Yil oxiri — sarhisob uchun eng yaxshi vaqt. 2024-yilda o‘nlab yangi turk seriallari chiqdi, ularning ba’zilari ko‘p o‘tmay tugatildi, boshqalari esa reyting jadvalida yuqoriga ko‘tarildi.
“Bahor”
2024-yil bahor mavsumining eng reytingi yuqori seriali bosh qahramon — ona va uy bekasi bo‘lgan Bahor haqida hikoya qiladi, xavfli kasallikka chalingandan so‘ng uning odatiy hayoti boshdan-oyoq o‘zgaradi.
Kasallikni yenggandan so‘ng, u 20 yil oldin voz kechishga majbur bo‘lgan tibbiy stajirovkani yakunlash uchun qaytib keladi, bu uning eri, bosh jarroh rahbarligida ishlashni anglatadi.
Serialda bosh rollarni iste’dodli aktyorlar — Demet Evgar, Bugra Gulsaya va Mehmet Yilmaz Ak ijro etishadi.
“Yovvoyi”
Bolaligi ko‘chada o‘tgan Yaman Ali ulg‘aygach kutilmaganda boy oila merosxo‘ri ekanligini bilib qoladi. Faqat boy qarindoshlari uni oilaga qabul qilishdan mamnun emas. Barcha qiyinchiliklariga qaramay, Yaman qalbini toza saqlashga va uni o‘rab turgan zulmatga hech qachon bo‘ysunmaslikka muvaffaq bo‘ladi.
Bosh rolni 30 yoshli aktyor Xalit O‘zgur Sara ijro etgan, birinchi mavsumda Simay Barlas bosh ayol rolini o‘ynaydi.
“Tosh, qaychi, qog‘oz”
Serialda hayoti haqida juda ko‘p ma’lumotlarni eslab qolish va qayta tiklash qobiliyatiga ega bo‘lgan yosh yigit Umut Tanrikuluning hayoti haqida hikoya qilinadi.
Uning holati hayotining har bir lahzasidagi har bir tafsilotni eslab qolish imkonini beradi. Umutning hayoti otasi Riza qotillikda ayblanganida fojiali tus oladi va u Alsgeymer kasalligiga qarshi kurashi tufayli o‘zini himoya qila olmaydi. Jasorat va qat’iyatni namoyon etgan Umut yuridik fakultet talabasi Alev va sirli huquqshunos Horun bilan birga adolatni izlashga otlanadi, qudratli va shafqatsiz dushmanlarga qarshi urush olib borib, oilaning so‘nggi a’zosini qutqaradi.
“Alvon g‘unchalar”
O‘zjon Deniz va O‘zg‘u Namal ishtirokidagi qiziqarli melodrama. Birinchi qism chiqishidan oldin ham serial atrofida ko‘plab muhokamalar bo‘lgan, syujet so‘fiylik mazhabi mavzusiga tegishli bo‘lib, bu cheksiz bahs-munozaralarga sabab bo‘lishi mumkin edi. Ammo serial katta auditoriyani jalb qilishga va yaxshi reytinglarga ega bo‘lishga muvaffaq bo‘ldi.
Shuningdek, loyiha tufayli turdizining yangi yulduzi — Mina Demirtash tanildi. Yosh aktrisa bor-yo‘g‘i 19 yoshda, ammo u allaqachon sezilarli muvaffaqiyatlarga erishmoqda.
Albatta, bu loyihaning muvaffaqiyatiga Mert Yazijio‘g‘luning qo‘shgan hissani ta’kidlash joiz. Uning aktyorlik ijrosi allaqachon tomoshabinlar va tanqidchilar tomonidan munosib baholandi, dekabr oyi boshida u “Oltin kapalak” mukofotiga sazovor bo‘ldi.
“Marvarid donalari”
Hazar Erguchlu bosh rolni ijro etgan yuqori reytingli seriallardan biri “Oltin kapalak” marosimida “Eng yaxshi serial 2024” nominatsiyasida mukofotga sazovor bo‘ldi.
Syujetga ko‘ra, Azem o‘qituvchi va baxtli oila egasi, ammo u xotinini o‘ldirishda ayblanadi. Azem aybdor emas, ammo hukm e’lon qilingan va u 10 yillik jazoni o‘tashga majbur. Qamoqdan chiqqandan so‘ng uning yagona maqsadi — bolalar bilan birlashish, ammo ular allaqachon boshqa oilalarda yashashadi. Bir kuni Azem raqqosa Dilber bilan tanishadi va kutilmaganda yosh qiz uni sevib qoladi.
“Daho”
Tomoshabinlar Aras Bulut Iynemlining ekranlarga qaytishini intiqlik bilan kutishgan edi, shuning uchun “Daho” dramasi birinchi seriyadanoq reytinglarda ajoyib natija ko‘rsatishga muvaffaq bo‘ldi.
Melodrama o‘tmish haqida hikoya qilinadi, unda ota va o‘g‘il diqqat markazida bo‘ladi. Biri yaxshilik, ikkinchisi yovuzlik dahosi. Ular o‘rtasidagi qarama-qarshilik allaqachon boshlangan.
“Leyla”
Bosh rolni Jemra Baysel ijro etgan “Leyla” melodramasi tomoshabinlarning e’tiborini darhol o‘ziga tortdi. Yosh qiz Laylo bolaligida dahshatli fojiani boshidan kechirgan, otasidan judo bo‘lgan. Qiz taqdir sinovlarini yengib o‘tadi, endi u Ela ismli yosh oshpaz. Lekin u o‘tmishini unutmaydi, uning qalbida o‘ch olish istagi bor. Serialda bosh rollarni Jemre Baysel va Alperen Duymas ijro etadi.
“Olisdagi shahar”
Syujetga ko‘ra, Alya Albora eri vafotidan keyin 6 yoshli o‘g‘li bilan yolg‘iz qoladi. Sirli sabablarga ko‘ra eri hech qachon oilasi haqida gapirmasdi. Alya qarindoshlarining tashqi qiyofasini va nima bilan shug‘ullanishini bilmaydi. Ammo tez orada u ko‘p narsalarni bilib oladi, chunki erining xohishi bilan uni ona yurtiga dafn etishadi. Alya Mardenga uchib kelganida, u Alborlar oilasining qora ishlaridan xabardor bo‘ladi. Jihan bilan uchrashuv esa uning hayotini o‘zgartirib yuboradi.
Ozan Akbaba va Sinem Yunsal sevgi va oilaviy munosabatlar haqidagi serialda bosh rollarni ijro etishgan.
Izoh (0)