Joriy yil yanvar–iyul oylarida O‘zbekistonda jami 162,9 trillion so‘mlik qurilish ishlari bajarildi. Bu ko‘rsatkich 2024-yil mos davriga nisbatan 10,7 foiz yuqori (138,9 trillion so‘m).
Yetti oy 68,7 foizi qurilishlar bino va inshootlar, 20,9 foizi fuqarolik obyektlari, 10,4 foizi ixtisoslashtirilgan nuqtalar hissasiga to‘g‘ri kelgan.
Respublika miqyosida eng ko‘p qurilishlar Toshkent shahrida bajarilgan. Poytaxtda hisobot davrida qariyb 47,2 trillion so‘mlik qurilish qilingan. Mazkur ko‘rsatkich qolgan hududlarga nisbatan o‘ta katta tafovutga ega. Masalan, keyingi o‘rinlarda Toshkent (18,6 trillion so‘m) va Buxoro (10,6 trillion so‘m) viloyatlaridagi qurilishlar qiymati nisbatan yuqori. Lekin qolgan hududlarda qurilishlar qiymati 10 trillion so‘mdan past. Raqamlar quyidagicha:
- Farg‘ona viloyati — 9,9 trillion so‘m;
- Samarqand viloyati — 9,9 trillion so‘m;
- Qashqadaryo viloyati — 9,3 trillion so‘m;
- Surxondaryo viloyati — 8,3 trillion so‘m;
- Namangan viloyati — 7,6 trillion so‘m;
- Andijon viloyati — 7,5 trillion so‘m;
- Navoiy viloyati — 7 trillion so‘m;
- Jizzax viloyati — 4,4 trillion so‘m;
- Xorazm viloyati — 6,8 trillion so‘m;
- Qoraqalpog‘iston Respublikasi — 5,5 trillion so‘m;
- Sirdaryo viloyati —3,1 trillion so‘m.
Hisobot davrida yirik qurilish tashkilotlari tomonidan bajarilgan qurilish ishlari hajmi 36,2 trillion so‘mni tashkil etgan. Mazkur ko‘rsatkich 2024-yil mos davridagidan 13,7 foizga ko‘p. Jami qurilish ishlari hajmining 52,6 foizi kichik korxona va mikrofirmalar hissasiga to‘g‘ri kelgan — 85,7 trillion so‘m (o‘sish 9,2 foiz).
Norasmiy sektorda qurilish ishlarining ulushi 41 trillion so‘mga (jami miqdorning 25,2 foizi) yetgan. Bunda o‘sish 2024-yil mos davriga nisbatan 11,2 foiz bo‘lgan.
Joriy yil 1-avgust holatiga ko‘ra, respublikada qurilish sohasida jami 29 ming 232 ta korxona faoliyat yuritmoqda. Toshkent shahri qurilish korxonalari soni bo‘yicha ham yetakchilik (7 ming 78 ta) qilmoqda.
Izoh (0)