Turk seriallarining mashhur aktrisalari ekranlarda o‘zining jozibasi va iste’dodi bilan millionlab tomoshabinlarni maftun etgan. Biroq ularning ko‘rkam qiyofasi va muvaffaqiyatiga sababchi bo‘lgan insonlar — ota-onalari haqida ko‘p gapirilmaydi. Ushbu maqolada turk kinosining mashhur yulduzlari ortida turgan ota-onalar haqida ma’lumot beramiz.
- Kerem Alishik
“Bir vaqtlar Chukurovada” serialida Ali Rahmet Fekeli rolini o‘ynagan Kerem Alishik oilasini juda yaxshi ko‘radi va ular haqida ijtimoiy tarmoqlarda tez-tez e’tirof etadi. Aktyorning sahifasi ota-onasi bilan tushgan suratlarga va ular tomonidan berilgan hayot uchun minnatdorlik izhor qilingan postlarga to‘la. Kerem Alishik ota-onasidan nafaqat ko‘rkam qiyofani, balki shubhasiz iste’dodni ham meros qilib olgan.
Keremning otasi Sadri Alishik teatr va kino aktyori bo‘lib, 140 dan ortiq filmlarda rol o‘ynagan. U 1925-yil 5-aprelda tug‘ilgan. Maktab davridayoq teatr spektakllarida o‘ynagan. U 1946-yilda kinoda debyut qilgan va ijodiy faoliyati davomida komediyalarda, tarixiy va kriminal filmlarda ishtirok etgan. 1980-yildan boshlab u teleseriallarda ham rol o‘ynay boshlaydi. Sadri Alishik 1995-yil 18-martda vafot etgan, hozirda xususiy teatr va madaniyat markazi uning nomi bilan ataladi.
- Fahriye Evjen O‘zchivit
“Choliqushi” (2013) va “Cheksiz sevgi” filmlarining go‘zal yulduzi bolaligida murakkab davrlarni boshidan o‘tkazgan. Uning otasi Ramazon Evjen Gretsiyadan Germaniyaga ko‘chgan turk muhojiri, onasi esa cherkes millatiga mansub ayol edi.
90-yillarda Germaniyada neofashistlar migrantlarga qarshi shafqatsiz munosabatda bo‘lishgan. Bir kuni yosh Fahriye ko‘z o‘ngida jinoyatchilar uylarini yoqib yuborishgan va besh kishi halok bo‘lgan. Uning oilasi esa omon qolgan.
Ramazon Evjen 2020-yilda onkologik kasallik tufayli vafot etgan.
- Kerem Bursin
“Qalbim eshigini qoq” romantik komediyasi ekranlarga chiqqach, aktyor jahon miqyosida tanildi. Bugungi kunda u jangari film qahramonlaridan tortib maftunkor sevgi qahramonlarigacha bo‘lgan turli xil rollarni ijro etmoqda. Kerem Bursin bolaligida oilasi bilan juda ko‘p joylarga ko‘chib yurgan. Uning otasi Ibrohim Pamir xalqaro neft kompaniyasini boshqargan tadbirkor bo‘lsa, onasi Chig‘dem uy bekasi va ijtimoiy faol ayollardan edi.
Kerem aktyor bo‘lish niyatida ekanligini aytganda, onasi uni qo‘llab-quvvatlagan, faqatgina o‘g‘lidan arzon va qo‘rqinchli filmlarda rol o‘ynamaslik talabini qo‘ygan. Ota esa bu kasbga qarshi bo‘lgan. Ammo Kerem o‘z yo‘lini tanlab, AQShda karyerasini faoliyat boshladi va keyinchalik tasodifan taniqli turk agenti bilan uchrashib, aynan Turkiyada mashhurlikka erishdi.
- Maryam Uzerli
“Muhtasham yuz yil” seriali orqali dunyo bo‘ylab mashhurlikka erishgan aktrisa G‘arbiy Germaniyaning Kassel shahrida tug‘ilgan. Uning otasi Xuseyn turk, onasi Ursula esa nemis millatiga mansub.
Ursula onkologik kasallikka chalinib, uzoq vaqt hayot uchun kurashgan. O‘sha paytlarda yosh Maryam asosiy vaqtini maktab va shifoxona o‘rtasida qatnab o‘tkazgan. U doimo onasining yonida bo‘lishga harakat qilgan va natijada Ursula kasallikni yenga olgan.
Aktrisaning o‘ziga xos yorqin tashqi ko‘rinishiga sababchi sifatida aynan turk-nemis genlari tufayli, deb hisoblashadi.
- Birje Akalay
“Oq-qora muhabbat” va “Samoviy sevgi” seriallari yulduzi Istanbuldagi oilada, yagona farzand sifatida dunyoga kelgan. Uning otasi Serjan texnika sohasida muvaffaqiyatli tadbirkor, onasi Yosamin esa siyosat va san’atga qiziqqan uy bekasi edi.
Aktrisaning ta’kidlashicha, ota-onasi unga barcha ishlarda yelkadosh bo‘lgan hamda qizining har bir yangi qarorini qo‘llab-quvvatlagan. Ular Birjening fikrini doim inobatga olishgan. Aktrisa ijtimoiy tarmoqlarda ota-onasiga nisbatan chiroyli hamda samimiy so‘zlar yozishdan to‘xtamaydi. U Otasi Serjaning tug‘ilgan kunida shunday deb yozgan:
“Siz menga hayot qiyinchiliklarida, qo‘rquvga to‘la tunnellarida va shiddatli bo‘ronlarda yolg‘iz holda ham omon qolishni o‘rgatdingiz. Sizning sharofatingiz bilan men gullar ekishni, miltiq ushlashni va vintni burashni bilaman. O‘z qo‘llaringiz bilan barpo etgan xonadon, menga qoldirgan boylik hamda chuqur falsafa uchun sizdan juda minnatdorman. Shu sababli o‘z hayotimni siz uchun bag‘ishlayman” deya post qoldirgan edi aktrisa.
- Hande Erchel
“Qalbim eshigini qoq”, “Malikam, endi qara” seriallarida bosh rolni o‘ynagan Hande Erchel 1993-yilning 24-noyabrida Bandirma shahrida tug‘ilgan. Ota-onasi oddiy hayot kechirgan: otasi savdo bilan shug‘ullangan, onasi esa uy bekasi bo‘lgan. Handening Gamze ismli opasi bor. Ular bir yil farq bilan tug‘ilganligi uchun bolalikda ko‘pincha o‘zlarini egizak deb tanishtirardi.
Handening otasi Kayya Erchel maishiy texnika savdosi bilan shug‘ullangan, onasi Aylin esa uy bekasi bo‘lgan va qizlarining tarbiyasi bilan band bo‘lgan. Hande oilaning kenjasi bo‘lib, har doim opasi Gamzening izidan yurgan. Kayya qizini tibbiyot yo‘nalishida o‘qishini istagan, ammo Hande tasviriy san’at universitetiga kirgan va bir vaqtda aktrisalik faoliyatini boshlagan. Afsuski, onasi Aylin 2019-yilda saraton tufayli vafot etgan. Hande onasining xotirasiga bag‘ishlab har yili xotira postlarini yozadi.
- Taro Emir Tekin
“Qo‘rg‘in sirlari” dagi Kaya obrazi hamda va “Bevafo” seriallari bilan mashhur bo‘lgan Emir Tekin san’atkorlar oilasida tug‘ilgan. Uning onasi Shevval Sam taniqli aktrisa va xonanda, otasi Metin Tekin esa futbolchi edi.
Taro Emir ota kasbni tanlab, futbolchi yo‘nalishida faoliyat yuritishni istagan, biroq teatr sohasiga qiziqib qolgach, aktyorlik faoliyatini tanlagan. U onasidan doimiy tanqid va maslahatlar olishiga qaramay, volidasidan doim minnatdor bo‘lgan. Aktyor oilasi haqida shunday deydi:
“Men oilam bilan qalban juda yaqinman. Odatda, har qanday masalada ular bilan maslahatlashaman. Meni tushunadigan va men tanlagan yo‘ldan birgalikda o‘tgan ota-onam borligidan juda baxtiyorman”.
Izoh (0)