AQSH prezidenti Donald Trampning ayrim amaldorlari Ilon Mask tomonidan chiqarilgan xodimlar erishgan yutuqlarni sarhisob qilish talabiga qarshi chiqdi. Bu haqda The New York Times xabar berdi.
Ma’lum qilinishicha, Federal qidiruv byurosi (FQB) Pentagon, Davlat departamenti kabi bir qator davlat tuzilmalar o‘z faoliyati to‘g‘risida Maskning talabini bajarmaslikka qaror qilgan.
Bir qator amaldorlarning ushbu farmoyishni e’tiborsiz qoldirish qarori Maskning hokimiyatiga nisbatan tobora kuchayib borayotgan tashvishni aks ettiradi, deyiladi xabarda.
Ma’muriyatning yuqori lavozimli xodimlaridan biriga ko‘ra, bu amaldorlar uning prezidentga shaxsan ta’sir o‘tkaza olishini biladi. Ular Maskning X ijtimoiy tarmog‘idan o‘ziga to‘sqinlik qilayotgan shaxslarni ajratib ko‘rsatish uchun foydalanishidan xavotirda.
Pentagon Maskning talabiga javoban idora o‘z xodimlari faoliyatini tekshirish uchun mas’ul ekanini va buni o‘z tartib-qoidalariga muvofiq amalga oshirishini bildirgan. Tashqi razvedka boshqarmasi rahbari ham Maskning bu ko‘rsatmasini e’tiborsiz qoldirishni buyurgan.
Xuddi shunday harakatlarni FQBning yangi rahbari va boshqa bir qator amaldorlar ham amalga oshirdi. Ularning javobi maxfiy ishlarning beixtiyor oshkor bo‘lishiga olib kelishi mumkin, garchi Maskning xatida maxfiy ma’lumotlarni hisobotga kiritmaslik haqida ko‘rsatma berilgan bo‘lsa ham. Amerika davlat xizmatchilari federatsiyasi prezidenti Kelli Maskning bu harakatlarini qonunga xilof deb baholadi.
AQSHda hukumat samaradorligi departamenti (DOGE) rahbari Ilon Mask hisoblanadi. U ortiqcha qoidalarni, keraksiz xarajatlarni kamaytirish va federal agentliklarni qayta tashkil etish bilan shug‘ullanadi. Bir qator idoralar allaqachon DOGE’ning maxfiy ma’lumotlarga kirishini cheklagan.
O‘z navbatida, Oq uyning sudga taqdim etgan ma’lumotiga ko‘ra, Ilon Mask DOGE xodimi emas. Milliarder prezident maslahatchisi bo‘lib ishlaydi.
Oq uyning boshqa katta maslahatchilari singari, Mask ham hukumat qarorlarini mustaqil ravishda qabul qilishda rasmiy vakolatlarga ega emas. U faqat prezidentga maslahat berishi va uning ko‘rsatmalarini yetkazishi mumkin”, deyiladi ma’lumotnomada.
AQSHning 14 ta shtatidan prokuror va rasmiylar Mask keng vakolatlarga egaligi sababli uni sudga bergandi.
Izoh (0)