AQSH prezidenti Donald Tramp va uning ma’muriyati Xitoy va Rossiyaga nisbatan Amerikaning sobiq prezidentlariga qaraganda kamroq bosim o‘tkazib, moslashuvchanroq yondashuvni qo‘llaydi, deb yozmoqda Foreign Affairs jurnali.
Nashr ma’lumotlariga ko‘ra, Amerikaning avvalgi rahbarlari Rossiya va Xitoyni demokratlashtirish zarurligini ta’kidlagan hokimiyat doiralari tomonidan bosimga uchragan. Biroq “Tramp qaytganidan so‘ng bu bosim yo‘qoldi”, chunki hokimiyatni o‘zgartirish g‘oyasi va “Xitoy hamda Rossiyadagi boshqaruv shakli Trampni mutlaqo tashvishga solmayapti”.
Jurnalning baholashicha, “ziddiyat manbalari saqlanib qolsa-da, umumiy vaziyat kamroq keskinlashadi va diplomatik aloqalar o‘rnatish imkoniyati paydo bo‘ladi”. Xususan, nashr AQSHning ba’zi yon berishlarga borishi, shuningdek, muzokaralarda ochiqroq bo‘lishi mumkinligini istisno etmagan. Bundan tashqari, Pekin, Vashington va Moskva o‘rtasida qurolsizlanish masalalari bo‘yicha shartnomalar tuzilishi ham istisno etilmagan.
Bunday egiluvchan diplomatiya Tramp va uning ma’muriyatiga katta foyda keltirishi mumkin. Hamkorlik qilish uchun xalqaro tashkilotlarga muhtoj bo‘lmagan Amerika yetakchisi turli voqealarga tezroq munosabat bildirishi va maqsadga erishish uchun mavjud vaziyatdan foydalanishi mumkin, deb ta’kidlamoqda Foreign Affairs.
Van I AQSH hukumatini Xitoyni tiyib turishga urinishdan ogohlantirdi
Xitoy tashqi ishlar vaziri Van I Myunxen xavfsizlik konferensiyasi ochilishida so‘zga chiqdi.
Xitoy uchun yevropaliklar hamkor, raqib emas. Va bu bizning ko‘p qutbli dunyomizda juda muhim siyosatdir, dedi u.
Bundan tashqari, Van I AQSH hukumatini Xitoyni tiyishga urinishdan ogohlantirdi. XXR vakilining so‘zlariga ko‘ra, bu Pekinning qat’iy chora-tadbirlariga sabab bo‘ladi.
Van I, shuningdek, Rossiya va Ukraina o‘rtasidagi ehtimoliy sulh muzokaralariga izoh berdi.
Pekin Ukraina mojarosini hal qilishga yordam beradigan barcha sa’y-harakatlarni, jumladan, so‘nggi kunlarda AQSHning Rossiya bilan kelishuvga erishganini olqishlaydi. Barcha tomonlar munosib vaqtda Ukraina bo‘yicha tinchlik muzokaralarida ishtirok etishi lozim, deya qo‘shimcha qildi diplomat.
U Xitoyning Rossiya gazidan voz kechishga tayyor emasligini ta’kidladi, chunki boshqa davlatlar XXR talab qilgan miqdordagi resurslarni yetkazib bera olmaydi.
Aksar davlatlar Xitoyga bosim o‘tkazish uchun iqtisodiy va savdo masalalarini siyosiylashtirmoqda. Biz bunga yo‘l qo‘ya olmaymiz, deb xulosa qildi Van I.
Izoh (0)