АҚШ президенти Дональд Трамп ва унинг маъмурияти Хитой ва Россияга нисбатан Американинг собиқ президентларига қараганда камроқ босим ўтказиб, мослашувчанроқ ёндашувни қўллайди, деб ёзмоқда Фореигн Аффаирс журнали.
Нашр маълумотларига кўра, Американинг аввалги раҳбарлари Россия ва Хитойни демократлаштириш зарурлигини таъкидлаган ҳокимият доиралари томонидан босимга учраган. Бироқ “Трамп қайтганидан сўнг бу босим йўқолди”, чунки ҳокимиятни ўзгартириш ғояси ва “Хитой ҳамда Россиядаги бошқарув шакли Трампни мутлақо ташвишга солмаяпти”.
Журналнинг баҳолашича, “зиддият манбалари сақланиб қолса-да, умумий вазият камроқ кескинлашади ва дипломатик алоқалар ўрнатиш имконияти пайдо бўлади”. Хусусан, нашр АҚШнинг баъзи ён беришларга бориши, шунингдек, музокараларда очиқроқ бўлиши мумкинлигини истисно этмаган. Бундан ташқари, Пекин, Вашингтон ва Москва ўртасида қуролсизланиш масалалари бўйича шартномалар тузилиши ҳам истисно этилмаган.
Бундай эгилувчан дипломатия Трамп ва унинг маъмуриятига катта фойда келтириши мумкин. Ҳамкорлик қилиш учун халқаро ташкилотларга муҳтож бўлмаган Америка етакчиси турли воқеаларга тезроқ муносабат билдириши ва мақсадга эришиш учун мавжуд вазиятдан фойдаланиши мумкин, деб таъкидламоқда Фореигн Аффаирс.
Ван И АҚШ ҳукуматини Хитойни тийиб туришга уринишдан огоҳлантирди
Хитой ташқи ишлар вазири Ван И Мюнхен хавфсизлик конференцияси очилишида сўзга чиқди.
Хитой учун европаликлар ҳамкор, рақиб эмас. Ва бу бизнинг кўп қутбли дунёмизда жуда муҳим сиёсатдир, деди у.
Бундан ташқари, Ван И АҚШ ҳукуматини Хитойни тийишга уринишдан огоҳлантирди. ХХР вакилининг сўзларига кўра, бу Пекиннинг қатъий чора-тадбирларига сабаб бўлади.
Ван И, шунингдек, Россия ва Украина ўртасидаги эҳтимолий сулҳ музокараларига изоҳ берди.
Пекин Украина можаросини ҳал қилишга ёрдам берадиган барча саъй-ҳаракатларни, жумладан, сўнгги кунларда АҚШнинг Россия билан келишувга эришганини олқишлайди. Барча томонлар муносиб вақтда Украина бўйича тинчлик музокараларида иштирок этиши лозим, дея қўшимча қилди дипломат.
У Хитойнинг Россия газидан воз кечишга тайёр эмаслигини таъкидлади, чунки бошқа давлатлар ХХР талаб қилган миқдордаги ресурсларни етказиб бера олмайди.
Аксар давлатлар Хитойга босим ўтказиш учун иқтисодий ва савдо масалаларини сиёсийлаштирмоқда. Биз бунга йўл қўя олмаймиз, деб хулоса қилди Ван И.
Изоҳ (0)