44 yoshli yaponiyalik aktrisa Reko Hirosue avariya sodir bo‘lganidan keyin u borgan kasalxonadagi hamshiraga tan jarohati yetkazganlikda ayblanib, hibsga olindi.
Avtohalokat 7-aprel dushanba kuni kechqurun Shizuoka prefekturasining Shimada shahrida sodir bo‘lgan. Hirosue boshqargan yengil avtomobil Shin—Tomey tezkor avtomagistralida yuk mashinasining orqa qismiga urilgan. Aktrisa bilan birga mashinada uning menejeri bo‘lgan erkak ham bor edi. Aktrisa yengil jarohat olgan, yuk mashinasi haydovchisi esa jarohatlanmagan.
Politsiya maʼlumotlariga ko‘ra, hodisadan so‘ng aktrisani kasalxonaga olib borishgan va u yerda Reko 37 yoshli hamshirani bir necha marta urgan, unga baqirgan va qo‘lini tirnagan. Aktrisa hibsga olingan.
Aktrisaning rasmiy veb-saytida berilgan bayonotda, u avtohalokatdan so‘ng “vahima” holatida bo‘lganida hamshirani jarohatlagani aytilgan. Bundan tashqari, Hirosue vaqtinchalik aktyorlik faoliyatini to‘xtatishini eʼlon qildi.
-H_aIT65D.avif)
Politsiya aktrisaning o‘zini aybdor deb tan olganligini aytmadi. Tergov organlaridan olingan maʼlumotlarga ko‘ra, so‘roq paytida Hirosue bezovta holatda ko‘ringan, u ovozini balandlatgan va xonada yurgan, qonida spirtli ichimliklar izlari topilmagan.
-RJRIfIl-.avif)
Reko Hirosuega mashhurlikni Gerard Kravchikning Lyuk Besson ssenariysi asosida suratga olingan “Vasabi” filmidagi roli olib keldi, unda u Jan Reno bilan birga rol o‘ynagan.
Aktrisa, shuningdek, 2008-yilda “Eng yaxshi xorijiy tildagi film” nominatsiyasida “Oskar” mukofotiga sazovor bo‘lgan hamda “Uchib ketganlar” filmidagi roli bilan ham shuhrat qozongan.
Izoh (0)