AQSH prezidenti Donald Tramp xalqaro savdoda dollarga muqobil valyuta yaratishga uringani uchun BRIKS mamlakatlariga 100 foiz boj joriy etish bilan tahdid qilmoqda. Bu haqda u o‘zining Truth Social tarmog‘ida yozdi.
“Biz, chamasi dushmanona munosabatda bo‘lgan bu mamlakatlardan BRIKSning yangi valyutasini yaratmaslik va qudratli AQSH dollarini almashtirish uchun boshqa hech qanday valyutani qo‘llab-quvvatlamaslik majburiyatini olishlarini talab qilamiz”, dedi AQSH prezidenti.
Bojlarni joriy etishdan tashqari, Tramp BRIKS mamlakatlarining tovarlari uchun Amerika bozorini yopib qo‘yish bilan ham tahdid qildi.
Yaqinda u BRIKS mamlakatlariga nisbatan savdo bojlarini joriy etish bilan tahdid solgandi. O‘shanda gap AQSHdagi BRIKS mamlakatlari korxonalari uchun bojlar haqida borgandi.
Putinning dollarga munosabati
Rossiya prezidenti Vladimir Putin Qozondagi BRIKS sammitida dollar jahon moliyasining eng muhim vositasi bo‘lib qolayotganini tan olgandi. Biroq u Amerika valyutasidan siyosiy maqsadlarga erishish uchun foydalanishni “katta xato” deb atagan. Siyosatchi AQSH so‘nggi 10 yil ichida dollar jahon valyutasi bo‘lgani tufayli “havodan” 12 trillion dollar olganini aytgan.
Ekspertlarimizning ma’lumotlariga ko‘ra, men ularga to‘liq ishonaman, dollar jahon valyutasi bo‘lgani sababli, Qo‘shma Shtatlar so‘nggi o‘n yil davomida shunchaki, yo‘qdan 12 trillion dollar qo‘lga kiritgan, degan u.
Kreml rahbar dollardan voz kechish rejalashtirilmaganini ma’lum qilgan.
Izoh (0)