Bugungi kunda turk seriallari butun dunyo bo‘ylab yuksak hurmatga sazovor. Turk filmlarini millionlab odamlar tomosha qiladi va dizi ixlosmandlari soni yildan yilga ortib bormoqda.
Bugun biz mashhur filmlarda eng yaxshi obrazlarni gavdalantirgan turk aktyorlarning ota-onalari bilan yaqindan tanishishga qaror qildik.
Hande Erchel
“Qalbim eshigini qoq” seriali yulduzi Hande Erchelning otasi Kaya Erchel maishiy texnika savdosi bilan shug‘ullangan, onasi Aylin esa uy bekasi bo‘lgan. Hande Erchelning Gamze ismli opasi bor, u o‘zidan atigi bir yosh katta.
Afsuski, aktrisa 2019-yilda onasidan ayrildi. Bu judolik oila uchun kuchli zarba bo‘ldi. Handening onasi doim farzandlari tarbiyasi va ro‘zg‘or yumushlari bilan band bo‘lgan va qizlarining qiziqishlarini doimo qo‘llab-quvvatlagan.
Taro Emir Tekin
“Bevafo” seriali chiqqandan keyin dunyo miqyosida shuhrat qozongan va “Qo‘rg‘on sirlari”dagi roli mashhurligini sezilarli darajada oshirgan Taro Emir Tekin mashhur turk aktrisasi Shevval Semning o‘g‘li. Uning otasi Metin Tekin futbolchi bo‘lgan. Aktyor ijtimoiy tarmoqlarda ota-onasi bilan tushgan fotosuratlarini bo‘lishib turadi.
Afra Saracho‘g‘lu
“Qo‘rg‘on sirlari” serialida Seyran rolini o‘ynagan Afra Saracho‘g‘luning ota-onasi yoshligida ajrashib ketgan, shuning uchun u faqat onasining qaramog‘i ostida voyaga yetgan. Uning otasi hech qachon qizi bilan yaxshi munosabatlar o‘rnatishga harakat qilmagan. Lutfiye Saracho‘g‘lu qizining bolalikdan aktrisa bo‘lish istagini amalga oshirgan. U ijtimoiy tarmoqlardagi yangi serial kastingi bo‘yicha e’lonni ko‘rib qolgan va Afraning kino olamiga kirib kelishiga sabab bo‘lgan.
Kerem Bursin
“Qalbim eshigini qoq” seriali yulduzi Kerem Bursinning onasi Chigdem uy bekasi bo‘lib, o‘g‘li va Keremning singlisi Melis tarbiyasi bilan band bo‘lgan. Otasi Ibrohim Pomir tadbirkor, xalqaro neft kompaniyasining rahbari lavozimida ishlab kelmoqda. Tashqi jihatdan ko‘pchilik aktyorni aynan otasiga o‘xshatadi.
Mert Ramazon Demir
“Qo‘rg‘on sirlari” yulduzi Mert Ramazon Demir ko‘p farzandli oilada tug‘ilgan. Mertning to‘rt akasi va singlisi bor, lekin uning oilasi omma e’tiboridan chetroqda turishni afzal ko‘radi. Aktyorning otasi Abdujalil Demir hunarmand va savdogarlik bilan shug‘ullanadi. Onasi Deriya uy bekasidir.
Burak O‘zchivit
“Sevgi iztirobi”, “Choliqushi” seriallari yulduzi Burak O‘zchivitning otasi Jeyhan O‘zchivit restoran biznesining egasi. U barcha otalar singari o‘g‘lining oilaviy biznesni davom ettirishini istagan, ammo Burak butunlay o‘zga taqdirni tanladi va shou-biznesga modellik orqali kirib keldi.
Aktyorning bolaligi Mersin shahrida o‘tgan. Uning onasi Jeyhan O‘zchivit uy bekasi bo‘lib, ikki farzandi — Burak va uning singlisi Burchin tarbiyasi bilan shug‘ullandi.
Melisa Dongel
“Qalbim eshigini qoq” serialidagi Jeren obrazini ijro etgan Melisa Dongel turk kinosini muvaffaqiyatli zabt etdi. Uning onasi rus millatiga mansub bo‘lib, Natalya Orlova uzoq yillar davomida Sevastopolda yashab kelgan. Aktrisa otasi haqida hech qanday ma’lumot bermagan.
Izoh (0)