
35 yoshli adabiyot o‘qituvchisi Gunesh uch qizini yolg‘iz tarbiyalaydi va endi o‘z sevgisini topish va turmushga chiqishdan umid qilmaydi. Ammo bir kuni xuddi ertakdagi kabi, uning kamtarona maskaniga g‘amxo‘rligi bilan ajralib turadigan Haluk Merto‘g‘lu kirib keladi va ular turmush qurishadi. Ertak baxtli tugashi mumkin edi, ammo to‘ydan keyin hamma narsa keskin o‘zgaradi: Halukning oilasi uch o‘gay bolaga tayyormas hamda Haluk ham o‘zini ko‘rsatgandek, yumshoq va mehribon emas edi.
“Muhtasham yuz yil”dan aktyorlar: Evrim Alasya, Tolga Saritash, Burju O‘zberk, Irem Helvachio‘g‘lu.
- “Sevgi iztirobi” (2015)
Nihonning tadbirkor otasi o‘z biznesida jiddiy muammolarga duch keladi. Uning biznes sherigi G‘olib unga bu botqoqlikdan chiqish yo‘lini taklif qiladi, ammo buning uchun u qizini uning xudbin o‘g‘li Amirga turmushga berishi kerak edi. Nihon esa boshqasiga, oddiy sartaroshning o‘g‘li Kamolga oshiq. Shafqatsiz Amirning Nihon bilan hayoti yaxshi kechmadi, qiz baxtini faqat Kamol bilan ko‘rardi. Ammo Amir ularning baxtini ko‘ra olmaydi.
“Muhtasham yuz yil”dan aktyorlar: Burak O‘zchivit.
- “Kecha malikasi” (2016)
Selin — yosh go‘zal qiz. Onasi fransuz, otasi turk. Qiz Fransiyada yashaydi va kichik atir do‘koniga ega. Kartal — boy, chiroyli, o‘ziga ishongan Turkiyaning yosh biznesmenlaridan biri. Ikki yosh bir-biriga oshiq bo‘lishadi va quyosh botganda “Kecha malikasi” deb nomlangan noyob gulning go‘zalligiga mahliyo bo‘lib o‘tirishadi. Afsonaga ko‘ra, bu gulni ko‘rgan juftlik eng mustahkam rishtalar bilan bog‘lanadi. Ammo tun tugaydi, sevgidan ilhomlangan Kartal Istanbulga qaytadi. U yerda uni o‘gay otasi Azizning qizi Esra kutmoqda. Bir necha yil o‘tgach, Selin bolasi bilan Turkiyaga keladi va beva Aziz bilan uchrashadi. Qiz yangi sevgilisining uyida kim bilan tanishishi xayoliga ham kelmaydi.
“Muhtashan yuz yil”dan aktyorlar: Selim Bayraktar, Maryam Uzerli, Nihan Buyukagash.
- “Sen mening vatanimsan” (2016)
Jevdet va Aziza ismli juftlik Izmir shahrida yashaydi va uch farzandni tarbiyalaydi: ikki qiz Yildiz va Hilal hamda o‘g‘li Ali Kemal. Ular bilan Jevdetning onasi yashaydi, u kelinini juda yaxshi ko‘radi va uni qizi kabi ko‘radi, uy ishlarida yordam beradi. Jevdet — harbiy, Turkiya armiyasining kapitani, u kamdan kam uyda bo‘ladi. Shunday kunlarning birida yomon xabar keldi — Gretsiya Izmirni bosib olishga qaror qildi, hukumat dushmanga qarshilik ko‘rsatmaslikni tavsiya qiladi. Ayollar erkakning uyga qaytishini xavotir bilan kutmoqda, lekin undan hech qanday xabar yo‘q. Shunda uzoq vaqtdan beri Azizaga yashirincha oshiq bo‘lgan va ularning er-xotinlik hayotini buzishni orzu qilgan kapitan Tevfik paydo bo‘ladi. Uning fikricha, hozir buning uchun eng qulay vaqt. Hammani hayratga soladigan narsa shuki, Jevdet endi dushman tomonida bo‘lib, uyga qaytadi.
“Muhtasham yuz yil”dan aktyorlar: Halit Ergench, Berguzar Korel, Boran Kuzum, Okan Yalabik, Hakan Salinmish.
- “Mening onam” (2016)
Melek ismli qizcha bolaligidan zo‘ravonlik nima ekanligini yaxshi biladi. Kichkina qiz o‘z onasi va uning sevgilisining salbiy taʼsiridan aziyat chekadi, lekin har safar yaxshilikka umid qiladi. Hatto eng dahshatli vaziyatda ham u yaxshi hayot haqida orzu qilishni to‘xtatmaydi. Bir payt uning orzulari ro‘yobga chiqadi: Melek Zaynab ismli mehribon o‘qituvchi bilan tanishadi. O‘qituvchisi qizaloqning qanday azob chekayotganini, och qolishini, ko‘kargan holda yurishini ko‘radi. O‘qituvchida onalik instinkti uyg‘onadi va jinoyatga qo‘l uradi, u qizchani o‘g‘irlab, yangidan baxtli hayot boshlashni istagan edi.
“Muhtasham yuz yil”dan aktyorlar: Vahide Perchin, Alize Go‘rdum, Aksen Erol, Jansu Dere.
- “Fi, Chi, Pi” (2017)
Jan Manay — muvaffaqiyatli karyera, teleko‘rsatuv, pedagogik faoliyat va go‘zal hayotga ega mashhur psixoterapevt. Ammo bir kuni u bir ko‘rishdayoq yosh talaba Duruga oshiq bo‘ladi. Janning barcha fikrlari endi faqat u haqida, u har qanday yo‘l bilan go‘zalning qalbini zabt etishi kerak deb hisoblaydi. Duru sanʼat akademiyasida o‘qiydi, Deniz ismli yosh bastakor bilan yashaydi. Go‘zal qizning ham Janga nisbatan hislari bor, lekin baxt sari yo‘lda yengib bo‘lmaydigan to‘siqlar paydo bo‘ladi.
“Muhtasham yuz yil”dan aktyorlar: Mehmet Gunsur, Berrak Tuzunatash, O‘zan Guven.
- “Sevgi. Aql. Qasos” (2021)
Esra ismli qizning ota-onasi kichik kafe egasi bo‘lib, ularning ishi yurishmayapti. Onasi qiziga doimo u kabi sevishib emas, balki aql bilan turmushga chiqishni maslahat beradi, chunki u qiyinchilik va qashshoqlikda yashamaslik uchun boy va kelajagi porloq erkakni tanlash kerak deb hisoblaydi. Ushbu nasihatlardan charchagan qizning o‘zi O‘zanga turmush qurishni taklif qiladi. Yigitni muvaffaqiyatli deb atash qiyin: u yaqindagina universitetni tamomlab, ish topgan, lekin Esraga telbalarcha oshiq. Oilaviy hayot yaxshi kechmaydi, qiz uni tark etadi va bir necha yil o‘tgach yana uni uchratib qoladi. Endi qiz ish izlayotgan, O‘zan esa uning ish beruvchisi, kompaniya egasi va mamlakatning eng boy odamlaridan biri bo‘lib chiqadi. Esra sobiq erining eʼtiborini qaytadan qozonish uchun har qanday makrni ishga solib ko‘radi.
“Muhtasham yuz yil”dan aktyorlar: Burju O‘zberk, Sebahat Kumash.
- “Afsona” (2021)
O‘rta Osiyo tog‘larida yashovchi Akkiz ismli qizning hikoyasi. Uning bolaligi juda og‘ir o‘tgan: u erta yetim qolgan, o‘zi uchun boshpana va oziq-ovqat topishga majbur bo‘lgan. Bularning barchasiga qizning otasini o‘ldirgan Alpagu xon aybdor edi. Qiz o‘zini himoya qilishni o‘rgandi va haqiqiy jangchiga aylandi. Bolaligida u otasi va qiyinchilikda o‘tgan hayoti uchun xondan qasos olishga o‘z-o‘ziga vaʼda bergandi. O‘shandan beri xonning boyliklarini o‘g‘irlab, kambag‘allarga tarqatib keladi. Mahalliy aholi unda haqiqiy himoyachi va jangchini ko‘radi, lekin bir lahzada hamma narsa o‘zgaradi: Akkiz o‘z dushmanining o‘g‘li bilan uchrashadi.
“Muhtasham yuz yil”dan aktyorlar: Selim Bayraktar.
- “Shisha ortidagi qiz” (2021)
Nalan ismli go‘zal qiz — iste’fodagi gubernator va o‘qituvchining yagona farzandi. Qizni muhabbat bilan tarbiyalashgan, lekin uning ota-onasi bu tuyg‘uni o‘ziga xos tarzda tushungan: otasi uni eʼzozlab, nozik guldek munosabatda bo‘lgan, onasi esa qizining ruhiyatini buzadigan juda ko‘p narsalar qilgan. Hatto voyaga yetgach ham, Nalan onasining mahkam qo‘llaridan qutulishga qodir emas edi. U doim tor korset kiyar va onasining so‘zlariga quloq solardi. Onasi hatto erkak haqidagi fikrni ham gunoh deb hisoblaydigan ayol edi. Va nihoyat, aʼlo taʼlim olgan qiz yirik kompaniyaga ishga joylashadi. Taqdir uni kompaniya egasining merosxo‘ri Sedat Koroglu bilan uchrashtiradi. Ota-onalarning kelishuvi asosida qurilayotgan nikoh yoshlar uchun baxt keltirmasligi aniq edi, chunki har ikkisining ham ko‘ngli boshqa insonlarda.
“Muhtasham yuz yil”dan aktyorlar: Burju Birijik, Selma Ergesh
Izoh (0)