Fransiya prezidenti Emmanuel Makron 30 davlat Ukraina xavfsizligini ta’minlashda ishtirok etishga tayyorligini ma’lum qildi. U qo‘shinlar front chizig‘ida joylashishi shart emasligi, biroq ular kafolat sifatida hozir bo‘lishini ta’kidladi. Bu haqda Fox News xabar berdi.
Men Yevropaning 30 yetakchisi va ittifoqchilarimiz bilan gaplashdim, ularning ko‘pchiligi bunday bitimning bir qismi bo‘lishga, u yoki bu ko‘rinishdagi xavfsizlik kafolatlariga tayyor, dedi u.
Fransiya prezidentiga ko‘ra, bu davlatlar Rossiya kelishuvlarni buzgan taqdirda AQSHdan qo‘llab-quvvatlash signalini kutmoqda. Bunga qadar Fransiya prezidenti Ukraina uchun xavfsizlik kafolatlarini muhokama qilish maqsadida Yevropa yetakchilarini ikki marta — 17 va 19-fevral kunlari yig‘gan edi.
Bunga AQSHning yangi rahbariyati vakillarining tanqidiy bayonotlar sabab bo‘lgan. Xususan, Myunxen xavfsizlik konferensiyasi AQSH prezidentining maxsus elchisi Kit Kellog Ukrainadagi mojaroni hal etish bo‘yicha muzokaralarda Yevropa Ittifoqi jismonan ishtirok etmasligini aytgan.
Makron 24-fevral kuni AQSH prezidenti Donald Tramp bilan Ukraina bo‘yicha muzokaralar o‘tkazish uchun Vashingtonga keldi, keyinroq Britaniya bosh vaziri Kir Starmer AQSHga tashrif buyuradi.
Britaniya Ukrainaga qo‘shin joylashtirishga tayyor
Buyuk Britaniya bosh vaziri Kir Starmer uning mamlakati xavfsizlik kafolatlarini ta’minlash uchun Ukrainaga qo‘shin yuborishga tayyorligini aytdi.
Bu, shuningdek, zarurat tug‘ilganda, o‘z qo‘shinlarimizni joylashtirish orqali Ukraina xavfsizligini ta’minlashga hissa qo‘shishga tayyor ekanimiz va istagimizni anglatadi. Ukraina xavfsizligini ta’minlashga ko‘maklashish qit’amiz va mamlakatimiz xavfsizligini kafolatlashga yordam beradi, dedi Starmer.
Shuningdek, Buyuk Britaniya urush tugaganidan so‘ng Ukraina havo hududinini qo‘riqlash uchun Typhoon qiruvchi samolyotlarini yuborishni rejalashtirmoqda.
Ukrainaga xavfsizlik kafolatlari nima uchun kerak?
Ukraina prezidenti Vladimir Zelenskiy AQSH o‘t ochishni to‘xtatishni istashi va bu ular uchun urushni to‘xtatishni anglatishi, biroq Ukraina uchun yetarli emasligi va kafolatlar kerakligini ta’kidlagan.
Ishonchim komilki, ular buni haqiqatan ham katta muvaffaqiyat, Putin yana hujumga jur’at etmaydi, deb hisoblaydi. Bizda xavfsizlik kafolatlari bo‘lishi kerak, deb hisoblaymiz, degan siyosatchi.
Zelenskiyning so‘zlariga ko‘ra, xavfsizlik kafolatisiz noaniqlik hukm suradi va har doim Rossiyaning takroriy hujumi xavfi bo‘ladi.
Noaniqlik butun dunyo uchun yomon. Bundan hamma yutqazadi. Biz yutqazyapmiz, amerikaliklar yutqazyapti, chunki sen o‘t ochishni to‘xtatgan bo‘lsang va bir yildan keyin urush boshlansa, g‘olib bo‘lib ko‘rinish mumkinmi? Rossiyaliklar esa tayyorgarlik ko‘radi va keyin yana hujum boshlanadi, deya tushuntirdi prezident.
Shu sababli u urushning qaynoq bosqichi tugashi haqida gap ketsa, bu qanday tugashi, hamkorlar qanday xavfsizlik kafolatlarini berishi zarurligini ta’kidlagan.
Izoh (0)