So‘nggi paytlarda turk aktrisalari haqiqiy xalqaro yulduzlarga aylanib bormoqda. Ularni dunyoning turli burchaklaridan muxlislar taniydi, sevadi va kuzatadi.
Ushbu ro‘yxatda allaqachon o‘zini namoyon qilishga ulgurgan va o‘z iste’dodi bilan tomoshabinlarni xursand qilishda davom etayotgan Turkiyaning go‘zal va istiqbolli aktrisalarini ko‘rasiz.
Afra Sarachog‘lu
Afra Sarachog‘lu so‘nggi yillarda turk kinosining eng yorqin yulduzlaridan biriga aylandi. Yoshi atigi 27 da bo‘lishiga qaramay, u allaqachon “Fazilat xonim va uning qizlari” hamda “Yeshilcham” kabi mashhur seriallarda rol ijro etishga ulgurgan. Afra o‘zining tabiiy go‘zalligi va noyob aktyorlik iste’dodi bilan ajralib turadi. Bu xususiyatlari unga ham tomoshabinlar, ham tanqidchilarning maqtovlariga sazovor bo‘lish imkonini bermoqda.
Uning karyerasidagi haqiqiy burilish “Qo‘rg‘on sirlari” serialidagi Seyran roli bilan yuz berdi. Bu kultga aylangan loyiha haqiqiy shov-shuvga sabab bo‘ldi va Afra Sarachog‘lu dunyo miqyosida tanildi. 2025-yilda serial yakuniga yetmoqda va muxlislar aktrisaning yangi loyihalarini sabrsizlik bilan kutishmoqda. Afra nafaqat iste’dodli aktrisa, balki kinoda karyera qilishni orzu qilayotgan ko‘plab yosh qizlar uchun namuna hamdir.
Su Burju Jo‘shqun
Su Burju Jo‘shqun — turk seriallari orqali tez orada shuhrat qozongan yana bir iste’dodli aktrisa. Uning dastlabki yorqin rollaridan biri “Qizil xona” serialidagi ishi bo‘lib, bu roldagi ijrosi keng miqyosda e’tirof etildi.
Biroq haqiqiy shuhrat unga “Oila uchun” serialidagi Asiye obrazi bilan keldi. Uning qahramoni — g‘amxo‘r, halol va kuchli qiz bo‘lib, tomoshabinlar mehrini qozondi. Su Burju suratga olish jarayonida bu personaj bilan birlashib ketganini, ular o‘rtasida yaqinlariga sodiqlik kabi o‘xshash xususiyatlar borligini tan oladi.
2024-yilda Su Burju “Bir kecha ertagi” melodramasida bosh rolni ijro etdi, bu esa uning karyerasida yangi bosqich bo‘ldi. Aktrisa o‘z ishlari bilan muxlislarini xursand qilishda davom etmoqda va uning kinodagi kelajagi juda istiqbolli ko‘rinmoqda.
Jemre Baysel
Jemre Baysel — ohu ko‘zlari va mayin tabassumi bilan tomoshabinlarni o‘ziga rom etgan, “Ramo” dramasidagi roli bilan shuhrat qozongan yosh go‘zal aktrisa. Bu aktrisaning dastlabki muhim rollaridan biri bo‘lib, keyinchalik “Taqdir o‘yini”, va “Meni saqla” melodramalarida bosh rollarda o‘ynagan.
2024-yil kuzida Jemre “Leyla” dramasidagi bosh rol bilan ekranlarga qaytdi. Serial suratga olish ishlari 2025-yilda ham davom etmoqda va muxlislar yangi qismlarni sabrsizlik bilan kutmoqda. Jemre — his-tuyg‘ularni mohirona ifodalay oladigan va tomoshabinlarni o‘z qahramonlariga hamdard qila oladigan iste’dodli aktrisa.
Miray Daner
Miray Daner aktyorlik faoliyatini 7 yoshida boshlab, 25 yoshiga kelib ajoyib tajribaga ega bo‘ldi. Aktrisa, ayniqsa, “Qush parvozi” va “Cheksiz muhabbat” seriallarida o‘z iste’dodini yorqin namoyon etishga erishdi.
“Cheksiz muhabbat” melodramasidagi Zeyneb roli aktrisaga jahon miqyosidagi shuhrat va tomoshabinlar mehrini olib keldi. Miray muxlislarini yangi loyihalar bilan quvontirishda davom etmoqda va uning karyerasi shiddat bilan rivojlanmoqda.
Simay Barlas
Simay Barlas “Zolim Istanbul” va “Aziz” seriallarining yulduzi hisoblanadi. 2024-yilda u eng yuqori reytingli seriallardan biri — “Yovvoyi”da o‘z iste’dodini namoyish etdi. 2025-yilda esa “Yig‘lama, Istanbul” nomli yangi loyiha uchun 80-yillarning qahramoniga aylandi. Simay allaqachon butunlay turli xil rollarga kira olishini ko‘rsatdi va uning romantik komediyadalarda rol o‘ynashi ham ehtimoldan holi emas.
“Oltin kapalak” taqdirlash marosimida “Porlab kelayotgan yulduz” mukofotini qo‘lga kiritgan Simay o‘z faoliyatida yangi cho‘qqilarni zabt etishda davom etmoqda.
Asude Kalebek
Asude Kalebek — atigi ikkita rol bilan butun dunyoga mashhur bo‘lishga erishgan aktrisa. Uning karyerasi Netflix uchun suratga olingan “Klub” seriali bilan boshlangan. 2023-yilda u “Meni saqla” melodramasida asosiy rollardan birini ijro etib, o‘zini yanada ishonchliroq namoyon qildi.
Asude chet elda, ayniqsa, Yevropada karyera qurishni orzu qiladi, ammo, shu bilan birga, o‘z ildizlariga bog‘lanib qolganini va Turkiyani butunlay tark etishga tayyor emasligini tan oladi. Asude serqirra aktrisa bo‘lib, u o‘z his-tuyg‘ularini ekran orqali ishonchli tarzda yetkazib bera oladi.
Meltem Akchel
Meltem Akchel ilk bor 2021-yilda ekranlarda ko‘rindi va darhol “Singan hayotlar” serialida bosh rolni ijro etdi. Keyinchalik aktrisa “Meni eshit” va “Guljamol” seriallarida rol o‘ynadi. 2024-yilda Meltem “Qora daraxt afsonasi” serialida Sulton roliga tasdiqlandi, bu esa unga yanada ko‘proq shuhrat keltirdi. Aktrisaning yorqin va esda qolarli tashqi ko‘rinishi, aktyorlik iste’dodi bilan uyg‘unlashib qisqa vaqt ichida muvaffaqiyatga erishishiga yordam berdi.
Yag‘mur Yuksel
Yag‘mur Yuksel — Turkiya uchun g‘ayritabiiy go‘zallikka ega bo‘lgan yosh yulduz. U “Qonli gullar” serialidagi bosh roli tufayli shuhrat qozondi. Yag‘mur qisqa vaqt ichida tomoshabinlar mehrini qozondi va ko‘pchilik unga Sila Turkog‘lu va O‘zge Yag‘iz karyerasiga tenglashadigan muvaffaqiyatni bashorat qilmoqda. Yaqinda aktrisaning “Qaynoq tuproq” melodramasida bosh rolni ijro etishi va suratga olish maydonidagi hamkori Batuhan Sezer bo‘lishi haqida ma’lumotlar tarqaldi.
Izoh (0)