Kundan kunga seriallari ommalashishda davom etmoqda. Ma’lum bo‘lishicha, aktyorlar gavdalantirayotgan turli obrazlar ularga begona emas: taniqli turk aktyorlarining ko‘plari bir vaqtlar o‘z qahramonlari o‘rnida bo‘lgan.
Demet O‘zdemir
Demet O‘zdemirning otasi oilasini tashlab ketgandan so‘ng — u va onasiga raqqosa bo‘lgan opasi g‘amxo‘rlik qilgan. Bu ish yaxshi daromad keltirgani bois bo‘lajak aktrisa ham xuddi shu yo‘ldan borishga majbur bo‘ladi. Ko‘p mehnat qilib, Demet avval mashhur qo‘shiqchining raqs guruhiga, so‘ngra basketbol klubining qo‘llab-quvvatlash jamoasiga kiradi va keyinroq klipda suratga tushadi. Aynan o‘sha paytda qiz yaqinlarining maslahati bilan aktyorlik san’atini o‘rganishni boshlaydi.
Sa’y-harakatlari o‘z natijasini beradi: Demet 20 yoshida Turkiya aviakompaniyasi reklamasida suratga tushgach, tez orada yirik kosmetika brendlari bilan shartnomalar imzolaydi. Aktrisaning birinchi katta loyihasi “Senga sirni ochaman” seriali bo‘lsa-da, biroq unga haqiqiy mashhurlikni “Qulupnay hidi” serialidagi roli olib keladi. Demetning muxlislari “Sen tug‘ilgan uy — sening taqdiring” seriali ortidan yanada ko‘payadi.
Burak O‘zchivit
Burak O‘zchivitning ekranga bo‘lgan muhabbati bolaligidayoq namoyon bo‘lgan: u multfilmlarni tomosha qilishni va o‘zini qahramonlar o‘rnida ko‘rishni yaxshi ko‘rardi. Garchi otasi o‘g‘lining o‘zi kabi oilaviy restoranda ishlashidan umidvor bo‘lsa-da, yigit tashqi ko‘rinish tufayli omadi kelganini erta tushunadi va bundan foydalanishga qaror qiladi.
17 yoshida u allaqachon modellik agentligi bilan shartnoma tuzgan va mamlakatning eng kelishgan erkak unvoniga sazovor bo‘lgandi. Biroq Burakning maqsadi aktyorlik karyerasi edi. Universitetni bitirgach, kinoda ham mashhur bo‘la boshlaydi, ammo “Muhtasham yuz yil” seriali chiqqandan so‘ng haqiqiy muvaffaqiyatga erishadi. Keyinchalik Burak “Choliqushi” filmida ham rol o‘ynab, u yerda bo‘lajak rafiqasini uchratadi.
Hande Erchel
Hande kichkina shaharchada tug‘ilgan. Istanbulga kelgach, qiz modellik sabab universitetni tashlab ketadi. Go‘zallik tanlovlaridagi g‘alabalar Handega katta yordam beradi — u bir vaqtning o‘zida kinoda suratga tushgan yirik fransuz brendining yuziga aylanadi. Aktrisa “Qalbim eshigini qoq” serialidagi ishtiroki bilan dunyoga mashhur bo‘ladi.
Hande suratga olish maydonchasidagi partnyori Kerem Bursin bilan uzoq vaqt munosabatda bo‘lgan. Aktrisa bir necha bor dramatik rollarda o‘zini sinab ko‘rish istagini bildirgan, masalan, “Qora oqqush” filmida Natali Portman bilan birga o‘ynashni xohlagan. Shu bilan birga, u hayotda quvnoq, xayriya faoliyati bilan shug‘ullanadi va ko‘p sayohat qiladi.
Kerem Bursin
Kerem noodatiy sharoitda o‘sgan: otasining ishi tufayli oila tez-tez ko‘chib yurgan va Bursinlar AQShga joylashgunga qadar bola Shotlandiya, Indoneziya va Shvetsiyada yashagan. Maktab yoshidayoq u teatr to‘garagiga qatnay boshlaydi va hatto o‘zining rok-guruhini tuzadi, ammo otasi o‘g‘lining o‘z ishini - neft biznesini davom ettirishini xohlardi. Marketolog sifatida o‘qishni boshlagan yigit baribir Gollivudni orzu qiladi va onasining yordami bilan aktyorlik fakultetiga o‘qishga kiradi.
Karim aktyor sifatida tan olinguncha haydovchi, ofitsiant va hatto farrosh bo‘lib ishlaydi. Tez orada u o‘z vatanida ko‘proq narsaga erisha olishini tushunadi va tasodif aktyorga turk serialida rol o‘ynashga yordam beradi. Uning ortidan boshqa loyihalar boshlanadi, ammo Keremga olamshumul mashhurlikni “Qalbim eshigini qoq” seriali olib keladi.
Afra Saracho‘g‘li
Turkiya kinosining o‘sib kelayotgan yulduzi Afra Saracho‘g‘li ko‘plab hamkasblari kabi o‘z faoliyatini model sifatida boshlagan. Otasi ularni tashlab ketgan, onasi esa bir nechta joyda ishlashga majbur bo‘lgan, shuning uchun qiz o‘zi haqida o‘zi g‘amxo‘rlik qilishi kerakligini erta anglagan. 14 yoshida Afra birinchi modellik shartnomasini tuzadi va pul ishlay boshlaydi, lekin ich-ichidan aktrisa bo‘lishni orzu qiladi.
Bolaligidayoq u xuddi kinodagidek ssenariylar yozishni, kostyumlar o‘ylab topishni va rollar ijro etishni yaxshi ko‘rardi. “Ikkinchi imkoniyat” filmida rol o‘ynash haqidagi kutilmagan taklif qiz uchun orzu sari tashlangan ilk qadam bo‘ladi. Undan keyin Afra yana bir nechta loyihalarda ishtirok etadi, ammo haqiqiy muvaffaqiyatga “Qo‘rg‘on sirlari” serialidagi bosh rol tufayli erishadi.
Mert Ramazon Demir
Mert Ramazon Demir — Istanbul yaqinidagi kichik bir qishloqdan kelgan yosh aktyor. Ko‘p bolali oilaning eng kichigi bo‘lgan bola ko‘p vaqtini akalari bilan o‘tkazgan, sportga qiziqqan va hatto futbolchi bo‘lishni ham rejalashtirgan. Biroq 17 yoshida “Hamlet”ni o‘qib, o‘zini Daniya shahzodasi sifatida ko‘rsatishga harakat qilayotganini anglaydi. Aynan o‘shanda u aktyor bo‘lishni xohlayotganini tushunadi va bu san’atni o‘rganishni boshlaydi.
Ko‘p o‘tmay, Mert filmda epizodik rol o‘ynaydi. Undan keyin yana bir nechta loyihalarda ishtirok etadi va 2022-yilda bosh qahramon rolini o‘ynagan “Qo‘rg‘on sirlari” seriali ekranlarga chiqadi. Hayotda u juda tortinchoq. Asosiy qiziqishi, albatta, kino, ayniqsa, Tarkovskiyning filmlarini yoqtiradi.
Jan Yaman
Jan Yaman hamkasblaridan farqli o‘laroq, kino sanoatiga tezda kirib kelmagan. U maktabni a’lo baholar bilan tugatib, universitetda o‘qiydi va advokat bo‘lib ishlay boshlaydi. Eng yaqin do‘sti uning iste’dodiga e’tibor qaratmaguncha, u hobbi sifatida aktyorlik mahorat kurslariga borib yurgan. Shunda Jan o‘z hayotini o‘zgartirishga qaror qiladi va bir nechta ikkinchi darajali rollardan so‘ng unga jiddiyroq takliflar kela boshlaydi.
“Janob Xato” seriali chiqqandan so‘ng aktyor haqiqiy mashhurlikka erishadi. Kinodagi karyerasiga qaramay, u birinchi kasbini tark etmaydi va hozirda yuridik firmaning hammuassisi. Bundan tashqari, Jan gitara va pianino chalishni yaxshi ko‘radi va yaqinda hatto “Ovoz” shousida ishtirok etdi.
Maryam Uzerli
Yarim turk Maryam Germaniyada ko‘p bolali oilada tug‘ilgan. 5 yoshida qizni ota-onasining do‘sti spektaklda ishtirok etish uchun teatrga olib borishadi. Keyinchalik Maryam Gamburgdagi nufuzli teatr maktabiga o‘qishga kiradi. O‘qishni tugatgandan so‘ng, qiz spektakllarda o‘ynashda davom etib, nemis filmlariga takliflar ola boshlaydi.
Bir kuni dugonasi qo‘ng‘iroq qilib, turk loyihasida rol o‘ynashni taklif qiladi — shu tariqa Maryam uni mashhur qilgan “Muhtasham yuz yil” serialida ishtirok etadi. Aktrisa, shuningdek, kosmetika brendining yuzi bo‘lib, yaqinda do‘konlar va kafelar tarmog‘ini ham ochdi.
Barish Ardush
Garchi Barish turk aktyori bo‘lsa-da, u Shveysariyada tug‘ilgan, ota-onasi esa alban millatiga mansub. Bolaligida u paxlava sotuvchi bo‘lishni orzu qilgan, ammo katta bo‘lgach, sportga: futbol, suzish va basketbolga qiziqib qolgan. Biroq sport akademiyasida bir yil o‘qigan Barish bu orzusidagi ish emasligini tushunadi va konservatoriyaning aktyorlik bo‘limiga o‘qishga kiradi.
Yosh yigitning karyerasi teatrda boshlangan, ammo u tezda kinorejissyorlarning e’tiborini tortadi va rol o‘ynay boshlaydi. Barishning mashhurligi Elchin Sangu bilan birga “Ijaraga olingan sevgi” filmida ishtirok etadi. Keyin esa “Quzg‘un” serialida rol o‘ynaydi. Suratga tushishdan tashqari, u akasi bilan birga aksessuarlar do‘konini ochib, biznes bilan faol shug‘ullanadi.
Izoh (0)