O‘zbekistonda allaqachon ommalashib ketgan turk seriallari nafaqat O‘rta Osiyo davlatlarida, balki boshqa ko‘plab xorijiy mamlakatlarda sevib tomosha qilinadi. Bugungi kunda Turkiya AQSHdan keyingi eng ko‘p serial sotuvchi ikkinchi mamlakatga aylangan. Quyida Netflix striming xizmati tomonidan so‘nggi ikki yil ichida taqdim etilgan eng qiziqarli turk seriallarini havola etamiz.
Foto: Netflix
“Kimlar keldi, kimlar kechdi”
Bosh rolda Serenay Sarikaya ishtirok etadi. U o‘z ishining professionali bo‘lgan advokat Leyla Taylan obrazini gavdalantiradi. Leyla birinchi muhabbatining xiyonati bilan tugagan munosabatidan keyin, do‘stlari va oshpaz Feyyazning yordami bilan ruhiyatini tiklaydi. Faoliyati davomida u 15 yil ichida uch marta uylangan va ajrashgan, munosabatlarda muvaffaqiyatsiz bo‘lgan Jem Muratanni uchratadi. Leyla mijozini himoya qilish jarayonida kutilmagan voqealarga duch keladi.
Serialning birinchi mavsumi 2024-yil 9-mayda namoyish etilgan bo‘lib, 8 qismdan iborat. Loyiha zamonaviy shahar hayotidagi munosabatlarni, ayniqsa, ish joyidagi do‘stlik va romantik aloqalarni o‘rganadi. Serial tomoshabinlar orasida katta qiziqish uyg‘otgan va 69 mamlakatda top-10 talikka kirgan. Birinchi 32 kun ichida umumiy ko‘rish vaqti 79 million 200 ming soatga yetgan.
“Kubro”
Drama va triller janridagi serial yozuvchi Afshin Kumning shu nomli romaniga asoslangan. Syujetga ko‘ra, bosh qahramon Go‘kxan Istanbulning chekka hududida yashovchi oddiy yigit bo‘ladi. U “SoulTouch” nomli ilovada Kubro ismli foydalanuvchidan turli SMS lar oladi, uning xabarlarida kelajakni bashorat qiluvchi sirli ma’lumotlar bo‘ladi. Dastlab bunga e’tibor bermagan Go‘kxan, vaqt o‘tishi bilan Kubroning ko‘p narsani bilishiga ishonch hosil qiladi va uning ko‘rsatmalariga amal qilib, o‘z izdoshlarini orttiradi.
Serial tomoshabinlar va tanqidchilar tomonidan ijobiy baholangan. Ayniqsa, e’tiqod va texnologiya mavzularining o‘ziga xos tarzda yoritilishi, shuningdek, aktyorlarning mahorati yuqori baholangan.
“Gulduros qarsaklar”
Serial katta shaharda o‘zini yolg‘iz his qilayotgan Metinning taqdiri haqida hikoya qiladi. Uning ota-onasi bolani baxtli qilish uchun hamma narsani qilib ko‘radi. Va ularning hayotida ko‘plab muammolar paydo bo‘lganda Metin ota-onasini baxtli qilish mas’uliyatini o‘z zimmasiga oladi.
“Shahmaran”
Mazkur loyiha fantastik-dramatik yo‘nalishda bo‘lib, rejissyor Umur Turagay tomonidan suratga olingan. Bosh rollarda Serenay Sarıkaya (Shahsu) va Burak Deniz (Maran) ishtirok etishgan.
Shaxsu — yosh psixologiya o‘qituvchisi bo‘lib, o‘z shahriga qaytishga majbur bo‘ladi. Aynan shu yerda u ilon ayol Shahmaranga sig‘inishiga to‘g‘ri keladi. Agar dastlab bosh qahramon uchun bu jonzot haqidagi barcha afsonalar shunchaki ertakdek tuyulsa, vaqt o‘tishi bilan u uning mavjudligiga ishona boshlaydi. Biroq Shaxsu bu afsonaning bir qismi bo‘lish taqdirida borligiga shubha qilmaydi.
Bu fantastik serial tomoshabinlar e’tiborini darhol o‘ziga tortdi. Turkiya uchun bunday fantastik loyihalarni suratga olish odatiy hol emas, ammo bu serial mavjud stereotiplarni yo‘q qilishga muvaffaq bo‘ldi.
“Tikuvchi”
2023-yilda Netflix’da namoyish etilgan mazkur dramatik serialda mashhur aktyor Chig‘atoy Ulusoy bosh rolni ijro etgan. Unda muvaffaqiyatli va taniqli tikuvchi Peyami Dokumachi ismli erkak haqida hikoya qilinadi. Otasi vafotidan so‘ng, qahramon Istanbulga ko‘chib o‘tadi va o‘zining oilaviy sirlarini yashirishga harakat qiladi. Bu jarayonda u Esvet ismli ayol bilan tanishadi, bu esa uning hayotini butunlay o‘zgartiradi.
Izoh (0)