“Alvon g‘unchalar”: tomoshabinni ekran qarshisiga mixlab qo‘ygan yangi turk seriali nima haqida? (foto)

Turkiyada O‘g‘u Namal va O‘zjan Deniz ishtirokidagi “Alvon g‘unchalar” seriali ko‘pchilikning eʼtiborini tortdi, bu esa ijtimoiy tarmoqlarda loyiha mavzusi haqida qizg‘in muhokama va bahslarga sabab bo‘ldi. Tomoshabinlar diniy mavzuni ko‘targan loyiha taqdiridan, to‘g‘rirog‘i, uning qonunlariga amal qilgan insonlar hayotiga katta e’tibor qaratuvchi so‘fiylik tariqatidan xavotir bildirgan sharhlar ko‘p bo‘ldi.

Loyihada mashhur aktyorlarning ishtirok etgani ham katta qiziqish uyg‘otdi. Ammo O‘zge Nemalning qaytishi uning muxlislari uchun kutilmagan syurpriz bo‘ldi. 10 yillik tanaffusdan so‘ng 22 ta loyihada o‘ynagan aktrisa yangi serial bilan teleekranlarga qaytdi.

Syujet: Bu dunyoviy va diniy oilalar vakillarining to‘qnashuvi va sevgisi haqida hikoya qiluvchi drama. 1-qismda tomoshabin bosh qahramonlar bilan tanishadi. Levent muvaffaqiyatli psixiatr — mas’uliyatli, g‘amxo‘r inson. U bemorlarini davolashga, ularning ichki dunyosini tushunishga intiladi, ularning muammolarini his qila oladi.

Levent klinika bemorlari hayotiga sho‘ng‘ib ketganidan oilasidan qanchalik uzoqlashganini sezmaydi. Qizini o‘z farzandidek ko‘rolmagan rafiqasi Beste (qiz asrab olinganini epizod oxirida bilib olamiz) Germaniyaga ketish uchun yashirincha hujjatlar yig‘adi. Beste hamma bilan aloqalarini uzish istagiga qaramay, oilasini shunday tashlab keta olmaydi. Shuning uchun ayol uy, qizi va kasal qaynotasiga g‘amxo‘rlik qilishi uchun Meryemni yollaydi.

Meryem diniy oiladan chiqqan, urf-odatlar bo‘yicha yashashga, eri bilan bahslashmay, unga bo‘ysunishga odatlangan. U turmush o‘rtog‘i Naim va qizi Zeynep bilan zilziladan zarar ko‘rgan kichik shaharchadan Istanbulga kelgan. Balki, qizining so‘fiylik tariqatidagi jiyani Juneydga turmushga chiqishini tasodifan bilib qolmaganida, ayol avvalgi hayotini davom ettirgan bo‘larmidi.

Meryem qizi uning taqdirini takrorlashini istamaydi, shuning uchun u mas’uliyatni o‘z qo‘liga olishga va qizining oyoqqa turib olishi uchun o‘qishiga yordam berishga qaror qiladi.

Shuning uchun u Bestaning uy bekasi bo‘lish taklifiga rozi bo‘ladi. Xotinining chet elga ketganidan xabar topgan va u bilan gaplashgani kelgan Levent uyida Meryem hamda qizi Zeynepni ko‘radi.

Levent tasodifan Zeynepning qaylig‘i Juneyd bilan uchrashgan edi. Yigitni politsiya kasalxonaga olib borgan, shifokor yigitning dunyoqarashidagi ba’zi muammolarni qayd etib, u bilan suhbat qurgandi. Ammo amakisi zudlik bilan jiyanini shifoxonadan olib, oilaviy sirlarni boshqalardan yashirishga harakat qiladi.

Meryem va Leventning hayot yo‘llari kutilmaganda kesishishi ularning ham, atrofdagilarning taqdirini ham butunlay o‘zgartiradi. Katta ehtimol bilan, Levent asrab olgan qizi Meryemning qizi ekanligini tushunadi. Bu ayol egizak farzand tug‘gan, biroq unga qizlaridan biri vafot etganini aytishgan. Yashash va fikrlashdagi farqlarga qaramay, Meryem va Leventni birlashtiruvchi kuch “ularning farzandlari” bo‘ladi.

Serial Gold Film kinokompaniyasi tomonidan imzolangan. Aytish kerakki, bu mavsumning eng qimmat loyihalaridan biri.

Yangi film rejissyori — ssenariynavis va prodyuser sifatida ham tanilgan Atay Omur. U 10 ta loyihani suratga olgan, so‘nggi asarlari: “Begunohlik” va “Agar erkak sevib qolsa” filmlari.

Ssenariy muallifi – Sukru Nejati Shahin (“Otaturk”, “Klub”, “Sen mening Vatanimsan”, “Yurak amri”).

Loyiha real voqealarga asoslangan yoki yo‘qligi haqida hech qanday ma’lumot mavjud emas. Serialning suratga olish ishlari Istanbulda bo‘lib o‘tgan, biroq ba’zi sahnalarni yaqin kunlarda Sharqiy Anadoluda suratga olish rejalashtirilmoqda.

Aktyorlar va rollar

O‘zjan Deniz (51 yosh) — Levent Alkanli

Levent — o‘z kasbiga katta mas’uliyat bilan qaraydigan, mijozlariga davolanishda yordam berishga harakat qiladigan psixiatr.

O‘zjan Deniz — taniqli turk kino aktyori, rejissyor, ssenariynavis, musiqachi va qo‘shiqchi. Uning aktyorlik faoliyati 1995-yilda boshlangan va shu vaqt ichida u 27 ta loyihada rol o‘ynagan. U ishtirok etgan “Xonadon”, “Sen mening uyimsan”, “Suv va olov”, “Sevgi taqdirga qarshi” va “Istanbullik kelin” seriallari ko‘plab ijobiy sharhlar olgan.

O‘zgu Namal (44 yosh) — Meryem Tezel

Meryem — an’anaviy qarashlarga sodiq ayol, lekin qizi uchun kurashishga tayyor. U Naim bilan turmush qurib, baxtsiz bo‘lsa-da, urf-odatlarga qarshi chiqa olmaydi. Faqat qizi uning taqdirini takrorlashidan qo‘rqish ayolni odatdagi qarashlarini o‘zgartirishga majbur qiladi.

O‘zgu Namal turkiyalik aktrisa bo‘lib, 15 yillik aktyorlik faoliyati davomida 22 ta loyihada rol o‘ynagan. Turmushga chiqqanidan keyin aktrisa butun vaqtini oilasiga bag‘ishlab, karyerasini tark etgandi. Erining vafotidan keyin O‘zgu yana ekranlarga qaytdi.

Mert Yazijio‘g‘lu (30 yosh) — Juneyd Gunesh

Juneyd — so‘fiylik mazhabi yetakchisi Sadi Hudayning jiyani. Bir qarashda dunyoqarashi bilan uni deyarli avliyo deb biladigan sekta a’zolaridan farq qiladigan g‘alati yigit. U psixiatriya shifoxonasida uchrashgan noma’lum qizning og‘ir taqdiri bilan tanishib, uning baxtsizligining aybdori bo‘lgan otasini jazolashga tayyor edi.

Mert Yazijio‘g‘lu turk muxlislariga yaxshi tanish yosh aktyor. U 11 ta loyihada rol o‘ynagan.

Erkan Avji (41 yosh) — Sa’diy Huday Gunesh

Sa’diy Huday so‘fiylik tariqatining yetakchilaridan biri bo‘lib, u jiyani katta mavqega ega bo‘lishini istaydi. Uning mehribon, sadoqatli xotini va qizi bor. O‘z manfaati uchun hech narsadan tap tortmaydigan yoqimsiz ikkiyuzlamachi erkak.

Erkan Avji ijodiy faoliyatini 2006-yilda “Xavfli ko‘chalar” serialida boshlagan. Ijodiy faoliyati davomida u 16 ta loyihada rol o‘ynagan. Shuningdek, mashhur turk seriali “Qora amaki” va “Chuqur”da ham ishtirok etgan.

Nazal Turesan (38 yosh) — Beste Ankanli

Beste — doktor Leventning rafiqasi, Mirraning onasi. U turmushidan baxtsiz, yaxshi ona bo‘lishga harakat qiladi, lekin asrandi qiziga mehr qo‘yolmaydi. Beste eri va qizini qoldirib, Turkiyadan yashirincha Germaniyaga ketishga qaror qiladi. Meryemni ishga taklif qilgan Beste bu tasodifmi yoki ayol Mirraning haqiqiy onasi ekanligini bilarmidi, hozircha aniq emas.

Nazal Turesan 17 ta loyihada rol o‘ynagan mashhur turk aktrisasi bo‘lib, ularning ko‘pchiligi nafaqat Turkiyada, balki xorijda ham mashhur, chunki u ham teleseriallarda, ham raqamli loyihalarda o‘ynagan. U “Iflos pullar va sevgi” (Asli), “Fazilat xonim va qizlari” (Yasmin), “G‘aroyib doktor” (Beliz) seriallarida rol o‘ynagan.

Mert Turak (43 yosh) — Naim Tezel

Naim Tezel — Meryemning eri, an’anaviy qarashlarga ega bo‘lgan erkak. U kunlik ishlarda ishlagani uchun xotini va qizini ta’minlay olmaydi, lekin har doim ham xotiniga ishlashga ruxsat bermaydi, faqat o‘zi biladigan odamlarnikiga yuborishi mumkin.

Mert Turak 10 ta loyihada rol o‘ynagan. Tomoshabinlarimizga tanish bo‘lgan yagona serial — “Hukmdor Usmon”.

Selen O‘zturk (43 yosh) — Hasna Gunesh

Hasna — so‘fiylik tariqatining yetakchisi Sa’diy Hudayning xotini, Feyzaning onasi. Aytish mumkinki, u diniy tariqatning “birinchi xonimi”, erini juda yaxshi ko‘radi, qizini Junaydga turmushga berishni orzu qiladi.

Selen O‘zturk ko‘proq ikkinchi darajali aktrisa sifatida tanilgan. U 19 ta loyihada rol o‘ynagan.

Sherif Erol (60 yosh) — Suavi Alkanli

Suavi — Levent va Handening otasi. U kasalligi tufayli azobga aylangan hayotdan charchagan dardmand odam. Uyiga Meryem kelishi bilan u yashagan yillari, oilasi haqida o‘ylaydi va unda yashash istagi uyg‘onadi.

Sherif Erolning filmografiyasida 22 ta loyiha bor. U komediyalarda ham, dramalarda ham mahorat bilan o‘ynaydigan ko‘p qirrali aktyor. Uning so‘nggi asarlari —  bosh qahramonning otasi rolini o‘ynagan “Shisha qafasdagi qiz” va “Agar chindan sevib qolsangiz” (Ilter) filmlari.

Duygu Sarishin (36 yosh) — Hande Alkanli

Hande — doktor Leventning singlisi va Suavining qizi. Uning roli hali oshkor etilmagan, lekin u akasini yaxshi ko‘radi, garchi u har doim ham hayotdagi mavqeyini baham ko‘rmasa ham.

Duygu Sarishin ko‘proq teatr aktrisasi va rejissyori sifatida tanilgan. Istanbul davlat teatrida rejissyor yordamchisi. Duygu 10 ta loyihada rol o‘ynagan, ulardan eng mashhurlari “Qochoq kelinlar” va “Katta-kichik yolg‘onlar” filmlaridir.

Mina Demirtash — Zeynep Tezel

Zeynep — Meryemning qizi. Qiz aqlli, zukko, ammo ta’lim olmagan, chunki otasi qizining o‘qishiga ruxsat bermagan. Otasining fikricha, ayol uchun asosiy narsa — munosib odamga turmushga chiqishdir. Qizi endigina 16 yoshda bo‘lsa ham otasi uni Sa’diy Hudayning jiyaniga xotinlikka berishga tayyor.

Mina Demirtash — yosh aktrisa, u allaqachon 3 ta loyihada rol o‘ynagan. Bu uning 4-seriali.

Esma Yilmaz (15 yosh) — Mirra Ankanli

Mirra — Levent va Bestening asrandi qizi. Qizning onasiga bo‘lgan munosabati unchalik yaxshi emas, chunki onasi hech qachon qizini yaxshi ko‘rmagan. Har doim o‘z ishi bilan band bo‘lgan otasi ham unga yetarlicha e’tibor bermaydi.

Esma Yilmaz yosh bo‘lishiga qaramay, nafaqat Turkiyada, balki xorijda ham mashhur bo‘lgan 3 ta loyiha — “Ranjigan gullar”, “Tariximiz”, “Hammasi nikoh haqida” seriallarida rol o‘ynagan.