Mashhurlik, boylik, butun dunyo bo‘ylab millionlab muxlislarga ega bo‘lish, hashamatli hayot va har qanday istakni amalga oshirish…Taniqli aktrisalarning hayotini ko‘pchilik aynan shunday tarzda tasavvur qiladi. Ammo ekranda porlab turgan yulduzning real hayoti ortida ko‘p mashaqqatlar bo‘ladi. Barcha insonlar kabi hayoti doim ham oson va hashamatli bo‘lmagan uch nafar turk aktrisalari haqida suhbat quramiz.
Melisa Do‘ngel
Melisa Do‘ngel 1999-yil 18-sentyabrda Istanbulda tug‘ilgan. “Qalbim eshigini qoq” serialidagi Jeren obrazini ijro etgan Melisa Dongel turk kinosini muvaffaqiyatli zabt etdi. Uning otasi turk, onasi slavyan bo‘lib, Do‘ngel rus madaniyatiga bo‘lgan muhabbatini doim namoyon qilgan. U “Eshigimni qoq” serialidagi rolidan so‘ng “Sevgi. Ong. Qasos”, “Dunyo va mening o‘rtamda”, “Sevgi taktikasi-2” kabi loyihalarda bosh rollarni ijro etgan.
Melisa hech qachon bolaligi haqida gapirishni yoqtirmas edi, faqat vaqti-vaqti bilan ularning uyida rus xalqi milliy taomlari ko‘p tayyorlanishi va ayniqsa olivye salatini yaxshi ko‘rishini aytgan edi. Uzoq vaqt davomida Do‘ngelning muxlislari uning qanday bolalikni boshdan kechirganini bilishmagan.
2021-yilda Melisa 15 yoshidan beri otasi tomonidan muntazam ravishda tahqirlangani va jinsiy tajovuzga uchragani haqidagi bayonoti bilan jamoatchilikni hayratda qoldirdi. Aktrisaning onasi bu haqda doim bilgan, lekin qizi shunchaki yolg‘on gapirayotganiga barchani ishontirgan. Voyaga yetgach, Do‘ngel otasining ustidan politsiyaga shikoyat qildi va tergovdan so‘ng, ayblanuvchi uzoq muddatga qamoq jazosiga hukm qilindi.
Bundan to‘rt yil avval esa aktrisa o‘zining Elif ismli singlisiga vasiylik qilish uchun uchun ariza berdi. Bu vaqtga kelib, Melisaning onasi Natalya Orlova Sevastopolga ko‘chib ketdi va ixtiyoriy ravishda ota-onalik huquqidan voz kechdi. Ayol bu qilmishini qizlarini yolg‘iz tarbiyalashning iloji yo‘qligi bilan izohladi.\
Bugungi kunda Melisa Do‘ngel shaxsiy hayotini ochiqlamaydi. Aktrisa hali turmushga chiqmagan.
Neslihan Atagul
Neslihan Atagul 1992-yil 20-avgustda Istanbulda tug‘ilgan, lekin uni haqiqiy turk ayoli deyish biroz noto‘g‘ri. Aktrisaning onasi belorus, otasi esa cherkas. Ko‘pchilik qon aralashganligi sababli Atagulning shunday jozibali ko‘rinishga ega deb hisoblaydi. U oilada ikkinchi farzand bo‘lib, hozirda akasi hamda onasi bilan aloqalarni uzgan. Ammo turmush qurishdan avval va turmushning birinchi yillarida aktrisa onasining hayotidagi eng yaqin va eng yaxshi do‘sti ekanligini bir necha bor ta’kidlagan edi.
2012 yilda “Istanbulning ikki yuzi” serialining suratga olish maydonchasida aktrisa syujetga ko‘ra qahramoni oshiq bo‘lgan Kadir Do‘g‘ulu bilan tanishadi. Natijada haqiqiy hayotda ham aktyorlar bir-biriga nisbatan nozik his-tuyg‘ularni boshdan kechiradi. To‘rt yil o‘tgach, aktyorlar turmush qurishdi, ammo keyingi bir necha yil davomida Neslihanning hayoti ayrim turk muxbirlari va muxlislar tufayli do‘zaxga aylandi.
Ommaviy axborot vositalarida Do‘g‘uluning taqiqlangan diniy sektalarga a’zo ekanligi va ko‘pxotinliligi iddao qilindi. Go‘yoki u turmush o‘rtog‘i Neslihanni muntazam ravishda aldashi, uni ko‘plab muvaffaqiyatli loyihalarda ishtirok etishini taqiqlab qo‘ygani, do‘stlari va hamkasblaridan ajratib qo‘ygani va ayolining har bir qadamini nazorat qilishi haqida ma’lumotlar paydo bo‘la boshladi.
So‘nggi voqealar fonida turk ommaviy axborot vositalarida Kadir Do‘g‘uluning “Sevgi ta’rifi” serialidagi hamkasbi Serra Ariturk bilan birga tushgan videosi e’lon qilindi. Mashhurlarning yonma-yon o‘tirgani aks etgan video jamoatchilik orasida rezonans paydo bo‘lishiga sabab bo‘ldi.
Shundan keyin OAV vakillari Serra, Kadir va Neslihandan izoh olishga uringan, ammo aktrisalar javob berishdan bosh tortgan. Aktyor esa Neslihan haqidagi savolga quyidagicha javob bergan: “Hammasi yaxshi, Neslihan uyda. Tongda men uchun ajoyib nonushta tayyorladi, bizda hammasi joyida”.
Shundan beri Neslihandan uning shaxsiy hayoti haqida so‘ralganda, u qisqacha: “Hammasi ajoyib!” deb javob beradi. Ammo aktrisaning muxlislari Kadir shunchaki rafiqasini o‘z qoidalari bilan yashashga majbur qilganida ayblashdi.
Shunga o‘xshash xabarlar Turkiya ijtimoiy tarmoqlarida doimiy ravishda paydo bo‘ladi, ammo yulduzli juftlik buni hech qachon tasdiqlamaydi.
Nebahat Chehre
“Muhtasham yuz yil” serialida Ayshe Hafsa — sulton volidasi rolini ijro etgan 80 yoshli turk aktrisasi ulug‘ yoshga yetsa ham doimo go‘zal ko‘rinishda. 1962-yilda debyut qilgan aktrisa faoliyati davomida yuzlab muvaffaqiyatli loyihalarda ishtirok etishga muvaffaq bo‘ldi. Turk aktrisasi ishtirokidagi eng mashhur loyihalar ichida “Taqiqlangan sevgi”, “Muhtasham yuz yil”, “Iyun kechasi” kabilar ajralib turadi.
Chehre nomi turk kinosining barcha muxlislariga yaxshi ma’lum bo‘lsa-da, bunday mashhurlik uchun aktrisa juda katta badal to‘lashga majbur bo‘lgan.
15 yoshida Nebahat o‘gay otasi bilan chiqisha olmagani uchun uyini tark etdi. Sakkiz yil o‘tgach, u taniqli turk rejissyori Yilmaz Gunayga turmushga chiqdi. Ammo bir yil ichida er-xotin ajrashishdi. Oilaviy hayot Chehre turmush o‘rtog‘ining qorong‘i tomonlarini ochib bergan edi: u muntazam ravishda rafiqasiga qo‘l ko‘tarar, doim rashk qilar va yangi loyihalarda suratga tushishni taqiqlar edi.
1976-yilda Chehre ikkinchi marta turmushga chiqdi. Bu safar u basketbolchi Yavuz Demir uchun aktrisalik faoliyatini tugatdi va o‘zini butunlay oilasiga bag‘ishladi. Ammo Demirga bu yetarli emas edi. U ham muntazam ravishda aktrisani kaltaklar va hatto uning hamrohligisiz uydan chiqib ketishni taqiqlar edi. Uch yil davom etgan bu nikoh ham uzildi, so‘ng Nebahat kinoga qaytishga qaror qildi.
Karyerasida 10 yil tanaffus qilgan Chehre uchun kuchli raqobatchilarga to‘la shou-biznes olamini zabt etish murakkab kechdi, ammo u o‘z mehnati, matonati va g‘alabaga bo‘lgan ishonchi tufayli yoshlardan kam bo‘lmagan holda turk kino va seriallari yulduziga aylandi. Aktrisa boshqa turmush qurmadi va farzandlari ham yo‘q.
Izoh (0)